" Lavender Blossoms Around His Neck "

Lavender ( 7)

Unicode

ဖောင်း !! ဖောင်း!

လက်ခုတ်သံတွေမြိုင်ဆိုင်စွာထွက်လာမှ Jeonranto သည်အသိပြန်ဝင်လေသည် ။ သူဘာဖြစ်သွားတာလဲ ချက်ချင်းဆိုသလို စင်ပေါ်သို့လှမ်းကြည့်လိုက်တော့ ချယ်ရီပင်Background ရှေ့မှာ Taevender က အလယ်အလတ်တန်းစားရိုးရာဝတ်စုံဖြင့်လူအရိပ်တစ်ခုနှင့် မျက်နှာချင်းဆိုင်ငေးမော၍ ပြီးဆုံးသွားလေသည့်ဟန်ဖြင့် ဇာတ်သိမ်းသွားလေသည် ။ ပြီးနောက်အဆုံးသတ်အနေနှင့် မှောင်မဲသွားသောစင်မြင့်ထက်မှ စကားစုရေရွတ်သံတစ်ခုကိုကြားလိုက်ရလေသည်
" မျက်ဝန်းစကားခြွေ
ဤနှလုံးသားဝယ် ..
ချစ်လှစွာသောအမည်နာမတစ်ခုကို
အမှတ်တရတည်စေခဲ့သည် " ထို့နောက်တွင်တော့ ကန့်လန့်ကာချသွား၍ ပြဇာတ်ကအဆုံးသတ်သွားလေတော့သည် ။

ရုတ်တရက်သူမတွေးတောနိုင်ဖြစ်သွားရလေသည် ။ သူကဘယ်လိုကနေဘယ်လို ပြဇာတ်ကိုကြည့်မိသွားရတာလဲ ။ ပြီးတော့ ပြဇာတ်ထဲ ဘယ်လိုလုပ်စီးမျောသွားရသနည်း ။

သူခေါင်းထဲမှာ ရှုပ်ထွေးစွာ မတွေးတောနိုင်ဖြစ်နေသည့်အချိန်တွင် အနီးနားရှိပွဲကြည့်ပရိတ်သတ်များကလည်းအသီးသီးထပြန်ကုန်ကြပြီးဖြစ်သည် ။ ထိုစဉ်မှာပင် သူသတိရလိုက်မိသည်က ဂါဝန်နက်ပြာရောင်နှင့် အမျိုးသမီးတစ်ဦး ။ ထိုအမျိုးသမီးက သူ့အနားမှာထိုင်ခဲ့သည်မဟုတ်လား ပုံစံ​ကြည့်ရတာ ခံစားချက်ကတစ်မျိုးပင်။ ထို့နောက် စိတ်ရှုပ်စွာပင် Taevender ကိုရှာရန်ထွက်လာခဲ့လိုက်လေသည် ။

သို့သော် ပြဇာတ်ခန်းမထဲတွင်မရှိသည့်အပြင် ကောင်တာဘက် ဧည့်သည်များစောင့်ဆိုင်းသည့်အရှေ့ဘက်စားပွဲဝိုင်းတွေဘက်၌ပါမရှိတော့ချေ ။ကောင်တာက မိန်းကလေးကိုမေးတော့ အပြင်ထွက်သွားသည်ဟုသာပြော၍ မေး၍မရတော့ချေ ။ ထို့နောက် သိပ်မကြာလိုက် သူခုနကသတိမထားမိခဲ့သည့် Han SeokBin ဆိုသည့်လူထိုင်နေသောအရှေ့ဘက် စားပွဲဝိုင်းတွေဆီသို့ Taevender ကရောက်လာလေတော့သည် ။ ထို့နောက် စကားခဏပြောနေသည့်ဟန်မို့ သူအမြန်ပင်ထိုနေရာသို့လိုက်သွားမည်ပြုလိုက်လေသည်

" ငါ့ကို တကူးတကကြီးလာမကြိုပါနဲ့ဆို ။ Seokbin ကတော့ ဘယ်တော့မှပြောစကားနားမထောင်ဘူး "