ياريتني ما ريت سود انظاره !! مناي ابراهيم

الخامس

وين التصويت
القراءات فوق ال 100
والتصويت معدوم

جود ورهف عند غزل
جود تهمس :  تهبل خويله خيرية بشرتها بيبي
رهف : وجامي وشعرها كنهن يردن فالخطاب
جود : قالن نطمنو على لولي

جود  : يهبل النوع هذا خويله ذقته في لمه عند جارتي
خيريه : وشن قالن
جود : قالن يجنن طبعا
خيرية : الحق خفت اول مره ندير الوان بس قلت نقوي قلبي

رهف : مش حرب يا خويله
خيريه : منافسه صعبه يا بنت ضروري نواكبو العصر
جود : خطرها البيجامه قاتلتك قتل
ضحكت خيريه بمرح : ذوق غزل
دخلت نجمه وغزل بصفرة العشاء

جود : كان خليتينا نساعدو
غزل : اغسلن مواعين
نجمه : ههههه بالغساله ..
خيريه :  دزو لجارنا شم البنه
غزل : محماط
خيريه : عيب يا بنت

وقفت تجهز له صفره ..

عند انور
يفتح المفرش :  الله على ابله خيريه حنونه
مش زي اختها والقطوسه الصغيره
ياكل ويتلذذ بالاكل ..رن الجرس
واك من حماته ميته فيه
اهلا زعيم

وافي : الله ع الروائح ..
انور : واك محماط خش
..
وافي : جيرانك بالك يرسمن
انور : لا معلوماتي تقول انهن يردن
وافي : ليش
انور : وين نندري مانقدر نسأل واجد نا جديد هنا والحواري يشكو واجد
وافي : منظرك مشبوه
انور : يعاير فينا السفير اخس كبيره ..
..
يصفي الشاهي ويراسلها / فكي الحظر قاعد في شارعكم
رنت طول :  كنك انكلبت
وافي : ايوه تأدبي
رهف : مؤدبه غصبا عنك ..ومنبش نحكي معاك
وافي : واشمعنى صهيب
رهف : تي خلاص قلنا غلطه وما نبي نكررها ان الله تواب رحيم

وافي : وصلتي فيا تبتي
رهف : اللطف ياربي شن تبي مني مش قتلي لو تموتي ما نخطبك ولو تنجني ما نحبك
وافي بقهر قالها يبي يقهرها بس : حافظه روفي

رهف : وكني ننسى ومن بنت بعقلها تنسى كلام هكي
شن ناقصني
وافي : شي ..ربي يجيب لك النصيب الزين
رهف : الله ينور عليك اقفلت وقعد رقمها مقفل ..

انور : اهلا ياروفي
وافي : بنت قرده
انور : غريبه مش جو علاقات كنت شيخ الشله
وافي : قصة طويله تقدر تقول ماشي تكعبلت فيها

انور : ما فهمت بش شكلها مطنشتك
وافي : تبي تربطني للابد
انور : اه لو نلقى يدين حنونات يربطني
وافي : امشي يا معيزه ...

>>>>>>>>>>>>>>
صباحا
انور
كان ينتظر سيارة بعثها له شاهين
غزل تحكي بنقالها :  ايوه يا سمح
ههههه والله سمح ساد غمازتك بعد تضحك
اممم فطرت ومحمطت رفعت عيونها

على صوته :  لولي صباحه لولي والله كيف ضحكته
يحيى : من هذا
غزل : جارنا اللي قتلك عليه
انور : هل يخفى القمر قال وهو يتقدم قربها وهي سكرت لما يحيى  بدا يسب