الـرقطاء وكراتها الثلاث

اللـدغه السادسة والعشرون 🐍

الرقطاء وكراتها الثلاث 🐍

اللـدغه السادسة والعشرون🐍

بقلم كهرمانه
__________

لعبةٌ  بِدهاء أنثوي مُتلاعب ،
وَ هُنالك مَنْ يتَلاعب لِـمصيدة 
تحسُم قرار ما هو أتعس..🐍

_بقلم أُميم الجنابي
_____________
مسك:-من بعد اللي صــار ابتعدت عن معاذ وأبد ماحچيت وياه وهو هَـم متجنبني صرت بحاله أني أصلًا مفاهمتها

أكل بأضافيري من القلق ، واذا غابت الشمس انام بسرعه حتى لاا ترجعلي الحاله اللي ماعرف شِــنو أسميها

أعيط ويه روحي أضرب نفسي وأملخ شعري اريد أبچي أريد تنزل دموع أعصر بروحي عصر دموعي ماينزلن متجرده من العواطف والمشاعر العاطفيه

حتى حزن ما أگدر احزن مثل العالم يالعنه صايبتني ، مو گادره أتخلص منها بسهوله

أگعد ورى منتصف الليل وأبقى الليل كله گاعده ادخل للغرف وحده ورى الثانيه حفظت تصرفاتهم دائمًا ساكته بيناتهم بَــس مركزه اكثر من عدهم بسوالفهم ومع ذلك أكو غموض بيهم

كشفت نظرات وحب رانيا إخت معاذ لمروان ومروان مامعبرها ، خيانة عابد زوج سلمى ويه العامله

شفتهم ثنينهم بوضع مو حــِلوو وصورتهم ودزيتهم لديالا اول ماشفتهم ورجعت لغرفتي ولا كأنو شايفه شـيي