الجميلة والسايكوباثِ ( الجزء الثاني )

دامِس (36)

الجميلة والسايكوباثِ ( الجزء الثاني )

بقلمي أنا : چمارة عليِ 🤍 ..

بسم الرحمـٰن ..

__________________

ما أصعب أن تشعر بالحزن العميق وكأنه كامنٌ في داخلك ألم عريق ..

حزن كلهيب الشمس يبخر الذكريات من القلب ليسمو بها إلى عليائها فتجيبه العيون بنثر مائها !

تحمحم وباوع على الباب تركيز .. تقرب كلش علية وكال بصوت ناصي بس بيني وبينة ينسمع ..

- ابيجيل هذا الكلام ما يطلع ولا أحد يعرفة مفهوم ؟

ابيجيل : والله ما أكول

- أعرف ما تكولين .. بس أخاف بوقت عصبيتج أو تملين ويسوي شي تصرف وتنفجرين وتكوليلة ؟

ابيجيل : لا والله .. ماراح اسوي شي

تحمحم ورجع باوع على الباب .. وبعدها كال ..

الحر : شوفي ابيجيل .. دامِس كلشي ما يريد منج غير بس تكونين زوجة وتحبي وتصيرين أم اطفالة .. وأنتي هواي حاولتي تشردين لكن النتيجة شنو ؟

ابيجيل : سكت وقت بسيط وفهمت يريد اجاوبة .. جريت نفس وكلت ..

- عذبني

الحر : زين ليش ما تجربين تمشين ورا اليريدة !

ابيجيل : تحولن معاني وجهي للصدمة والعصبية وكلت ..

- لاااا والله !

بعدني ما كملت كلمتي الثالثة وخلى أيدة على حلكي وكال بعصبية مكتومة ..

الحر : شهرتينييييييي .. فضحتيناااااا دهر صاب عدوانججججج

ابيجيل : وخرت أيدة وكلت بهمس ..

- لوو أموت

الحر : أني مو كتلج افهمي يلة تحجين ! .. اسكتي ولا تحجين خليني أكمل

ابيجيل : رجعت وتجيت ضهري على التخم ورجع باوع على الباب وبعدها كال ..

الحر : ابيجيل أنتي حاولتي تخلصين منة ! بس ما كدرتي .. بالعكس زاد وما نقص .. وهوة كلشي ما يريد .. كلشييي مايريد غير بس تحبينة .. زين ليش ما تنطينة فرصة وتعاملي وتتقبلي هوة زوجج ! بس جربي مرة وشوفي شنو راح يصير وبعدها اختاري .. إذا تغير اسلوبة خيراً على خير وإذا لا هنا عود أني اكلج اشردي وأني اسويلج طريق ومجال ..