حكاية كاتب

حنين العلي

مروه : يا مرحبا حبايبي فقراتنا المميزة حكاية كاتب نتعرف على صاحبة قلم ذهبي أبدعت بنقل العديد من الروايات الاجتماعية وعيشتنا مع أبطال قصصها تأخذنا وياها بعالم قصصها المبدعة (حنين العلي ) أهلاً وسهلاً بيج شرفتينا وشكراً الج على قبول الدعوة ونترك القلم بيدج تعرفينا عليج

_ حبيبتي أهلا بيج وبمتابعينا الغوالي كلش حابة حلقة الوصل هاي بيني وبين المتابعين وشكرآ الج لان اختاريتي تتعرفين عليه بوسط هذا الكم. الهائل من كاتباتنا المبدعاات

اسمي: انعرفت بأسم حنين العلي وفعلا اسمي حنين لكن كنية العلي مأخوذه من اسم زوجي علي

ربة بيت صار سنتين مقدمة خارجي سادس علمي ومدا تصير و امتحن

مواليد 1994 تولد كربلاء
حاليا اسكن النجف الاشرف

متزوجة منذ 14سنة

مقولتي المفضله(لولا الكتابة لمتنا من فرط الكتمان )

هدفي بالحياة. امشي واوزع حب بين الناس
احب يكولوون الله يذكرها بالخير جانت لطيفه وضحوكه دائما

خل اعترفلج شي خاص بس الج
اني شخصيا بالواقع مادخل بنقاش وي الناس الاشوفه قافل عقله ماتجادل وياه اخليه يحس هو الصح وهاي هيه بس بالمواقع من اعلق تعليق واضايق بي شخص بليلتها ماانام شكد مااحاول اكول هو بدا بالغلط وياي بس روحي متقتنع اضل احاسب بيها واكول االمفروض ماارد هيج ليش رديت حتلو اني جنت صاحبة حق ومره مدري مرتين علقت تعليق عفوي وسوالي مشاكل وي كاتبات ودخلوني بساحة حرب بعدين انسحبت مو خوف لا والله بس ضميري مخلاني استمر ورحت واعتذرت منهم البعض. قدر والبعض كأن ماشاف تبقه كلمن وضميره
والف الحمد الله على ضمير الحي

مروه : الحمد لله والشكر على هذهِ النعمة

منو أقرب شخص إلى ومنو ساندج بمشوارج ؟

_كل شخص احبه وادخله بحياتي هو مهم وجزء مني الشخص الي ساندني زوجي جان كلش يشجعني من يشوفني ابدي اتملل من الكتابة تجي اوقات اتعب وماكدر اوفق بين هوايتي وبين حياتي الخاصة هو جان الداعم يرتبلي اموري حتى تبقالي مساحة ووقت اكعد اكتب بي وماانسه اختي وحماتي ببداية المشوار كلش ساعدوني
هل راضية عن اللي وصلتي إله وشكد عدد روياتج بالواتباد
الحمد الله راضية كل الرضا بحيث استكفيت وتركت الكتابة والي عودة ان شاء الله من اشوف نفسي اكدر اقدم شي يفيد وميضر.
عدد رواياتي

1وراء رغباتي محذوفه لان موضوعها حساس ومجنت اعرف حرام نشر هيج موضوع لذالك حذفتها

2سند مهره وهاي القصة رغم. بساطة موضوعها وسردها الركيك لكن هيه الأعلى مشاهدات بين قصصي البقيه

3براثن الهلاك هاي القصة گأنما. ادخلتني بساحة حرب كد ماتعبت بيها وشلون اوصلها واوصل مظلومية ابطالها