شاجور السادة 5.11

شـَاچور الرابـع والعشرون

شاجور الساده 5.11

البارت (٢٤)

بقلم: حور ال جواد

حلواتاتي لا تنسون تصويت + تعليق بين الفقرات + ومتابعة الحساب احبكممم واايت 🤭🌿.

وما تدري من احترِگ
حاظن صوَرك چنت
بس مَا گدرت اطفى
ومن اهلي حيل استِحي
دگوا الباب وگلت
مو آنة بالغرفـة
واعدام چَان الحكم
شِلت القضية وگلت
وعيُونـه ما اعرفَة .

===============♡

أمـيمـه....

طفر عقاب مصدوم اجيت اكوم بطني سجين وتخلت بيهه عطت بكل حيلي

باوعلي لام شفايفه داخل حلكه رجع علي شالني خلاني على الكرسي المتحرك
اخذني ويا يمشي بسرعه بسرعه دخلنه للخدج
واني دموعي عشره عشره عاط عقاب بدكاتره

عـقـاب :- وينكم عن الأطفال انتو على شنو مخلينكم هنا ليش دخلون اي شخص وينن وينن الكه اطفالي ما تفكرون انتوو

لزمت ايده اريده بس يهدء الحد ما عطت بي
أمـيمـه :- كافيي عقاب كافي تصيح صياح هاذا ما يفيد مو اكو كامرات روح ستفقد لكامرت وشوف منو اخر شي دخل لهنا

طلع ركض واني طلعت ورا كوه ادفع بل كرسي ماكدر پطني حسيته نزفت بس سكتت

اجت ممرضه اخذتني ورا عقاب دخلتني وطلعت شفت عقاب يحجي ويا شرطي

فعلا شوي وبلشو يرجعون بل كامرات شهكت ابجي خايفه ماشوفهم بعد اموت والله

لتفت عقاب من سمع شهكاتي
اجه بسرعه حضن وجهي باديناته ويحجي صوته
يرجف وعيونه مغوركه جنه طفل رجفن شفايفي ابجي

عـقـاب :- دموعج تفاحه دموعج قطرات بركان وتنزل على گلبي فدوا اروحلج لا تبجين ابويه حبيبتي

باس عيوني وقدمني يم لكامرت رجعوهن
شفت اهلي واهل عقاب طلعو واني منتبه بكل لوجوه
الي مصورته لكامره صارت عيني على لكامره مال باب لمستشفى ونصدمت من شفت عنب تسولف ويا ثنين لابسين اقنعه

اشرت على عنب فاتحه عيوني وما ارمش
أمـيمـه :- ه. هيه هيه عقاب هيه اخذتهم والله هيهه شوف شسوي جايه للمستشفى ومنو ذول الي تحجي وياهم

رجع لكامرات مره ثانيه وقربه على وجهه عنب وباوع لعيون عقاب يجدحن طلع بسرعه صاح لممرضه اخذتني واني دموعي ما سكتن رجعتني للغرفه ونصدمت من شافت بطني تنزف صاحت لممرضات ورجعن فتحت جرح عقمنه ورجعن شدنه واني ما احس روحي كله راحت ورا ذو الفقار وتـيجَان

ضميت وجهي بأديناتي وابجي بصوت نفس للمرضه الي اخذتني وره عقاب مسحت على ضهري وحجت

سـَيرين :- ادري فقدان الطفال مو سهل وانتي ام بس زوجج يحبج وصدكيني راح يرجعهم الج