مِسك

الفصل السادس عشر ( في بداية البحث )

اللهم صلِّ وسلم وبارك على سيدنا محمد وعلى آله الطيبين الطاهرين اجمعين.

صلو علي محمد.

♡__________________________♡

كانت في مكالمه مرئيه مع اول واخر شخص تلجئ اليه في اشد المواقف.

_" مش عارفه يا تسبيح بس هو حلو "

صدمت من ما قالت ووضعت يدها علي فمها كانت تسبيح تضحك علي عفويتها.

_" ايوه وقعتي بالسانك يا حلوه "

خجلت مسك من حديثها.
_" خلاص يا تسبيح مكنتش اقصد "

_" طالما انتي قولتي انه حلوه يبقي انتي فعلا بتشوفيه حلو "

قالت مسك بخجل.
_" بصراحه اه "

_" طب انتي بتحسي ب ايه وانتي معاه!؟ "

_" بحس اني مطمنه و اني مبسوطه "

_" طب بتحبيه!؟ "

لم تعرف ماذا تقول.
_" مش عارفه، وبعدين هو انا لحقت اتعرف عليه "

_" طب ما تحولي تدي نفسك فرصه معاه "

فكرت قليلا في حديثها ثم قالت.
_" هحاول "

قالت تسبيح ببعض مكر.
_" اخوكي شكله بيحب "

استغربت مسك.
_" ليه بتقولي كده!؟ "

_" اصلا من يومين كان بيلمح علي وحده عنده في العياده "

_" ازاي برضو مش فاهمه!؟ "

_" بت انتي غبيه اخوكي شكله بيحب يا بت واكيد هيتجوزها وهنكون احنا الاتنين عمتو الحربايه "

قالت مسك.
_" الله طب ما انا مش فاهمه بجد "

_" طب خلاص انا بس عايزكي تركزي مع نوح يعني لو بيسمع اغاني حب كتير ولا حاجه علشان مش هسيبه في حاله "

ثم اكملت.
_" فاكره يا مسك كان بيعمل ايه معايا لما كتبنا الكتاب انا جاسر فاكره "

تذكرت مسك ما كان يحدث واخذت تضحك بقوة.

_" اه كان بيقفل النت وانتم بتتكلم فيديو كول "

قالت تسبيح بغيظ.
_" اه ياختي نروح نتكلم مكلمه عاديه يدخل يرخم عليا "

_" ايوه ما انتي ما شفتيش كان عامل ازاي لما انا كمان كتبت الكتاب كان بيطلع دخان من ودنه وشراره من عنيه وشويه كمان وكريم ماسك ادي كان هيفرقع "

_" طب اوعي تسبيه في حاله لحد ما انا اجي اقرفه في عشته "

_" انتي جايه بجد!؟ "

قالتها مسك بسعادة.
_" ايوه جايه كمان اسبوعين بس اوعي تقولي لحد عايزه تكون مفاجأة "