Unicode
ညနေ နေဝင်ရိုးရီမှာ သံစဥ်ငယ် အိမ်တော်ကို ရောက်လာတယ်။ညစာ စားပြီးခဲ့ပြီဆိုတာကြောင့် စာဖတ်ခန်းမှာ ဝင်နေလေတယ်။မိခင်ဖြစ်သူနဲ့ ညစာ စားပြီးတာနဲ့ သံစဥ်ရှိရာ ဒေါ်ဒေစီကြွယ် လျှောက်လာခဲ့တယ်။
" ဒီရက်ပိုင်း အလုပ်တွေများနေတာလား "
စာဖတ်နေရာမှ သံစဥ်ပြန်လှာ့်လာသည်။ပြီးတော့ အမျိုးသမီးနား လျှောက်ကာ ခပ်ထွေးထွေးပွေ့ထားလိုက်သည်။ပစ်တုန်းက ပစ်ထားပြီး အခုမှလာကပ်နေတဲ့ ကလေးငယ်ကို ဒေါ်ဒေစီကြွယ် အပြစ်မတင်ရက်ပါ။
" မောင့်ဒေစီရဲ့ မေမေမှာ စိတ်ရောဂါ တစ်ခုခု ရှိနေလား "
" ဘာပြောတာလဲ သံစဥ်ငယ် "
" မောင် တွေးမိလို့ပါ "
ဒေါ်ဒေစီကြွယ်က သူ့ကလေးငယ်ဘက်ကို ဆွဲကာ ထိုင်ခုံမှာထိုင်စေလိုက်တယ်။
" မရှိပါဘူး သံစဥ်ငယ်ရယ် ၊ မင်းဒီလို မေးတော့ တို့စိတ်မကောင်းဘူး "
" သံစဥ် ပွင့်ပွင့်လင်းလင်းပဲ မောင့်ဒေစီကို ပြောပြချင်တယ် "
ဒေါ်ဒေစီကြွယ်က ခေါင်းငြိမ့်ပြလေသည်။
" ဒေါ်ခင်ဓနကြွယ်က သံစဥ်တို့ကို သဘောတူမယ်မထင်ဘူး "
" သံစဥ်ငယ် ၊ မေမေ လိုလိုလားလား ရှိနေတာ မင်း သိရဲ့သားနဲ့"
" မဟုတ်ဘူး မောင့်ဒေစီ "
" တော်ပြီကွယ် မင်းနဲ့စကား မများချင်ဘူး "
" ပြောရမယ် မောင့်ဒေစီ ၊ သံစဥ် ကျောင်းသွားတက်ဖို့ လေးငါးရက်ပဲ လိုတော့တယ် ၊ သံစဥ့်စိတ်က သိနေတယ် သံစဥ်မရှိရင် တစ်ခုခု ဖြစ်တော့မယ်ဆိုတာ "
ဒေါ်ဒေစီကြွယ့် မျက်နှာလေး ညိုးနွမ်နေသည်။မပျော်ပါ။သံစဥ်လည်း သူ့အမျိုးသမီးကို ဒီလိုပုံမမြင်ချင်ပါ။
" မောင့်ယောက္ခမလောင်းက လူသတ်ဖူးလား မောင့်ဒေစီ"
" သံစဥ်ငယ် ဘယ်လိုမေးရက်လိုက်တာလဲ"
" မဟုတ်တမ်းတရား မောင်စွပ်စွဲနေတာ မဟုတ်ဘူး ၊ စံအိမ်ရဲ့ အရှေ့ဘက် သစ်တောထဲမှာ အုတ်ဂူနှစ်လုံး ရှိနေတယ် ၊ တစ်လုံးက ဒေါ်ခင်မမကြွယ်တဲ့ ၊ မောင့်ဒေစီရဲ့ ဒေါ်လေး ခေါ်မလား ၊ နောက်တစ်လုံးက ဒေါ်သီတာနွယ်တဲ့ သံစဥ့် အဖွားရဲ့ ညီမ "
YOU ARE READING
ချစ်ခြင်းရှိရာ မန္တလာမြေ
Romanceစိတ်ကူးရှိရာ ဖန်တီးရေးဖွဲ့ထားတာမို့ ယုတ္တိရှိမည် မဟုတ်ပါ ။ စိတ္ကူးရွိရာ ဖန္တီးေရးဖြဲ႕ထားတာမို႔ ယုတၱိရွိမည္ မဟုတ္ပါ ။
