شاجور الساده 5.11
البارت (١٩)
بقلم: حور ال جواد
حلواتاتي لا تنسون تصوت + تعليق بين الفقرات + متابعة الحساب احبكممم وااييتت 🌿🕊.
شهل ضياع الماله تالي
انه من يا وكت صاير لا ابالي؟
انه اول تالي افز ماعندي غالي
وهذا من يمته البرود بروحي هيچي
شغيرج ياروحي احچي؟
===============♡
أيـهاب...
اريد اعين روحي واكوم ماكدر حسيت نشليت
زحفت جلبت بسديه وصعدت يمهه حضنته وجهيي بركبتهه وحجيت بخفت يم اذنه
أيـهاب :- أسفار نار روحي بنيتج منتضرتج دكومين تشمينه وتحضنينه من تكبر تحتاجج كومي يبعد بيتي بنيتي حبيبتي احاجيج ردي علي
باوعتله اريد استوعب نزلت منه ردت اوكف ما كدرت وكعت عيوني غوشت غمضت اسمع صوت بعيد يصيح على دكتور وسمع عياط امي وحواء وابوي يريد يعيني ويا دكاتره افتح وغمض وعيني على اسفار الي شالوهه
اخر شي ستسلمت لضلام غمضت الحد ما فزيت على ونين امي يم راسي وسمع صوت قرأن صوت مهيب يقراء قرأن
سترجعت لحدث وطفرت اصيح بأسم أسفار
اريد اطلع وابوي ومهيب لازميني
دخلت ممرضه ضربتني مهدء ما نمت بس مكدرت اتحرك بعد ضليت اون ودموعي تنزل وابوي يمسحهن ويكلي كافي واني روحي لايبه مرتي بت روحي نار روحي هاي شلون شلون اسكت
شوي وطبت امي هيه وحواء
بأيده نـار تبجي خلته امي على ايدي واني جمدت بزايد نضلمت بوسط دنيا ما بيها حنان لأم
حجت امي مزله راسه تبجي بشهكه
سـمايَه :- صير قوي يمه صير قوي نار بحاجتك لا تضعف كبالهه كوم واخذ حك مرتك لا تسكت وليدي
ضلت تحجي وياي واني عيني على نـار من لبجي وجهه احمر اخذنهه من حضني يسكتن بيهه واني بين نارين
بس راح لمهدء طلعت ادور أسفار وحنان حضنهه
اخذوني الهه بثلاجات لموته
طلعوهه انطوني لسواره سويته خليت وجهيي بركبته وحجيت ابجي بنحيب
أيـهاب :- ولجج بوياا نار روحي جنتي تدرين بروحج راح تروحين وما تلحكين تشمين بنيتج يبعد حيلي ياريت لموت اخذني وياج وما اضل متعذب بلياج ولجج اخخخ يا تعب سنيني ضاعت بوسط نار وما ترضى تطفى حاجيني اسفار كعدي مو الج لموت بنيتي مو الج
بنيتج نار ياهو يربيهه شلون تعيش بلياج لا تخلينه بدون ام اسفار
طلعوني واني اصيح وتعارك ما شابع منهه حته يبعدوني عنهه جفنوهه وخذناهه لنجف واني طول طريق ما مصدكك راح تحضنهه لكاعع
وصلنه لأمام علي نزورهه واني تابوت على جتفي رافع ايدي وصحت صوتي مبحوح
"اخخخ ياا علي"
لـچـان روحي وكل هلي هسه ندفن يمك يا علي
مكدرت اكثر كعدت ساجد ومهيب يريدني اكوم واني البجي بكل حيلي مثل طفل لفاقد امهه ويبجي عليهه
YOU ARE READING
شاجور السادة 5.11
Mystery / Thrillerجمَيلة لكنها مَغرورة بعَض الشِيء فتَاة كالمرأةِ تماماً تعكسِ لك مَا تظهر لهَا.. إننـي فتاة غريبة كـما يقولـون فأنا تعريفاً للتناقض من الصعب فهمي ومن الصعب جداً معرفة ما أريد فتاةٌ ذات مزاج متقلب حنونهٌ للغاية لكنها تغضب كثيراً لطيفةٌ جداً لكنها...
