ياريتني ما ريت سود انظاره !! مناي ابراهيم

الفصل الثالث ياريتني ما ريت سود انظاره

بقلم مناي ابراهيم ..تصويت يا متابعين ..

صفيه
تجلس تسمعع هزايب زوجها
اسعد : عليش تنابشي في جود قلتي وحم واعر متعبني وحوش هلي فوضه
تقعدي في شقة هلي ب احترامك طاسه ما تغسلي فيها عيالك حنهم تبحت لهم عليش تنابشي في جود
يعني توا لا نلقو غدا مسقم ولا من يكوي ويكنس البيت
صفيه : وحم ونا ما قلت شي شن اللي تعدي تشوف واحد يقرا معاها فالمستشفى نسمعو ونسلمو

اسعد : اس وحم ع البيت بس اللمات والزرادي زي الجن
وجود مش شورك باتها عايش احسن مني ومنك في التربيه 
انعدلي احسن لك باتي هزبني في جرتك
وخرج صافقا الباب وحقدها على جود يزداد ..

في بيت والده
يشد شعر جود :  خلاص بلا سماطه جبت لك شكاره حلوه غزل تحب نوع هذا
رفعت حاجب شرير : يا عيني والله
اسعد : افرديها باتي زعلان مني نا شن دخلني وصح واذا زميلك عليش ماشيه
سكتت بلا رد
اسعد : ما علينا قولي لباتي امورنا لوز
جود : ان شاء الله
اسعد : امي وين
جود : عدت لجارتنا قالت كساد بلا صفيه والعيال

اسعد : ههههههههههه تجينا تنورنا مغير مفش غدا سمح وحوش حايس
جود : عيب سعد
اسعد : ايوه عيب هيا باي بوسيلي غزل
جود : استغفر الله..

<<<<<<<<<<<<<<<<<

غزل تذاكر وخالتها خيريه كل شوي تجيب لها حاجه تاكلها
نجمه : تي معش توكليها نشويات تقعد دبه كيفك ..
خيرية : اسكتي نشويات هن يشبعن نجيب لك مكسرات مخ الجمل
غزل : ههههههه يع يا اخويله نبش

نجمه : جت المرا شالت حلوياتها ؟
خيريه :  ايوه جت قالت غاليه قلت لها هذا هو
هههههه
يضحكن يحسابن الطنقير على الحلو ساهل وجع ظهر ويدين وعيون
نجمه : صدقتي ..المدرسه معش مشيتي
خيرية : بعد يبو طباعه نمشي وانت البريد مكسد
نجمه : يوزعو فيا شكلهم يبو يفصلوني
خيرية : ليش
نجمه : يبو وجوه شابه

خيريه : وكنك عمرك ستين
نجمه : كأني هك ..
خيرية : منك تلبسي الواسع ونظارات طبيه بالكذب تفجعي
نجمه : هك احسن ..
تنهدت خيريه على نجمه المعقده من سماحتها ونظرت لغزل وابتسمت ان شاء الله حظها يفلق الصخر ..

فالصباح يدخن امام البيت متكي بكت وشورت للركبه ..
هايم في ملكوت الصوت اللي كل يوم يغني وامس ضربه عالوتر الحساس غنى ل الست
لسه فاكر قلبي يدي لك امان ..

غزل : انت كنك هنا
عاد من وصلة الطرب للوجه المكشر اللي عاقد حواجب سماح راسمهن فنان وعوينات اللهم بارك
والشفايف قالن تعال بوسنا حق الله قالنها ..

تهبط عيناه اكثر للقميص البنطلون الحذاء الرياضي وتخيلها بالحذاء فقط ..صلاة النبي احسن على قولت سياف

غزل بغضب : اوووي انتا احترم نفسك فشن تبحت
انور : فيك ..
غزل : شن تدير هنا
انور ببرود : ندخن
غزل : كنك باب البيت مفتوح من فتحه
انور : انا