السَلامُ علىٰ ضَوء الشمس
.
.
.
.
.
~ اتمنى ان تجدي الشخص الذي يساندك
ويحميك لانه ليس انا~
.
.
...........
" ليش يروحون؟؟ "
سألني شمس بالجهة الثاني من الاتصال لما گلت له انو امير ورقية
راح يروحون يم عزيز
" اكو شي اريد اگوله لك لذلك هما يريدون
ينطونا مساحتنا الخاصة وكذا"
جاوبته بس ما گلت له انو انب گلت لهم يروحون
لان ما اريدهم يكونوا موجودين
لما اگول لشمس الي اريد اگوله
بعدين تعرفوا
" اها زين لعد "
" ليش زين؟؟ "
سألته باستغراب
" اريد اگول لج شي همين لذلك الافضل
نكون وحدنا "
ابتسمت لان اتوقع اني ويا راح نگول نفس
الشي
" همم تمام لعد يلا باي "
گلته وسديته بوجهه ههه احب وجهه
المعصب
" يما حبيب الگلب مخلي الابتسامة تشگ
حلگج "
انداريت على غادة وباوعت لها
" انجبي"
جان تضحك، علاقتنا تطورت وراى الي سوته
ملاك وبالنسبة لملاك فعمي الحبيب
طردها من الشركة وتستاهل الصراحة
مو مهتمة
وحتى غادة تركتها
الي سوته مو شي هين، وكله بس علمد
تنتقم من شخص ما سوة الها شي
غبية
End pov
..........
Pov: شمس
ابتسامتي ما فارقت وجهي لان
عرفت قمر راح تگول لي شي خاص بيناتنا
و احس گلبي يگول لي راح
تعترف لي واني اعترف لها
ونعيش حياتنا سوة
هذا الشي الوحيد الي اسعى اله هسة
وادعي ربي يصير
" شمسسسسسسس"
انطرش اذني من صياح كاظم لازم لازم
يصحيني من افكاري، احس راح اطرده
" انجببب طرشتني "
صحت بي
" صار ساعة اصيحك انتبه هنا
عدنا مشكلة مو مال صفناتك "
همهمت له وباوعت صحيح شاركته
بحلها بس تفكيري كله يمها
وانتظر يجي الليل بسرعة
ومر الوقت بثقل لحد ما صار الوقت
الي اروح اخذ بي قمر
لذلك شلت غراضي وطلعت من المركز
واتجهت للشركة
شفت قمر نازلة جوة ودا تحجي ويا حور
اقتربت منهم وجان اسمع قمر
تگول " تمام متشكرة الج"
اجاني فضول عن سبب تشكرها لحور
" ها شعدكم"
اقتربت من قمر وگفت گدامها هي وحور
" ماكو شي يلا خلصت نطلع"
" ليش مستعجلة "
سألتها لان مدا اشوفها طبيعية اكو شي
بس ممكن لان راح تعترف لي
وهي هسة متوترة
" ها منو مستعجل اني لا لا ما مستعجلة"
ضحكت عليها لان تحاول تقنعني
ماكو شي بس مبين عليها
" تمام يلا حور راح نروح احنا "
وغمزت لها اخر كلامي لان
گلت لها راح اعترف لقمر اليوم .
سحبت قمر من ايدها وصعدنا السيارة
وبسرعة خلص الطريق لان اني سقت
سريع بسبب توتري
ثنينا جنا متوترين دائما قمر
تحجي بالسيارة ما تسكت بس اليوم
ما حجت
المهم وصلنا البيت ودخلنا جوة
قمر گالت لي راح تبدل وتجي
واني هم صعدت ابدل وضليت افكر
باشلون راح اعترف لها بس اتوقع
اني اگدر لان صريح ما اتوقع راح افشل
او اأجل الموضوع
كملت تبديلي ونزلت
والحمد الله ثنيناتنا متعشين يعني هس
نگدر نختلي ببعض
ونحجي الي نريده على راحتنا
YOU ARE READING
بَينَ الشَمسُ والقَمرِ /between sun and moon
Teen Fiction( مكتملة) عندما يجتمع الشمس والقمر بسبب تضحية كلاهما ويجمعهم القدر في مكان واحد ماذا يحدث؟؟ اشك انه سيحدث انفجار هل انت مستعد لتقرأة قصتهم هل انت مستعد لتعرف ماذا يحدث عم الكسوف؟ رواية عراقية خيالية 🇮🇶 البطل: شمس /نقيب البطلة: قمر/ محامية ب...
