كـحِـيـل الـعَـيـن

تَوَجُّس

°°°

< ٥:٠٠ فجرًا >

طلعت من المسجد

ورحت لبيت عبدالله متجاهل كمية الإتصالات ، الإتصالات من أعمامي ومن أخوياي ما توقف أبدًا لذلك حطيته كتم ، كانت كل الأرقام مسجلة عندي إلا رقم واحد كان يتصل فيني ولا دريت من هو قلت يمكن واحد من أخوياي قال بيتصل برقم غريب علي وتجاهلته ، لكن الأرقام ظلت تتصل وأنا أناظرها منصدم ! وش فيهم ؟ معقولة أخوياي سألوا أعمامي عندي وقالوا لهم إني دخلت بيت راشد ؟ فالكل الحين منجن ويبيني أرد ؟ وأنا كنت تاكي بالسطح أحاول أطيح غيث ! فتحت سبيكر للرقم اللي ما كان مسجل وسمعت صوت بنت

" رد علي رد ! "

كان الصوت بعيد ثم قرب

" ألو ؟! فهد ؟؟ "

إبتسمت لما سمعت صوتها وقلت

" عهد ! "

ضحكت بخفة قبل تقول

" فهد ! وينك ؟! "

قلت

" جاي أنا ! إنتِ عند عمتي تهاني ؟ "

جاوبتني

" إي "

ثم كلمت عمتي تهاني

" تهاني قولي لهم فهد جاي عندهم الحين ! "

ورجعت لي وقالت

" وين كنت ؟ "

قلت

" عند صاحب قديم "

غيث لا هو صاحب ولا قديم ، لكن بعتبره صاحبي وقديم من الإبتدائية ما كذبت ! سكتت شوي .. وعبر بيننا صمت غريب ، هي ما تبي تقفل ولا تدري وش تقول وأنا نفس الكلام ! أخذت نفس عميق ، وبلعت ريقي وقلت

" عهد .. "

همهمت لي ، أستجمعت قوتي وأستهلكت كل خلية جراة وحياء فيني وقلت منزل راسي كأنها بتشوفني

" آسف لأني ما كنت موجود من البداية معك ، و .. أحبك "

قلتها وقفلت الخط بسرعة ! يا راسي لازم أطور علاقتي معها أحسني صرت ما أبي أشوفها مستحي منها ! أمنية حياتي أعيش في بيت لي وحدي ومحد يدخله غير أمي هاجر الله يرحمها وأختي عهد ! بيت بأسمي ما أستحي أنام فيه وأثقل على أحد ! ورغم ذلك ؟ مدين لعبدالله عمي مدين وجدًا ! هو أبوي .. ولا أعترف بشخص إسمه راشد بس أبي أفهم منه ! دامني تذكرت كل شيء بس أبي أفهم أسبابه ودوافعه ! وقفت قدام بيته ودخلته بدون تردد أدور عليه بالصالة وما حصلت غير عني يوسف اللي فز يوم شافني وجا لحد عندي وقال