الـرقطاء وكراتها الثلاث

اللـدغة السادسة والثلاثين 🐍

ألرقطاء وكراتها الثلاث🐍

اللـدغة السادسة والثلاثين 🐍

بقلم كهرمانه
_____________

ديالا:-شلون رفيف أخاف معاذ اجه والله يضل يتشمت بيها

رفيف:-لا ديالا شدتحچين شنو يتشمت قابل شبيها هيَ لا تخافين خلي بالچ يمها أهم شي مانخليها تعض لسانها

ديالا:-ثواني ودخل بـَحـر للصالة صح خفت من ملامحه الغاضبه بس أحسن من معاذ أحسه يتشمت

بعد ما دريت ماخذها للمصح العقلي بدون ما أحد يدري ، بـَحـر شاف مسك راحلها لزم إيدها بقوه وضل يقرأ ايات

مسك زادت مانقصت هوَ طلب قرآن من رنده ركضت تجيب قرآن واني لازمه ايدها و أيدي الثانيه لازمه حلگها علمود لا ينسد على لسانها وتعضه

شويه وحسيناها هدأت من هدأت بـَحـر طلع تليفونه وخابر على هرم

-هرم وين وليش مو هناا وماجاي ترد على اتصالي هَـم !!

ديالا:-أ أ هرم راحت ويه خالة نقاء حتى

- سكتت هوه هم سكت وماحچه شـيي بَــس مبين عليه منزعج من تصرف هرم شفت مسك هدأت لزمت راسها وشعرها الفروة مال راسها نار كبره تخبلت عليها بستها وساعدتها حتى تگوم واني اقرأ آيات

-يـله أمي گومي إرتاحي هسه تجي هرم يـله انتِ قوية مسك گدها

بعد ما نومتها ورفيف بقت يمها بـَحـر اجه مرة ثانيه تطمن عليها شافها هادئ طلع من الغرفة واني طلعت وراه وهوَ عينه بالتليفون ورايح جاي

-بـَحـر لازم نحچي بخصوص مسك

بـَحـر :-إذا متحبين تحچين عادي بس تأكدي اني ماراح اتشمت بيچن أني أخوچن ، صح چنت ما أطيق اشوفچن بس من عاشرتچن شفت إنتن شگد تشبهني بهواي أمور صارت ويايه وشفت نفسي بيچن انتِ وهرم ومسك