قلبي متيم بعشقها (جارٍ تطوير السرد)

الفصل الثالث عشر

عند محمد وعمر كانوا قاعدين في كافيه بيشربوا قهوه وعمر كان بيكلم محمد .

محمد : يعني ايه يا عمر وما قولتليش ليه.
عمر : انا آسف يا محمد بس ما كانش ينفع اقولك لأنها حاجات سريه .
محمد : اه يعني انت دلوقتي هترجع .
عمر : ايوه والأول سفريه بعد بكره .
محمد : تروح وتيجي بالسلامه هتوحشني يا صاحبي .
عمر : وانت كمان .
محمد : اخوك عارف .
عمر : لأ مش عارف اني رجعت ولو عرف هيديني العلقه التمام.
محمد : طب انا من رايي نروح انا هموت وانام وقبل ما تقول حاجه لأ سلام عليكم.
عمر : وعليكم السلام .
وبعد كده كلم نفسه : الا هز عرف ازاي اني هقوله حاجه يخربيت دماغك يا محمد .

عمر اخد طريقه وروح لقا اخوه مستنيه وباين عليه الغضب وليد زعق لاخوه جامد وقاله : يعني ايه يا عمر ترجع الجهاز انت مش قولتلي هتشتغل في هندسه برمجيات وهتسيب الشرطه ليه بقا رجعت .
عمر : انا آسف يا وليد مش هينفع ارفض طلب من الداخليه وكمان بدل ما تهزق فيا اقنع كريم يرجع علشان ما يتسجنش وكمان هما كانوا فصلوني مؤقت بسبب حالتي المرضيه فهمت .

عمر دخل اوضته وساب اخوه و وليد اتنهد وطلع شقته ودخل لقا إيهاب قاعد قدام الكمبيوتر كعادته وليد راح وقاله : خلصت مذاكرتك وواجباتك يا إيهاب.
إيهاب: اه .
وليد بحزم : إيهااااب قوم هات كتبك انجز .

إيهاب قام وجاب كتبه ووليد فتح كتبه واتصدم وقال : ده اللى هو فين الواجب اللى محلول ده الكتاب ما فهوش كلمه على بعض انا مش عارف ازاي المدرس سايبك كده .
إيهاب: اه ده انا ودني بقت شبه ودن الفيل من كتر ما خالتو بتشدني منها .
وليد : خالتو مين .
ايهاب : خالتو ساندي .
وليد : اه وايه علاقه خالتو ساندي يعني .
إيهاب: ما هي المس بتاعتي .
وليد : لا والله وانا بقول ليه ما عملتش استدعاء ولي أمر طلعت عارفه اني هنفخك .

إيهاب بلع ريقه بخوف وكان لسه هيهرب وليد مسكه من هدومه من ورى زي المجرمين إيهاب قاله : ايه يا بابا هو انت شايفني حرامي .
وليد : حرامي؟! ده انا هوريك اللى الحرامي ما شافهوش .
إيهاب بصوت عالى و مليان خوف : يا ماما الحقيني يا ماما .

وليد مسكه وعلقه على الباب بتاع اوضته إيهاب قاله ببكاء : يا بابا نزلني والنبي والله هكتب الواجب وهذاكر .
وليد نزله وقاله : نص ساعه تكون خلصت واجباتك علشان اذاكرلك هي فين امك .
إيهاب: بتستحمى .
وليد : طب روح اكتب واجباتك يلا .

إيهاب راح يحل واجباته ونروح على مكان تاني واللى هو بيت خالد .

وفي بيت كريم البحيري آدم ويوسف كانوا عند كريم ويوسف يزعق لكريم وكريم رافض وادم يزن عليه وهو برده رافض وفجأه قال : خلاص خلاص هرجع الجهاز بكره من الاسبوع الجاي علشان مسافر .
يوسف : تمام متفقين .
كريم : يلا بقا غورو من وشي انا صدعت .

يوسف وادم قاموا ومشيوا او اتطردوا بمعنى أصح ولسه كريم هينام لقا خالد جاي ويقوله : بابا تعال العب معايا .
كريم : خلصت واجباتك زي ما قولتلك .
خالد : اه .
كريم : وريني .