සූරියකාන්ත මල 🌻
සූරියකාන්ත කියන්නෙ මලක් විතරක් නෙමෙයි,
ඒක හැඟීමක්..
නිල්ම නිල් පාට අහසක් යට, ඇස් පුන්චි කරලා කවදාවත් හිමි නොවෙන, ඉර දිහා බලන් ඉන්න හැඟීමක්..
කිසිදිනක හිමි නොවෙන බව දැන දැනම, කිසිවක් බලාපොරොත්තු නොවීම ආදරේ කරන හැඟීමක්..
උත්සහය අත් නොහැර, කවදා හරි මිලින වන තෙක්ම, නොඑන කෙනෙක් වෙනුවෙන් මග බලන හැඟීමක්...
චණ්ඩ හිරු තාප දරාගෙන, සිනිදු මල් පෙති පරවුනත්, සදාකල් නොවෙනස්ව පවතින හැඟීමක්...
ඉතිං ,
සූරියකාන්ත මල කියන්නෙම
තනියෙන් ආදරේ කරන හැඟීමක්..
සරලවම කීවොත්,
ඒකපාර්ශ්වික ප්‍රේමයක් ගැන කතාවක්...
"අඩේ වතීෂ්....ඒකෙ ලස්සන....තමුසෙද ලීවෙ ඕයි....ඔයාට ලස්සනට ලියන්න පුලුවන් වතීෂ්....මේ ඇත්තමයි...."
"...."
"හෑ පොඩ්ඩක් හිටහන්...මේ උඹට වන්සයිඩ් ලවක් වත් තියෙද....කියපන්....කියපන් මට බෙල්ල මිරිකන්න කලින්....මොකීද මොකීද ඒකි....ආයිෂ් මට කේන්ති යාගෙන එන්නෙ ඕන්...."
"මොන කෙල්ලොද බන්....මැරෙන්නැතුව හිටපන්....ඕක මම නිකමට ලීවෙ..."
"ඒක මිසක්....මනමාලකම් කරන්නැතුව ඉගෙනගනින්...."
"ඇයි යුවේන් උඹට ඊරිසියද මම කෙල්ලෙක්ට දාගත්තොත්...."
"අනේ වැඩේමයි....උඹ එකක් බැයිනම් පනහක් දාගනින් මට මොකද බලන්න....හැබැයි උඹෙයි මගෙයි යාලුකමේ වෙනසක් උනොත් අන්න එදාට තමා මං උඹෙ බෙල්ල ගලවන්නෙ...."
පොලිටිකල් පොත පිටිපස්සෙ මම ලියපු නිසඳැසක් එයාට අහුවෙලා....උඹ දන්නෑ බන් මගේ ඒකපාර්ශ්වික ආදරේ වෙන කවුරුත් නෙවෙයි උඹමයි කියල....
කෙනෙක් අහයි ඇයි ඉතිං නොකියා ඉන්නෙ කියල....කෙනෙක් කියයි ඔයාගෙ හැඟීම් එයාට කියල බලන්න කියල....
ඒත්....
පාඩම් පොතේ සුවඳ
අකුරින් ලියා දුන්
උන්මාද ගීතේද ගැයුවේ ඔයා...
ඒ පොත් කොනේ ලියුව
හසුනත් ඔයාටයි
මේ පෙම් හැඟුම් නැද්ද
දැක්කේ ඔයා...
𝒯ℴ 𝒷ℯ 𝒸ℴ𝓃𝓉𝒾𝓃𝓊ℯ𝒹
නිසඳැස උපුටාගන්නා ලද්දක් බව කරුණාවෙන් සලකන්න....
YOU ARE READING
මිතුදමෙන් එහා
Short Storyස්ටේජ් එක මැද්දෙ ගිටාර් එක ප්ලේ කරන ගමන් සිංදුව කියන එයාගෙ ඇස් කෙලින්ම තිබ්බෙ මගෙ දිහාවට....ඒ ඇස් දිළිසෙනවා....එයා ඇස් වලින් හිනා වෙනව....මොකද්දෝ කතාවක් මට කියනවා... ඒත් ඒ කතාව , මම ඒ ඇස් වලින් දකින්න ආස...කියවන්න හීන මවන විදිහෙ කතාවක් නෙවෙයි.... ඇය...
