يا مرحبا حبايبي فقراتنا المميزة حكاية كاتب نتعرف على صاحبة قلم ذهبي أبدعت بنقل العديد من الروايات الاجتماعية وعيشتنا مع أبطال قصصها تأخذنا وياها بعالم قصصها المبدعة ( زهراء حريري ) أهلاً وسهلاً بيج شرفتينا وشكراً الج على قبول الدعوة ونترك القلم بيدج تعرفينا عليج
مساء الورد حبايبي رمضان كريم على الجميع
اسمي زهراء الحريري عمري 29 سنة ام لثلاثة اطفال خريجة إعلام وعضو في نقابة الصحفيين العراقيين
_اهلاً وسهلاً يا أحلى أعلامية
متى اكتشفتي موهبتح؟
ـ اني احب قرأت القصص من ايام المتوسطة جنت اخذ روايات من مخزن المدرسة اقراها وارجعها وبفترة الجامعة بلشت اكتب قصص قصيرة عن الواقع لموقع صحيفة القسم
منو أقرب شخص إلى ومنو ساندج بمشوارج
أول قصة كتبتيها ومتى دخلتي الواتباد ؟
اول قصة كتبتها هي قصة صديقتي وجارتي قصة ( أبنتي واخي) بس نشرتها بعد غزالة فهد
بداية دخولي للواتباد نازو وبعد كم وحدة من متابعاتي من اول قصة بس اللي انطاني دافع استمر هو اول تعليق جان من بنية معلقة على قصة غزالة فهد (استمري اسلوب سردج حلو)
هل راضية عن اللي وصلتي إله وشكد عدد روياتج بالواتباد ؟
لا بعدني احس نفسي مقصرة
اما قصصي والله هن هواي بس اغلبيتهن ما كاملات واني القصة اذا أصحابها تاخروا عليّ بالاحداث يصيبني برود ناحيتها بس هسه ان شاء الله راجعه بقوة بقصة عڪد الهوىٖ حبيتها جداً لان ريفية
احب انقل تجارب الاشخاص حتى نتعلم من سلبياتهم وايجابياتهم اقوى سبب يخليني اصير كاتبة بالواتباد
أفضل أسلوب تعتمدينة بالكتابة؟
ـ ما عندي اسلوب محدد كل قصة استلمها اقرا احداثها واحاول ادخل نفسي بكل حدث واصيغة حسب الشخصية الرئيسة بالحدث
واجهتي مشاكل بالكتابة ؟
ما هي الرواية التي تمثل روحكي وليس مجرد رواية ؟
ـ ولا رواية حياتي بعيدة جداً عن القصص
هل هناك رواية قريتيها وتمنيتي انتِ كاتبتها ؟
لا ابد اشوف نفسي برواياتي وبس
خطأ أرتكبتي واندمتي عليه ؟
ـ ما اتندم على شي احب اتعلم بس اتندم لا
ما هي قواعدك بالكتابة ؟
أبدي الكتابة بأحداث غامضة وبعدين اكتب حسب التسلسل الزمني، اركز على ملامح الشخصيات اثناء الحوار، أبتعد عن التكرار
نصيحة للكاتبات المبدئين
لا تركزون على كمية الجمهور خلوا أهدفكم بالكتابة نوعية الجمهور
لا تستلمون قصص من ولد، قبل فترة دخل لي ولد يريد اكتب قصته من خلال الاحداث عرفت مجمعها من كم قصة وكم فلم هندي غايته يكسب عطف البنات وبعد ما توصل قصته لاكبر عدد من المشاهدات ينشر حسابة والغاية معروفة ما يحتاج اكول شنو غايته
عندج بطل او بطلة ماتو يالروايات هل موتهم أثر عليج؟
ـ اي شجاع وذكرى بمقصلة القلب
آسر بقصة أبنتي وأخي
حسين بقصة أعد قلبي قبل رحيلك
مواقف من ابطالكم ما تنسينها تضحكين وتحزنين من تتذكرينهم؟
مواقف نازو اشكد ما اعيد بيهن ما الملهن
هم يوم فكرتي تركين الكتابة ؟
اي والله دوم افكر بس أتراجع
منو القصص اللي مستحيل تتكرر كتابتها برأيج؟
سدرة بقصة مقصلة القلب قصتها الحقيقية حيل ماثرة بيه صح ما كتبتها كاملة بالقصة لان هي نقلت ربع من قصتها بسبب نازو والا هي رافضة كلياًّ تكتب قصتها اذا اكتب احداث حياتها بدون تحريف وكاملة مستحيل اكو مثلها بالواتباد
شلونها علاقتك مع الكاتبات شفني دعم من كاتبة بداية مسيرتك
لا ما شفت دعم ولا طلبته، ما عندي علاقة بيهم اني احب ابتعد وعلاقاتي تكون سطحية لان ما اعرف النوايا ولا احنا بالواقع حتى اعرفهم حق المعرفة
شنو رايك بالحملة ضد الواتباد؟
الحملة امممم المفروض تستمر لان كشفت هواي قصص وفتحت عيون البعض على السلبيات الموجودة
التعليقات السلبية تأثر ؟
رضا الناس غاية لا تدرك
فـما اهتم للتعليقات
فكرتي تطبعين أحد رواياتج كتاب ؟
مستحيل اسويها اني اعتبرها جريمة بحق الادب طباعة القصص باللهجة (العامية)، حتى مرات اضحك على التعليقات بالفيس من يقارنون القصص باللهجة العامية ويا الشعر الشعبي ما اعرف شلون جمعوا بين الاثنين! عقولهم تعرف هذا الشي مو صحيح بس يحبون التبرير
كلمة اخيرة توجهينها المتابعينج
يمكن راح تكرهوني على كلامي الفوك بس اني احب احجي الصراحة وما اجامل تحملوني ، المهم ابقى احبكم 😘
أعداد مروة السراي انتظرونا مع ضيفة جديدة
دمتم برعاية الرحمن
أنت تقرأ
حكاية كاتب
Romanceيكتب الإنسان لسبب أو لآخر، ثم تصبح الكتابة عادة لا يمكنه الاستغناء عنها. سلسلة من القاءتي مع الكاتبات صاحبات قلم ذهبي نطق بالحق ودخلنا البيوت العراقية وَ نقلو النا قصص اجتماعية .
