شاجور الساده 5.11
البارت (١٤)
بقلم: حور ال جواد
حلواتاتي لا تنسون تصويت + تعليق بين الفقرات + ومتابعه الحساب احبكممم وااييتت ♥✨.
الشامت يوم رادك وادمن عليك،
ورحتله وشم رگبتك ؟
وادمن عليك
بوكاحه شمالها عيونگ تراناي..
..من اغيضن مايون مِثلي تراناي
يخايب لاتراددني تره اني..
.. حنين بساع يبدي الغيض بيه
===========♡
مـاس....
خـنچر :- دانيال شنو هاي كل هل سنين نفتر وراك طلعت انته نفسه دزير
رجعت لي ورا فتحت شباك لمطبخ
وطفرت منه اجيت اركض محسيت اله نضربت بشخص متوقعت يطلعلي مرا ثانيه
صديقهم آسر سحبني بسرعه كلبش اديناتي
ورجعني لكيت مكلبشين دانيال اول ما شفت
شلون وجه لونه مخطوف وخايف
ضحكت بعلو صوتي وهوه يباوعلي بتعجب؟
صعدت يمه وحجيت مخليه ايدي على ايده
مـاس :- عادي مثل ما كلت نطكه سوه لو عدام لو مأبد نخيس يمهم هههههه
نزل راسه يضحك كرصني وكال بصوت ناصي
دانيال :- شفتي ذيج لعكرب لكتلج عليه شفتي لحكتنه وهيه دلتهم بس انتي لفاهيه بطنج جاعت من ردنه نمشي
باوعتله صفح وحجيت صافنه
مـاس :- ولكك دزير بس لا راح يخلونه كل واحد بغرفه
ضحك هز أيده ورادف بستهزاء
دانيال :- يي مو راح يكعدونه بفندق خمس نجوم ونجمه لخامسه معوجه نفس وجهج
ضحكت اتلمس وجهي وكلت
مـاس :- جذاب تغار مني غير وجهي رهيب لدرجه لكيت
سكتت من شفت آسر صعد بسياره باوعلي صفح لان سكتت وكال
آسـر :- كملي كملي اول وتالي راح تفرغينهن كلهن بسجن
تقربت يم اذان دزير ورادفت بخفت
مـاس :- لدرجه لكيت هاذا لمخلوق واني نايمه يتأمل هل وجه لعوج
باوعلي صفح وكال
دانـيال :- ليش جنتي تنامين يمه ويتأمل وجهج ادبسز انتي يمي تستحين دكعدين
ضحكت جانبيه وكلت
مـاس :- يعني هسه شحجي وياك هوه غير بعد شوي اطب بحلكك شوف لبكان شكبره واني لازكه بيك شبيك انت شبيك لمخدرات ماثره بيك زياده وعلي اني جنت اشوف كشور ركي من تجيب عبالي رجلين دجاجه اروح اكرط بيهن من وراك
باوعتله منزل راسه وصدره يهتز يضحك
وآسر اباوعله وجهه احمر واضح يريد يضحك بس ميكدر
وخرت منه من شافني وخرت سحبني
ورفع ادي وحضني اله آسر لاف بسرعه
لدرجه تاذيت بركبتي
وكف سياره وحجه يباوعلنه صفح
آسـر :- عيني عشاقنه القائد طلب نزلك انزل يلا
YOU ARE READING
شاجور السادة 5.11
Mystery / Thrillerجمَيلة لكنها مَغرورة بعَض الشِيء فتَاة كالمرأةِ تماماً تعكسِ لك مَا تظهر لهَا.. إننـي فتاة غريبة كـما يقولـون فأنا تعريفاً للتناقض من الصعب فهمي ومن الصعب جداً معرفة ما أريد فتاةٌ ذات مزاج متقلب حنونهٌ للغاية لكنها تغضب كثيراً لطيفةٌ جداً لكنها...
