حربِ العِشق...

" اهذا بدايةُ عِشق؟!.. " ~3~

طلت الشمس بأشعتها الذهبيه
تُعلن عن بداية يوم جديد
و السؤال هُنا..
يوم بدايةُ عشقٍ ام حرب!...

فتح جِفنيه يُطل بخضراويتيه على اشعة الشمس
ابتسم..
و لكن لو يعلم ما القادم لما ابتسم ابداََ...!

نهض من فراشه بحيويه و نشاط كعادته.. فتح ستائر الغرفه و اخذ يتأمل المكان أمامه
كانت حديقه اقل ما يُقال عنها رائعه.. كانت مليئه بالاشجار و الزرع و الورود و هناك بعض الشجر
قد زرع عمه فيه بعض الفواكه...

قال في نفسه : اهو على قد ما وحشوني.. وحشتني شجرة التفاح دي..

ابتسم بعد ذلك و نزل للأسفل

: صباح الخير ياجماعه
كان هذا صوت إلياس المبتسم

اجابه عمه اكرم بنفس الابتسامه
: صباح النور يبني.. عامل ايه

إلياس : الحمد لله يعمي..
ثم وجه نظره الي معتز الذي يأكل بصمت
: ايه يا معتز مفيش صباح الخير حتى

معتز ببرود : صباح الخير

إلياس وهو ينظر لاكرم : هو ماله يعمي

كاد ان يُجيب أكرم إلا أنه قاطعه معتز

مردفاََ بصخب : ايه يا إلياس عايز ايه من ساعت ما جيت و قاعد تسآل عايز ايه يا سيدي انا كويس الحمد لله ما خلاص بقى!..

كان إلياس مصدوماََ مما قاله
بينما أكرم الذي اردف غاضباََ لولده
: ايه يا معتز من ساعت ما هو جه و انتَ بتعامله وحش عمل لك ايه.. ده بيعتبرك زي اخوه..!

معتز بغضب : ايوه اقعد انتَ دافع عنه دايماََ كده
كل مره يجي فيها تحصل مشاكل بسببه..!

كان إلياس واقفاََ يشاهدهم في صمت لكن عينيه تقول الكثير و الكثير..

أكرم بغضب : بقولك ايه لم نفسك يا معتز و اتكلم عدل معايا ثاني حاجه اتعامل حلو معاه هو معملش لك حاجه و ده زي اخوك و انا زي ابوه!..

معتز بسخريه : متقولش بس اخويا تمام و انتَ ابوه ازاي يعني لا هو اخويا ولا انتَ ابوه
انت عمه و انا بن عمه بس و للأسف
ف بلاش الشويه دول و انك تاخد على طيبته دي
ده بيخدعنا كلنا عشان ياخد هو كل حاجه

هُنا و اخيراََ نطق إلياس
إلياس بصدمه : اخد كل حاجه!.. تقصد ايه يا معتز..؟!

معتز بسخريه : متعملش نفسك برئ يخويا بس.. و انا عارف انك عايز تاخد كل حاجه بتاخدنا بس الاول في صفك عشان تاخد كل الفلوس.!

إلياس بصدمه : ايه التفكير ده انا عمري ما اعمل كده يا معتز انتو اهلي و مستحيل اعمل كده.!

أكرم مقاطعاََ : إلياس انا عارف يبني انك عمرك ما تعمل كده و عارف تربيتك
ثم قال لولده بغضب : و انتَ ايه التفكير ده ازاي تقول كده عليه و انه عايز ياخد كل حاجه عقلك جرا فيه حاجه..!!