الجميلة والسايكوباثِ ( الجزء الثاني )

دامِس ( 2 )

الجميلة والسايكوباثِ ( الجزء الثاني )

بقلمي أنا : چمارة عليِ 🤍 ..

بسم الرحمـٰن ..

                    __________________

في صباح اليوم التالي ..

استيقضت الجميلة ذاك الشعر الاشقر ..

وتلقت اروع الكلمات الغزلية ..

دامِس : صباح الحب حبيبي

ابيجيل : صباح النور

دامِس : شني بوية .. تنامين تفرزين هرمون الجمال ؟؟ شو يومية جمال زيادة

ابيجيل : ههههه .. هاي عيونك الحلوة وهيج تشوفني حلوة

انرسمت ابتسامة على وجهة ولمعت عيونة وكال ..

دامِس : صدك ؟ يعني عيوني حلوات ؟

ابيجيل : باوعت علي وفعلاً حلوات ما اكدر انكر ..

- أي حيل حلوات

دامِس : احلفي

ابيجيل : والله

اجة وحضني وباسني من خدي ..

دامِس : يلة كسولة .. يلة نكوم كافي كسل ساعة بـ 9

ابيجيل : اهووووو .. هم كعدت متأخرةة

دامِس : ديلة كومي الحجي ماراح يفيد

ابيجيل : كمت ويا وهوة يتغزل بية ..

توجهنا للصالة وشفت الولد كلهم كاعدين عدا الثعلب

الحر : ياهلاااااا ابيجيلة

ابيجيل : ابتسمت وردت اروح يمة بس جرني دامِس وخزرني .. انصدمت من ردة فعلة وضليت مصدومة ومستغربة شبي !!!

بالعادة ما يهتم أبد عادي يبوسوني ويحضنوني ويشاقوني ولا يهمة بس هسة شبي !!!

ضل الفهد يغير بالموضوع واحنة الثلاثة مصدومين .. دامِس بس يخزر بالحر ويخزر بية

تذكرت الي صار البارحة وتوقعت من احتميت بالحر !

بس ليش ؟؟ يغار من أخو لأن احتميت بي وخفت ؟؟

اخخخ يـ دامِس حتى العلماء حارو وعجزو يفهموك ..

الفهد : يلة ابيجيلة جعنة !

دامِس : شنو خدامة عدكم ؟؟ كومو سوو ريوك النفسكم

ابيجيل : لااا دامِس أني أريد اسوي أكل

دامِس : لااا كعدي

ابيجيل : دامسسسس وخرر حباب .. بس هدني اختنكت

خزرني وكال بحدة ..

دامِس : حضني يخنكج ؟

الشاهين : لاا بس خنك....

دامِس : اسكت انتة .. حضني يخنكج ارجوان ؟

ابيجيل : لااا والله لااا بس ضاب ايديك علية .. جعصتني