شاجور السادة 5.11

شـاچور الثلاثـه ولاربعون ولأخـير

شاجور الساده 5.11

البارت (٤٣) ولأخير

بقلم: حور ال جواد

تصويت وتعليق بين الفقرات لطفاً 🦋.

الحرشه حلوه وياك يالكلش عزيز
النخله ويً صاعودهــا ادور  شبگ

===============♡

هـجرس...

طفرت مفزوع حيلي مات بكل خطوه اعثر
اريد بس انزل

اسمع صوت لعياط وبكل صوت صرخه اسمعه احس كلبي يزيد سرعته

طلعت اباوع لبيت ثجيل طلع خنجر
على لعكازه فتح سياره

وطلعو بسنمار كلنه توقعنه نهايته شنو لان ضعف حيل ونفسيته دهورت صار يحجي ويا نفسه
يتخبل اذا احد يكله لقمر خلص ماتت

ماعرف ليش هيج تعلق بيه رغم هوه جان مو كلش يحاجيه جان من بعيد يشوفه جان كلامه وياهه قليل

بس حبه حب حقيقي حب نضيف ما باوعله ينضره وسخه
يستحرم لو شافه بلا حجاب لو اذا شعرايه طالعه من حجابه يحاجي حواء حته تعدل حجابه

كمت كوه نفس ضاك بصدري
رحت وياهم صعدت ابو يبجي بنحيب يكسر لكلب اخوانه يلطمون وكلمتهم من يكولون بصوتهم لمبحوح اخخ يا خويه شفت من عمرك يعجز لأنسان ينساه

اخذنا لمستشفى فحصو
سبب لموت كلبه متوقف

غسلو جفنو واخذنا بتابوت اخذنا لبيت ثجيل
وجانت اول مره اشوف خاله جومانا تعيط بهل شكل
أميمه حواء ام حواء امي لولد جان لكل يبجي بفزعه

جانو ناصبين جوادر وناس ملتمه
دخلنه تابوت جوه وطلعنه وصوت لعياط
لصار فضيع حته لغريب لما يعرفنه بس يعرف سالفته بجه علي وعلى حال ابو واخوانه

اخذنا وكوه طلعنا ما يقبلن ناخذه
راحن ويانه لنجف حواء ام حواء امي وخاله جومانا وأميمه ولولد وابو واخوانه

دخلنه زورنا لأمام علي وطلعنه بي لنجف
لكل كال ادفنو يم لقمر ابو يبجي ويصيح بصوت رايح
:- هااا يبويهه هاا يسنمار سويته بويهه سويته يل عزيز كتلي امي ولقمر يردني يمهن اريدن اروح بويه كتلك تكسر ضهري روحتك مو كتلي ما اروح بويهه ليشش عفتني كسرت ضهري ولك سنمارر يروح ابوك شيصبرني على فراكك وليدي كوم يبعد حيلي كوم والله انطيك حيلي وروحي ولج بويه. لقمر يخايبه ديري بالج علي وليدي عاشكج عشك ما يتسولف
مودع مودع بويه الله ينور قبرك وترتاح يم حبيبت روحك يبعد ماي عيني يا بويه

لكل يبجي وابو يلطم ويبجي بنحيب
دفنو بصف حبيبة قلبه لقمر

رجعنه تعب ما ينوصف
خلصت لفاتحه ابو سنمار كال اسافر ادير شغلي بنجف واستقر بل عراق

ما عارضنه ساعدنا وكلنه وكفنه ويا
سافر مرت لأشهر رجع ورحنه للأربعين تعبنه اكثر وكل خوفي ضل على زينب ضلت بل بيت