الـرقطاء وكراتها الثلاث

اللـدغه الثانية عشر🐍

الرقطاء وكراتها الثلاث

اللـدغه الثانية عشر 🐍

بقلم كهرمانه
_____________

مَلامح على هَيئةِ بَشرَّ ،
كيد بدهاءِ أنثوي،
لم نُرِىٰ هذهِ الصفتين
إلا
داخلُ بيت العفريت..🐍

_بِقلمِ أُميم الجنابي
________________

ديالا:-امي جابتلنا وياها اكل من المطعم باوعت للساعه بالأربعه العصر اليوم كِلِّـشْ متأخرين روتيننا كله خربان واحنا كاعدين من الفجر والتعب يقرا الف قبل يوم مانايمين لانو خلصنا نقل بالليل بدلنا لبيبي أني و وجد وحضرنا الأكل وگلت لـوجد راح اصعد اصيح البنات واجي

صعدت ادك بالباب مال غرفة هرم مقفول ضليت ادك بالباب واصيحلها ماكـو صوت طلعت مسك مخليه منشفه على راسها

-شــكوو شبيج تصيحين

ديالا:-غير جاي اصيحلها تتغده ماكـو صوت

مسك:-تلگينها مخليه سماعات بأذانها وتدعفس بالغرفه

ديالا:-لعد شـلون متاكل

مسك:-ضميلها قابل ممتعوده عليها

ديالا:-يـله تعاي امشي نتغده لعد

مسك:-روحي أنـي هسه جايه ،نزلت ديالا واني باوعت لغرفة هرم غريب الهدوء دنگت اباوع من جوه الباب ماكـو ولا اثر الها حتى خيال ماكـو وممعقوله تنام بالنهار ، وين ولت هــاي بنص الضهاري خل انزل هسه علمود محد يشك
.
.
هرم:-رجلي يبسن لاا مو بَــس رجلي جسمي كله يبس من سمعت صوته وهو يحاچيني عباله وحده متسوله وهي سوالفي مال متسولين لــيش انكر