ياريتني ما ريت سود انظاره !! مناي ابراهيم

الثاني عشر

بيت نجمه
خيريه تحكي وتزين حلوياتها  ..
نجمه : قال معش عندي صبر نبيها ...
خيريه : كل ما نقول لها ترفض تقول خوذيه انتي
نجمه : يهدد قال وعدتيني
خيريه : بالغصب ؟؟
نجمه : قال نبيها معش متحمل البنت عششت في راسي وتجري في عروقي

وقال مش تحاولي حياتك في يدي رجيت يسد خلاص....
و قال .. ماعندي الا هي حياتي كلها في كفه وهي في كفه
خيريه شهقت  : شكله مريض زي باتها
نجمه : انا سألت محامي قال تعتبري دفاع عن النفس مش موضوع ..يعني شن مشكله
..واذا انحبست كم سنه
خيريه : زعمه مفروض خليتيه بلا قتل
نجمه : قتل ضاويه وكان يبي يقتلك
مش ندمانه وغزل ارتاحت من اب قاتل امها

سمعن صوت حد يسقط

وهو هناك في الدور العلوي في منزله

يسمع عياط ..

خيريه : لولي لولي حي عليا حي عليا ..
رن الجرس فتحت له
نجمه : شكلها سمعتنا نحسابها برا

في العياده ..
خيريه ونجمه برا في الممر وهو جوا معاها
الجينز والقميص الرشاقه الطفوله
بلا وشاح ..شعرها مرفوع ..اول مره يشوفه
اسود كثيف
هل تسبب في قتلها قتل قلبها المرهف الصغير ..
استيقظت وبكت اول ماشافته : اطلع برا
دخلت نجمه : صح قتلتي 

نجمه سكرت الباب ..
واقتربت :  باتك قتل امك
خنقها بمخده
كل سنه تحمل وينزل العيل فالخامس مش منها قضاء الله يضربها يبي ولد

غزل ..ذاكرتها مشوشه فقدت امها عمرها ٩ سنين

نجمه : شافاته خيريه يخنق فيها وبعدها شفناه يحفر لها في قبر
شهقت غزل بفزع
نجمه : عزقناه فيه وعزقت عليه بلكات كبار
جا انور بعد ١٣ سنه قال كل يوم نحلم بيهم
سمعته يحفر تحت الليمه اعترفت له
قايضنا بيك
بس انا سألت محامي وقلت نقول نا قتلته 
مهم انتي يا روحي

غزل تبكي : كان خليتوه عايش لا بات لا ام حرمتوني منهم ..
اطلعي خويله كرهتهكم كلكم

خيريه تكتفي بالبكاء
نجمه تراسل رقم وهي تشعر بخيبة الامل حتى وهي تعذر غزل المصدومه

دللنها وربنها وعطنها حياتهن
كتبت مسج ( تفضل في اي وقت ..وكيلي الحاج حسين جارنا ..)

بقيت في منزل رهف اسبوع ثم عند جود اسبوع اخر
ولم تحضر للبيت الا عشان عقد قران نجمه اللي عاملتها ببرود
نقالها مقفل وخيريه جتها بيت رهف وبيت جود كم مره وهي تتحاشاها وتتذكر مقتل والدها

تقف قرب خالها جاسر ..
غزل : شن تعرف عن بابا خالو
سكت :  تبي الصح
غزل : ايوه
جاسر : باتك مريض نفسي ..وياما حزيت بين امك وبينه لعند قتلها الله لا تسامحه

غزل : معش تدعي بالك ميت
جاسر : حنك اختي ..خرباته بالدلع ويبي ذكر طاير نازل بهدل امك لعند حولو الرحم ..وقتلها في يومها واختفى
غزل بفزع : حولو الرحم
جاسر : ايوه انا دفعت تكاليف العمليه نتذكر قال شن ندير نبي ولد
قنله تزوج
قال من يرضى بيا