الـرقطاء وكراتها الثلاث

اللـدغة السابعة والثلاثين🐍

الرقطاء وكراتها الثلاث 🐍

اللدغـة السابعة والثلاثين🐍

بقلم كهرمانه
__________

أن رميتني بالنار سأرميكُم جميعًا بالخُذلان وكان يا ما كان لم تكُن الرقطاء في الزمان ..🐍
بقلم أميم الجنابي
___________
-گز على أسنانه وحچه بغضب

-ديالاااا مو هيچ تنحل الأموووورررر وأنتَ عيني أبو معاذ أنطينا مفكه هنه هَـم خالاته ويعرفن مصلحته وبالتفاهم كلشي يمشي عدل اتفقوا بيناتكم

مسك:-غبييه غبيييه ديالا، تقدمت ناحيتها بخطوات متسارعه لزمت معصم أيدها وهمست بأذنها

- إنتِ تتوسلين ياديالا ولچ وسفه

ملامحها باهته تباوع للفراغ عيونها حمر نزلوا دموعها رغم من تعابير وجهها الجامدة

-شسوي متشوفين شـلون يريد ياخذه شريط موت وجد كله مر گدامي

مسك:-غبية أني اللي أتصرف وأحل الأمور مو أنتِ تجين تاخذين قرار يدمرچ ويدمر ياسين

-رجعت أنظاري لكنان وگلتله

-عمو ياسين يبقى يمي أهتم بيه مو أني زوجة أبنك؟

كنان:-مسك أفهميني بـِـنتي أني محتاج ياسين يمي فترة تعبان مشتاق لوجد ماعرف شسوي أحس هــوَ يخفف عني رتبت شغلي وخليت من يسد مكاني في سبيل ابقى كاعد بالبيت اتفرغ لياسين

واذا تردين تربينه ماعندي مشكله بَــس مع إحترامي لـ بـَحـر بس ما أقبل واحد يصرف على حفيد الصحار وأبوه يشم الهوا ، وتجون تسكنون ببيت وجد لأن أصلًا متروك البيت واني مستقر يم الحجيه

مسك:-هزيت رأسي بتفهم وهوَ مارفع راسه ولا نطق كلمه لأن اللي گالته ديالا ماتخطاه وبقى مصدوم منه

بـَحـر:-أبو معاذ صعبه ثنين بــَنات وحدهن بالبيت كلشي يصير بالدنيا معاذ مايتواجد اكثر شـيي بالشغل وانتَ دتگول ماروح للبيت أبقى يم الحجيه

كنان:-مو مشكله اشوفلي حراس ثنين يتناوبون عالحراسه مال البيت

مسك:-عمو بخصوص معاذ ماعندي وياه مشكلة يجي يروح يسافر براحته

كنان:-هذا هــوَ لعد واعتذر ع اللي صــار قبل شويه بَــس من لهفتي وأشتياقي لياسين حچيت بلا وعي وديالا مثل بـِـنتي وعاذرچ ع الكلام البدر منچ لاا يضل ببالكم