الجميلة والسايكوباثِ ( الجزء الثاني )

دامِس (37)

الجميلة والسايكوباثِ ( الجزء الثاني )

بقلمي أنا : چمارة عليِ 🤍 ..

بسم الرحمـٰن ..

_________________

لمن الدّيار غشيتها بالفدفدِ؟

كالوحيِ في حجر المسيل المخلد
وإلى سنان سيْرها ووسيجها

حتى تلاقيه بطلق الأسعدِ
نعم الفتى المرّيّ أنت إذا هم

حضروا لدى الحجَراتِ نار الموقدِ ..

- ابيجيل البابب انفتحح .. يمكن اجو اجوو

ابيجيل : طلعت من غرفتي اركض ..

خايفة أخاف يكولون ميت وخايفة اشوفة وترجع خنكتي وأرجع العذابي ..

حرت وحيرت روحي وقدري وياي ..

رحت وانتضرت الباب ينفتح .. وفعلاً ! ..

شفتة بطولة المنهار كدام عيوني .. شفتة بلا فالينة وشاش ملفوف حول بطنة ويمشي بخفة ..

ركضت نيروز علي تبجي وتحجي ..

نيروز : يايمةةةةةة .. يابقيت اهليييي .. ولكك هاي شمسويننن بيك يايمةةةةةة ..

ابيجيل : وكعت بالكاع رافعة ايديها وتدعي على إلي سوة هيج ..

باوع علية .. طولت نضراتة .. وكأن يصيحني يكلي تعاي اضمج بگلبي ! ..

لكن سرعان ما تغيرت نضرتي حول عيونة ..

معقول يختبرني ! ..

فجأة تذكرت توصيات الحر .. تحركت بس توقفت بساع ..

مو بيدي .. ما اكدر .. أكره .. كلش اكرهة ..

صح جنت خايفة وما انكر .. لكن تمنيت ما يجي وياهم ويكول ميت .. صح راح اتأذى بس راح اطلع للعالم واروح يم عمامي أو خوالي ! .. شي أكيد هسة خايفين علية ويردوني ويحبوني شي أكيد ..

لمحت الحر يأشر بمعنى ' اركضي حضني ' ..

معاني وجهي حسيتها ضهرت ضوجتي وعصبيتي .. عفتهم ورحت الغرفتي وأني اخزرهم بعصبية

مر وقت بسيط وأني متمددة وحاضنة المخدة ..
حسيت على يدة الباب تنفتح .. باوعت وانتضر إلي فتحها يظهر علمود اشوفة ..