الجميلة والسايكوباثِ ( الجزء الثاني )

دامِس (11)

الجميلة والسايكوباثِ ( الجزء الثاني )

بقلمي أنا : چمارة عليِ 🤍 ..

بسم الرحمـٰن ..

             ________________________
                --------------------------------

سمراء : كعدت على صوت حيدرة .. كمت رضعتة وغيرتلة وهمة كعدو .. باوع علية بحب وكال ..

صگار : اضحكي سمرتي ..

بساع تحولن معانية للحزن وكال ..

صگار : والله موبيدي هاذ .. أنتي .. تمنيت أنتي تحجين وتكولين لا .. تعرفين يزعل مني وزعلة غالي سمرة لو اكتل روحي بعد ما يحجي وياي الشيخ مو بيدي والله .. تمنيت أنتي ترفضين ويكون الرفض منج مو مني ..

سمراء : مسحت دموعي وخرت حيدرة لأن رضاعة الأم الطفلها وهية ضايجة لو مقهورة راح يتأذة الطفل ..

- تمنيت ارفض .. بس خجلني .. ما أعرف ليش ما رفضت ماعرف صگار ..

اجة ناحيتي .. وكعد بصفي حضني حيل وباسني من خدي وكال ..

صگار : سمرة .. حبيبتي أنتي .. هوة راح يكون يمج وبتفس البيت .. راح يعرف أنتي امة والشيخ بنفسة كال بيدي أني أكلة هاي امك .. بس تربي الج ونص الوقت يكون يمج حبيبتي أنتي ..

سمراء : بستة وبست حيدرة وكلت بغصة

- شوكت تاخذة ؟

صگار : ما اعرف .. هسة هية مو هنا

سمراء : وين ؟

صگار : يم اهلها من البارحة

سمراء : تمام ..

مر أليوم عادي .. بس هواي خطار يواصلون وكلهم على نفس الكلمة نكول الهم ..

' أبن صگار بس راح يتبنو بيت احمد '

ما تتخيلون شلون يتكطع گلبي على هاي الكلام .. بس شسوي .. ابتليت وما أعرف شنو كض لساني ماعرف .. كلة من ورا مهدي ...حسبي الله ونعم الوكيل علي ..

اهلي من أول مرة شفتهم من جنت حامل وإلى الأن صارت عركة شكبرها وشكدها لأن رحنا .. أو أني رحت .. اكتفي احجي وياهم هاي هية .. ابقى يم زوجي ويم اطفالي اتجنب المشاكل .. وهاي أكبر مشكلة عدهم ..

بديت اجهز للـ خارجي أني والبنات .. من جنت حامل وقت ضوجتي اقرأ فد موضوع لو موضوعين لحد ما خلصت نص أو ربع من الكتب ..

وصار ثاني يوم .. أول ما فتحت الباب ضلت تصيح وتريد حيدرة .. ردت اصيح واكللها ابني بس اخخخ يايمةة ..

أخذت ابني من ايدي .. تبوس بي وتحضنة كبال عيوني .. صح راح يكون يمي واشوفة واكدر احضنة بس أريد أني يكولون أبن سمراء مو بشرى .. ابني أني .. انييي

ما بجيت ولا بينت ضعفي .. ما اريدهن يشمتن بية ويحسن بكسرتي .. ما كدرن يكسرني بزوجي وعذابة رادن يكسرني بطفلي .. رغم كسرتي بس ما بينت أبد بالعكس فرحت وكلت بضحكة ..