ياريتني ما ريت سود انظاره !! مناي ابراهيم

الرابع

في البريد وقف المدير امام مكتب من يسميها خالتي نجمه وهو مصدوم
كانت رافعه المحرمه وتلف شعرها والمحرمه مغطيه وجهها والارشيف مهجور ما حد يجيها حتى جماعة القهوة
همس لنفسه هذا كله شعر
نزلت محرمتها وقعدت تدور ع النظاره وما تضعه في فمها تبين انه شين زي طاقم الاسنان
ما لقتهن

رفرفت بعيونها :  بسم الله استاذ في شي
اقتربت منه كنه الراجل دايخ
نجمه : استاذ فرج لاباس
تراجع خطوة : نبيك في المكتب
نجمه : حاضر
دخلت وعادت كما هي
ليش متنكره
نجمه : ايوه استاذ
فرج : الارشيف يبي منظومه وكمبيوتر تفهمي فيهن
نجمه : ايوه

فرج : تمام اذا تبي مساعده كلميني
خوذي لاب توب من هنا
نجمه : عندي فالبيت
فرج : اوك تقدري تديري منظومة
نجمه : ايوه تخصصي
فرج : وليش في الارشيف
نجمه : هم خلوني فيه
لاحظ ملامحها تحاول تخلي روحها شينه ليش ..

في المساء هي وغزل يقرأن عقد البيت للسيد جاسر

غزل : بابا عنده خوال
نجمه : طلع عنده ..حبيبتي غزل نا نفتح لك مكتب
غزل : مش مكتب عابيه نبيعه بكل ونسافر ونطير
خيرية : وين تطيري بلا محرم
غزل : نا وياكن
نجمه : اطلعي من احلام اليقظه تبي مشروع نساعدك نا
ردي العقد للراجل
غزل : منبش ودخلت تبكي في دارها

وهن مروحات من التسوق نجمه وخيريه
خيرية تقرم ونجمه تضحك
لقنه يدخن قدام الباب

خيريه :  يضرك الدخان يا باتي
انور : حتى القرمه تضر
ضحكت خيريه وخبطتها نجمه

نجمه : هاك العقد ومعلش لو طلقت لسانها البنت
انور : حقاتها بنتك ؟!
نجمه : بنت اختي
شرع عيونه خيرية واضح فالثلاثين : بنت ابله خيريه
نجمه : لا امها ميته احنا خلاتها..
همست نجمه : من وين يعرفك ابله خيريه
خيرية : دزيت له بيتزا امس
نجمه : تفعلي يالسامطه

اما انور جلس في الصاله القديمه الفارغه وهو حط فيها مكتب وكنبه لم يعد يستطيع النوم فوق
معناها اللي يشوف فيها فالمنام ام البنت
تذكر كلامها خنقني بمخده تشبه بنتها واجد
والكابوس الاخر اللي مش معقول راس متهشم كله دم تلقاني تحت الليمونه وللاسف وجد ليمونه
يالله حوش مرعب ..

>>>>>>>>>>>>>>>>>
نائله ؛
في مكتبها تدرس عزو كما اخبرها عن اسمه المشهور

معتز : ها نلت الرضى
نائله : صعب حد ينال الرضى
عزو : لا وسعي بالك مش صعب مفش حد في حياتك ومش رح تلقي خير مني
نائله : يا سلام
قالت وهي تأكل الايس كريم اللي جابه لها

نائله : منبش ليبي معقدين
عزو : ناخذ جنسيه تبي من وين
ضحكت بمرح افتقدته منذ زمن

نائله : وتخليني نطلع عالفيس ؟!
سكت عاقد حواجبه وتنهد بيأس :  لأ
انا غرت من خالك اللي هو خالك
..قال وهو يتلقى اتصال عمل ويستأذن ويختفي من حياتها ..

في محله يراقب صوره لها ع الفيس بوك
شافها مليون واحد ..انفذ بجلدك هذه تقهرك بس
يكبر الصوره صبعه على شفايفها ثم يرفع صبعه لشفايفه ..

سمع صوت اوس
عزو : تعال اوس
اوس : تعال انت نمشو مطعم اخر صوره لنا هنا عالفيس نزلت وفي كم بنيه قالن هدا من وقعدت اسبوع نرضي في بيبا
عزو : هيا يا مرخي تستاهل ما يجيك
اوس : مهم بيبا ترضى عادي

في المطعم : شن صار
عزو : قالت والسوشال ميديا
اوس :  مممم رد لخطيبتك وخلاص
عزو : لا نقعد هك احسن ..
وقف يصافح احد معارفه لفت نظر اوس خلفية النقال صورتها نائلة ..
اوس : لا الراجل استوى رسمي ..

بعد شهر ..
مساعدتها : استاذة تبي تنزلي مباشر اليوم
نائله : لا
..... : بس لك اسبوعين ما نزلتي
نائله : شغلي وما نفهم فيه ..

خرجت مساعدتها وبقيت هي تراقب صفحاته الشخصية  عالفيس الانستا تويتر 
وتاكل الايس كريم اللي كل يوم يدزه لها
مرفق بكرت فالشتا ندزلك فطور و تسلم لي الرشاقه واللياقه

في البيت في الصالة الدور الاول
صدام :  يعني نقالك ساكت وانت ساكته يوم القيامه
نائله : ماعندي جو له ..
صدام : تريحتي صداع ..كنك مش صافيه
نائله : شي يا خالي يويو مزعلتني
صدام : تستاهلي احسن ..
نائله : بارك الله فيك بعدين نتزوج يزعلني تقول تستاهلي؟
صدام : انت سقدي بس ونا نشكره انه تحملك
نائله : حي شن قصدك حصله نا
صدام انتهز الفرصه يبط غرورها المنفوخ

صدام : مش حصله شوفي روحك على بنات جنسك بس مش على راجل تبي تاخذيه
ما تجيش الراجل من وين يحس برجولته من رفيقته اللي محتاجه له معتبرته سند وعزوه
نائله : السند الشهاده والعلم
صجام : والزوج والاولاد؟؟
يونسنك فاليل الشهادات بعد تكبري وتعنسي وهذا واضح من توا

نائله : ناخد واحد من عيالك يونسني
صدام : عيالي يتزوجو ويعزقوك ف دار المسنين
نائله : وبالك عيالي نجيبهم ويعزقوني
صدام : جيبي بنات ما يعزقن
سكتت هنا وهي تتذكر عباره له على تويتر
امونتي مش بنت اعميمه بنيتي

في الصباح خذت اجازة وتبرعت تدهور عيال خالها
لان امهم عندها شغل ..

في المنتزه العائلي ..
كانت تربط حذاء جوري الصغيره نسخه صدام
جوري : بسرعه ناني
نائله : استغفر الله ..
سمعت ضحكه هزت قلبها تعرفها
لفت شافاته قرب بنت لابسه نقاب صغير
ورافع بنت تبوس فيه
اقتربت دون ان ينتبه لها

عزو : توتو حبيبتي ريحيني قتلك نحب
تركيه : وتزوجها ..
عزو : ما تبيني
تركيه : قيسها مكلوبه
عزو : معش تسبي وراس توتو
تركيه : كنك تسب لي في شامخ زمان
عزو : ما نحسابك تحبيه هههههههه
تركيه : باهي كنها عشان تدخن سيبه عنشكلك

عزو : ياريتها جت عليه
تركيه : الراجل مكبد جد يخرب الحب شو ببذل
عزو : يضرب مش يخرب
تركيه : باهي عنس يا عزو
عزو : معنس وراس عميمه حتى نا راضي بعذابي
توتو : ويغني اخرى هههههههههههه سمحه ؟
عزو : تجنن يخرب بيت جيرانها
تركيه : ربي يقرب البعيد

عادت لاولاد خالها ورجعت للبيت ..
فالليل تراسله /شفتك في منتزه
عزو /وكنك ما جيتي سلمتي
ناني/قلت للي معاك تحب
عزو /ممم نحبك بس قلت مدام ما صار نصيب نسكت
نا لحقتك لعند مصر نقالي كلهن صورك فيديوات لك ..
ناني/وما تقدر تتنازل
عزو / نغار الله غالب
ناني / ولو قتلك معش تطلع حتى انت تقول نا راجل وفرق
عزو / نقولك نسكر صفحاتي كلهن ونكتفي بصفحه حياة نفتحها معاك ..
لم ترد تأثرت جدا وعيونها تلتهم الحروف

يتبع