_يا مساء العناب على الناس الأحباب
_بقولك أي، ولو.. مستحيل أرضى حتى لو مسيت عليا عشروميت مرة.
_طب يا مساء العنبر ممكن النمبر.
_بقولك أي يا يحيى لو سمحت أبعد عني عفاريت الدنيا أصلًا بتتنطط في وشي
شاكسها برفعة حاجب:
_ليه بس يا جميل كل دا عشان خبيت عليكي حوار القتيل اللي لقيناه في الشركه ما خلاص الموضوع عدى وأنا صالحتك بدل المرة خمسه.
نظرت له بتردد ثم ادارت وجهها للناحة الأخرى قائله بكبريا:
_برضوا مش هرضى يا يحيى أنت ناسي أن الموضوع دا مهم جدًا أزاي أنا معرفوش ويعدي كدا عليا زي زي الغريب.
تنهد وهو يقترب منها ثم غمز لها قائلًا بنبرة مشاكسه اعتادتها هي منه منذُ فترة:
_طب مساء الحنان هتيجي ولا تقلان.
أبتسمت بهدوء وخجل بعدما تمردت خصله قصيرة من شعرها الأحمر الناري لتزيد من جمال ملامحها فتقول بهدوء رافعه سبابتها بتحذير:
_بقولك أي يا أبو غيث دي أخر مرة تخبي حاجه عليا.
نظر لها ببلاهه ثم قال:
_أبو غيث! بس أنا هسمي أمين على أسم بابا الله يرحمه!
وقفت بسرعه من مقعدها لتضع يدها على خصرها قائله:
- ليه هو أنتَ اللي هتحمَل وتخلِف وتتعب، أنا هسمي غيث على أسم أخويا.
لوح بيده بلامبالاه قائلًا:
- ششش وأنتِ بتاع متر ونص كده روحي ألعبي بعيد.
شهقت وهي تراه يتحرك متجه ليجلس على الأريكه فأمسكته من قميصه قبل أن يجلس:
- ألعب بعيد! ومتر ونص كمان! خلي في علمك بقا أنا متر و67 سنتي يا عامود نور، أبعد كدا يا يحيى أنت طلعت ظريف أوي مبحبكش أصلًا على فكره.
رفع حاجبه من تحول هورمناتها وتتطورها السريع فهي تتبدل بلحظات معترفه أنها تحبه ثم بثواني تنفي كلامها وكأنها لم تتفوه به البته، تدارك الأمر بسرعه البرق وشدها نحوه ضاحكًا:
- وأنا بحبك أساسًا يا عيون وعقل يحيى، أنتِ حاطة مِن البرفيوم اللي بحبُه؟
ضحكت مها وهي تقترب منه حتى يستطيع استنشاق عطرها جيدًا قائله:
- حلو! قُلت أحُطه النهارده عشان رايقة، عملالك حبة بانية ومكرونه وايت صوص! يااهه يدوبوا.
- زيك كِده!
_طب واللهِ أنت سكر أوي وبتفهم جاامد، روح قلبي واللهِ.
قبل ثغرها ثواني وأبتعد عنها غامزًا:
_أنا بقول نلحق الوايت صوص بدل ما أتغدا بحاجه تانيه.
خجلت من مقصده وابتعدت لتقوم بتحضير الأطباق ووضعتها على السفره بمساعدة يحيى وأثناء ما هم يتناولوا الطعام سألته بتوجس:
_طعمها حلو يا يحيى؟
YOU ARE READING
غيث الجزء الثانى ( لقاء الجاسر)
Romanceالجميع يُفتن بعبق البدايات، تلهمه تلك الشعله المضيئة التي تابى ان تنطفئ، يتفانى في وصفها الكُتاب ويهيم بتفصيلها الشعراء، كيف لا وهي البداية، فدايمًا يقال البداية هي الآروع لها عبق خاص فريد من نوعه؛كما يقال البدايه هي الاجمل، لكن انا هنا سأقفز بعيدًا...
