السَلامُ عَلىٰ إهَلْ السَلامِ 🌙
.
.
.
.
بَينَ الشَمسِ والَقَمرِ
.
.
البارت الرابع والعشرون
.
.
~ عَيناك رَبيعٌ و حديثُك بِلادٌ مُزهِرة~
.
.
Pov: شمس
گعدت الصبح واليوم جمعة ماكو دوام و اول ما فتحت عيني لگيت
قمر گدامي البارحة نمنا سوى
بغرفتها ما گدرت اعوفها جانت
خايف عيونها جانت ترجف مثل جسمها
فزيت من تفكيري على صوت
الباب يندگ قوي
گمت اريد اشوف منو جاي من صباحية
رب العالمين
فتحت الباب جان اشوف رقية وامير وعزيز
كلهم بالباب
انصدمت من وجودهم ما اعطونا خبر بانو
راح يجون
" السلام عليكم وين قمر "
حتى قبل ما ارد رقية وخرتني ودخلت
ماكو احترام ولا عبالك اني بگد ابوها
بعدت وسمحت لامير وعزيز يدخلون ولو
ما اريد هذا عزيز يدخل بس اكرام الضيف
واجب لحد ما يتعدى حدوده وينطرد
" نايمة، هسة اصعد اگعدها تفضلوا اگعدو"
اشرت لهم على الكرويتة واني اباوع بعيون
عزيز ههههه اشوفه يحترگ عيونه
راح عبارة عن نار
ما اهتميت وصعدت مو مال عرگات من الصبح
دخلت غرفتها وشفتها نايمة
ما ردت اگعدها بس جاين يشوفوها واذا ما
جتي الهم راح يصعدون هم وهذا اخر شي
اريده
" قمر گعدي رقية هنا تسأل عليج"
لزمتها من چتفها احركها جان تهمهم لي
" يلا اجتي هي وامير وهذا عزيز "
شفت عينها تنفتح جان تمدد ايدها
وتگوم
" صباح الخير"
" صباح النور "
جاوبتني وهي فاتحة عين وسادة عين
شكلها يضحك
ابتسم على شكلها و گومتها لان مبين
راح تنام اذا اعوفها بمكانها
" گوميي يلا غسلي وجهج "
دفعتها للحمام ودخلت له واني رحت
نزلت جوة شفتهم گاعدين بمكانهم
" هسة راح تجي "
گلت لهم ودخلت المطبخ ما اريد
اگعد بنفس المكان ويا عزيز ومبين
اصلا هم همين ما يريدوني اگعد
يمهم وراى ما صار بيني وبين قمر
End pov
.........................
Pov: قمر
خلصت قمر غسل وجهة وبدلت ملابسها
بسرعة تريد تعرف ليش جايين عليها
بدون حتى ما يگولون
نزلت الدرج جان تشوفهن گاعدين
ينتظروها واكو صوت بالمطبخ مبين
شمس گاعد يطبخ
" هلا بيكم "
ابتسمت اول ما باوعو علي
رقية گامت بسرعة وجتي تحضني
" عبالي رحتي مرة ثانيا "
طلع صوتها مهزوز عبالك تريد تبجي
وهي تحضني حضنتها اكثر
" ليش منو گال "
" البارحة خابرتج اربع مرات وما رديتي "
طلعت راسها وشفت عيونها مدمعة
لزمت وجهة بين ايدي وابتسمت لها
" لا تبجين، البارحة مبايلي قفل لان خلص
شحن ونسيت افتحه"
صحيح جذبت بس ما اريد يعرفون انو
اني تخربطت
" اوفف الحمد الله "
جاوبتني وحضنتني مرة ثانيا خفيف ووخرت
اتقدم امير مني
" خوفتينا عليج "
حضنب هو همين خفيف وابتعد
أنت تقرأ
بَينَ الشَمسُ والقَمرِ /between sun and moon
Teen Fiction( مكتملة) عندما يجتمع الشمس والقمر بسبب تضحية كلاهما ويجمعهم القدر في مكان واحد ماذا يحدث؟؟ اشك انه سيحدث انفجار هل انت مستعد لتقرأة قصتهم هل انت مستعد لتعرف ماذا يحدث عم الكسوف؟ رواية عراقية خيالية 🇮🇶 البطل: شمس /نقيب البطلة: قمر/ محامية ب...
