ဆောင်းဟန်ဘင်း ဓာတ်ပုံကို ထုတ်ကြည့်တိုင်း ရင်ခုန်သံကို ပြန်ကြားရတဲ့ အထိ မက်သရူးဘက်က သဘောကျခဲ့တာ။ ဆောင်းဟန်ဘင်းက ဖေဖေကနေတစ်ဆင့် မက်သရူးနဲ့ စကားပြောချင်တယ်လို့ ပြောခဲ့တော့ မက်သရူးမှာ ပျော်ခဲ့ရတာ။
ဒါပေမယ့် ပထမဆုံး ပြောဖြစ်တဲ့ စကားမှာပင် ဆောင်းဟန်ဘင်းမှာ ချစ်သူရှိကြောင်း လက်ထပ်ပွဲကို ငြင်းစေချင်ကြောင်း ပြောခဲ့တာ။ မက်သရူး ဘယ်လို ငြင်းရမှာလဲ။ အဲ့ဒီနေ့က မက်သရူးတို့ပြောသမျှကို ဖေဖေက နားထောင်နေတဲ့ ဖုန်းက ဘေးမှာလေ။
ဆောင်းဟန်ဘင်းမှာ ရည်းစားရှိတယ်ဆိုတော့ တိတ်တခိုး အချစ်ပေမယ့် မက်သရူးမှာ ပြိုလဲလိုက်ရတာ အလဲလဲအကွဲကွဲပင်။ ချစ်ရသူကို ပျော်စေချင်တာက တခြမ်း ချစ်ရသူအနားမှာ နေချင်မိတာက တခြမ်း မက်သရူးမှာ ဘာကို ဆုံးဖြတ်ရမှန်းမသိတဲ့ လုံးချာလည် လိုက်နေတဲ့ အတွေးတွေ။
ဒီကြားထဲ ဘာကြောင့်မှန်းမသိ မြန်မြန်ဆန်ဆန် လက်ထပ်ရဖို့ ဖြစ်လာတော့ မက်သရူးမှာက ရှုပ်ထွေးရတာ နှစ်ဆပိုတယ်။ ပြီးတော့ မက်သရူး ခုမှ ကျောင်းတက်ရတာ ၆ လရှိသေးတယ်။ ကိုရီးယားမှာ မက်သရူး ဘယ်ပညာကို လေ့လာရမှာလဲ။
ဘာမှ မတတ်နိုင်တဲ့ အဆုံး စီစဉ်းပေတဲ့ လေယာဉ်ပေါ်ကို အထုတ်တင်ပြီးသာ လိုက်ခဲ့ရတယ်။
@@@@@@@@@@@@@@@@@@
ကနေဒါကနေ ရိုက်ကွင်းပြီးလို့ ပြန်လာရတော့ ဂျီ၀န်းမှာ ပင်ပန်းလှပြီ။ လေယာဉ်အထူးတန်းမှာ ထိုင်ရင်း ဘေးဘီကို အကဲခတ်လိုက်တော့ မြင်ကွင်းထဲကို ၀င်လာတာက ဆံပင်ရွှေရောင်လေးနဲ့ကောင်လေး။ နားမှာတပ်ထားတဲ့ earphone လေးကို pokemon အရုပ်လေးတွေ ကပ်ထားတာက ကလေးစိတ်တောင် မပျောက်သေးသလိုပဲ။ ဂျီ၀န်း ကြည့်နေတာကို သတိထားမိပြီး ပြုံးလိုက်တဲ့ အပြုံးကြောင့် ခဏ နစ်မျောသွားတယ်။ ပြန်ပြုံးပြပြီး မျက်နှာလွှဲလိုက်တော့ မျက်လုံးထဲမှာ ကပ်ပါလာတဲ့ အပြုံးလေး။ ဒီအပြုံးလေးက ခဏပဲ မြင်ရတာကို နှမြောမိတဲ့ အထိ ဆွဲဆောင်မှု့ရှိတဲ့ သူ့ရင်ဘတ်က သိသိသာသာ ခုန်နေတာမို့ ဂင်ဂျီ၀န်းက စိတ်နောက်ကိုယ်ပါ ချဉ်းကပ်လိုက်တယ်။
YOU ARE READING
My hornable love (Complete)
FanfictionOTP မြိုင်မြိုင်ဆိုင်ဆိုင်လေး နောက်တစ်ပုဒ်ပါ ဖတ်ပေးကြပါဦးနော် Edit 🚨🚨🚨 Main OTP က Binthew ပါနော်။ အပိုင်း ၃ မှာကတည်းက ပြောထားပေမယ့် ထပ်ပြီး သတိလာပေးတာပါ။ ပြီးတော့ Gyujin နဲ့ Shentaerae ပါနော်🚨🚨🚨
