مسآء الهيل مسآء اليأس مسآء العافية والسعادة اليوم مع إبداع جديد من فقراتنا المميزة حكاية كاتب نتعرف على كاتبتنا ياسة وتاخذنا وياها بعالم رواياتهم وترجعنا في زمن الماضي كان يا مكان في ساعة ويوم وزمان شيخ يدعى مهران خلونا ننطي القلم لياسة تعرفنا على شيخ الشيوخ ،أهلاً وسهلاً بيج حبيتي شرفتينا وشكراً الج على قبول الدعوة ونترك القلم بيدج تعرفينا عليج ثم تنقلينا الزمن إلى الحقبة الزمنية في فترة الخمسينات
اهلاً وسهلاً
_ ياسة الموسوي مواليد ١٩٩٥ برج السرطان ام الثلاث أطفال
مروة : قلعة الشيخ مهران رواية تتكلم عن اجيال من الصعوبة كاتبة بداية مشوارها تجيد رواية متفرعة وتسلسل اجيال لكن ياستنا نجحت بتفوق وابدعت بسردها ممكن تخبرينا عن القلعة شلون وصلت هل رواية الج
_قلعة الشيوخ( قلعة الشيخ مهران)
وصلت إلي عن طريق احد المعارف بالاول كانت مجرد حديث عادي عن كم مشهد منها شدوا أنتباهي وجذبوني أسمع عنها اكثر بعدها تواصلت ويا البطلة وصارت من أجمل الروايات اللي كتبتها
هالرواية بالنسبة إلي جانت أختبار والحمدلله گدرت انجح بهذا الاختبار خلينا نگول 50٪
لان بعدني مستمره بالكتابة والنشر وإن شاءالله بعد ما أختمها اكون نجحت بيها 100٪
مروة :منو أقرب شخص إلى لياسة ومنو ساندج بمشوارج
_اقرب شخص والداعم إلي هو زوجي
مروة : هل راضية عن اللي وصلتي إله وشكد عدد روياتج بالواتباد
_ اول الغيث قطرة بعدني بداية مشواري واحاول أجتهد اكثر حتى اكون راضية عن نفسي بصورة صحيحة الروايات الموجودة بالواتباد حالياً 4 كاملات واثنين فقط إعلان نازل منهم
مروة : شنو السبب خلاج تصيرين كاتبة
_ بسبب حالة بنتي وبنت أحد الصديقات
مروة :واجهتي مشاكل بالكتابة
_ماكو شي يجي بسهولة اكيد اكو بعض المشاكل
مروة :خطأ بالكتابة أرتكبتي واندمتي عليه
_ وحدة من الروايات ندمانة عليها وأحس اكو أخطأ بسردها و راح ارجع اعيد سردها من جديد بالصورة الصحيحة
مروة : ياسة عندج بطل او بطلة انتقلم الى رحمة الله بالروايات هل موتهم أثر عليج
_نعم بطل قساوة القدر و ريحانة بنت بطلة تجارة مع الله وفاتهم أثرت بيه والهسة ما اگدر اتخطاهم وأكيد ما أنسى وفاة مؤنس هذه من اصعب حالات الوداع اللي كتبتها
مروة : مواقف من ابطالكم ما تنسينها تضحكين وتحزنين من تتذكرينهم
_ جميع مواقف سيد رائد ما تنسي دائماً بالذاكر
مروة : هم يوم فكرتي تركين الكتابة
_ نعم بفترة من الفترات
مروة :بحسابج بالواتباد أستغرب أسم رواية عروس الجبايش ما السر خلف هذا الاسم
_ الجبايش هي هو من أهوار الناصرية و أحداث الراوية راح تنطلق من هذة الهور تحديداً
مروة : التعليقات السلبية تأثر ؟
_ اكيد لأن إني بداية مشواري
أتمنى من المتابعين يكون نقدهم بــ أنصاف ولا ياخذونا
بذنب غيرنا
مروة : هل فكرتي بأحد الروايات تصدر كتاب
_لا ممفكرة
مروة :ياسة هم صادفتي صديقات من خلال مواقع التواصل الاجتماعي
_ اكثر من صديقه عندي وكلهم نفس المعزة يعز عليه اذكر وحده منهم واترك الباقيات
مروة : كلمة اخيرة توجهينها المتابعينج
_هم أساس النجاح كل الحــب الهم ♥️♥️
مروة : شكراً الج حياتي من نجاح إلى نجاح والف الف مبروك وصول قلعة شيخ مهران مليون مشاهدة يوم اشوفها بقوة الله توصل عشرة ملاين
متابعينا حساب الكاتبة YassahYassah9 بمنصة الواتباد
أعداد مروة السراي انتظرونا مع ضيفة جديد أبدعت بنقل ألم وعذاب السجن من كلا الجنسين
دمتم برعاية الرحمن وحفظة
YOU ARE READING
حكاية كاتب
Romanceيكتب الإنسان لسبب أو لآخر، ثم تصبح الكتابة عادة لا يمكنه الاستغناء عنها. سلسلة من القاءتي مع الكاتبات صاحبات قلم ذهبي نطق بالحق ودخلنا البيوت العراقية وَ نقلو النا قصص اجتماعية .
