روايــــــــة: قــــيـــــــامـــة تــــنــــهـــــــار🖤
الجزء الثاني:🔱فِــتــنَــــةُ صَــغِــيــرَتِــــي🔱
🔥بأناملي: رباب نجمة Rabab Najma🔥
الفصل الثاني: حــب ســرمـــدي🔥
الجزء 77:
وقفات المربية بصعوبة كتنين وتبكي حاسة بظهرها تقسم من حر الدفعة.....ضربات رجليها مع الأرض بنرڤزة ناطقة بقهر....
ليلى: عاوتاني فشلت نثيرو دائما كيوقعلي نفس البلان يا إما بسبب بنتو الزيزونة يا إما بسبب الخدمة ولكن هاد المرة بسبب ديك البنت المتطفلة كنكرها آآععع.......
خرجات من تما بسرعة للأسفل حتى تصعقات فاش شافت البنت الصغيرة سلمى سخفانة وآصف كيحاول يفيقها وعبير متمسكة بيديها.....
عضات على حنكها من الداخل ناطقة في نفسها....
ليلى: هادي هي اللخرة ليا...أش هاد الغلط لي درت.....
قربات منهم بلون مخطوف وشعرها مخربق ونطقات بصعوبة....
ليلى: شنو وقع علاش سلمى سخفانة وساردة......
رفعات عبير عويناتها فيها بنظرة خاطفة كتخلع فحين نطق آصف بعصبية مفرطة أول مرة تشوفو هكا.....
آصف: غبري كنارتك من وجهي مانعاودش نشوفك كدوري قدامي..... يلاه تحركي من قدامي....
حلات فوهة فمها باغا تنطق لكن الخدم جاو كيجريو مانعينها تتكلم معاه وهو معصب... خداوها معهم للمطبخ......
نطقات عبير بخفوت وشفايفها المنفوخة كيرجفوا حاسة بالبرد كتحاول تقلب نبض سلمى.....
عبير: تنفسها طبيعي يمكن شربات الماء بزاف...خصنا نضغطوا على صدرها باش تكحب داك الماء....
حرك راسو بالإيجاب وهو كيشوف فعينيها الصافيين وبدا كيضغط على صدر بنتو الصغيرة حتى رجعات داك الماء وهي باقا متشبتة بيد عبير...
نطق آصف بقلق وهو واخد وجهها بين يديه....
آصف: واش نتي بخير أبنتي حاسة بشي حاجة......
إستغربات عبير من كلمة بنتي ولكن دغيا تناساتها ناطقة بخفوت.....
عبير: واش نتي بخير ؟
حركات سلمى راسها بالإيجاب ورموشها فازكة كتحركها بالثقالة...دارت حركة قاصدة بيها أنها كتحس بالبرد.... فور ماخداها باباها بين يديه مطلعها للأعلى وعبير تابعاهم من الوراء.......
وصل لغرفة سلمى ودخلها للحمام مباشرة ناوي يحممها حتى نطقات عبير بعذوبة....
عبير: أنا غانتكلف كون هاني!!
سها فسحر عينيها ونطق بهدوء....
آصف: وخا أنا غانوجد ليها حوايجها....
خرج من تما مخلي عبير مع سلمى...طلقات ماء دافئ على جسدها وبدات كتمشط ليها شعرها الذهبي بعدما دارت ليه الشامبو....شللاتو ليها ودهنات ليها لحمها بالصابون وغسلات ليها وخرجاتها من البانيو ملوياها في رداء الحمام.... ونطقات بخفوت....
عبير: بالصحة الدوش ألغزالة....
إبتسمات ليها سلمى مقربة منها أكثر ومقبلاها في خدها..... فحين نطقات عبير بقلق....
عبير: واش مزال فيك البرد ؟
حركات سلمى راسها بالشوية بمعنى شوية وتخشات في عبير.... هزاتها عبير بين يديها مخرجاها من الحمام لقات آصف جالس داير يدو على شعرو بحيرة كيفكر....غير شافهم وهو يوقف مقرب ليهم...
خدا يد سلمى بين يديه مقبلها بحب كبير...
آصف: بالصحة والعافية أبنتي....
إبتسمت بحب مقربة ليه مقبلة خدو.... حطاتها عبير على السرير وبدات كتلبسها الملابس لي لقات فوق السرير.... ومن بعد غطاتها وخرجوا خلاوها ترتاح... لكن قبل مايخرجوا...وقفات سلمى وجات كتجري عندهم واخدة يدهم بجوج وشابكاتهم مع بعضياتهم خلاتهم كيشوفوا في بعضياتهم حاسين بكهربة.... ورجعات قبلات يديهم..... ورجعات لمكانها ناعسة بسلام.......
#يــ__ــتــ__ــبــ__ع.... بأنامل: رباب نجمة 🦋😘 كيف جاوكم الأجزاء زعما ممكن عبير وآصف تكون بيناتهم شي حاجة بسبب هاد البنت الصغيرة ؟
أنت تقرأ
فتنة صغيرتي
Romanceرواية قيامة تنهار، الجزء الثاني: فتنة صغيرتي بأناملي: رباب نجمة قارئاتي الغاليات لي عاشوا معايا كل لحظة من لحظات الجزء الأول من الرواي"حبك أضاء ظلامي"نبغي نشكركم وحدة وحدة على وفاؤكم للرواية وعلى مدى تفاعلكم معها حيت فعلا كان تفاعل كيفرح. أما بعد، أ...
