إستعد ماجد للخروج من البيت ,كان ينوى ان يحاول معرفة ماذا حدث مع بدر بأى طريقة سيذهب أولا لبيتها ربما يراها وهى تدخل بيت اهلها وإن لم يراها سيذهب لسمر فتح باب الشقة وفوجئ بزياد امامه يقف بوجه غاضب وعيون تطلق الشرار نحوه ,تراجع ماجد للخلف وسأل بخوف: إيه فيه إيه؟
جيت أجيب لك باقى حسابك...
مش.. مش عايز ...
إقتربت زياد اكثر وأغلق الباب سأله ماجد: عايز منى إيه؟
كان زياد يشمر اكمامه وهو يتكلم ويقترب من ماجد ويقول: بقى إنت تخوض فى سيرة مراتى وتتهجم عليها .. واسيبك كده..
أنا... أنا محصلش و...
أمسكه زياد من ملابسه وزمجر بغضب:أنا هاكسر لك إيدك اللى لمستها دى...
أنا معملتش فها حاجة والله ماعملت حاجة .. مقدرتش عليها,,
ضربه زياد على وجهه بقوة فصرخ برعب: ملمستهاش والله ملمستها..
أغمض زياد عينيه براحة وهو يسمع هذا الاعتراف ,كان فى داخله بعض الشك والآن زال
, أمسك ماجد يقربه منه وقال: قول الحقيقة لأدبحك.. قول.. ,
إرتجف ماجد من الخوف امام غضب زياد وقال بصوت مرتعش: عمرى مالمستها .. ولاحتى أيام الخطوبة سمحت لى وبعد كتب الكتاب لما حاولت أبوسها إتخانقت معايا والله ده اللى حصل , كانت بترفض اى حاجة بيننا وتقول لى لما نتجوز ويتقفل علينا باب والله هى دى الحقيقة.
وليه كدبت علينا؟؟
كنت عايزك تطلقها علشان ترجع لى . مكانش عندى حل تانى غير كده.. أنا بأحبها ...
بكى ماجد فنظر له زياد بإحتقار وقال: إخرس.. إياك تجيب سيرتها تانى على لسانك القذر ده ولاتنطق إسمها بعد اللحظة دى ....
أمسك زياد يده وقبض بقوة على أصابعه وقال: إيدك اللى لمستها دى هاكسرها علشان تنسى بدر تماما وتفضل ذكرى مننا ليك لو حاولت بس تظهر قدامها تانى.
أدار زياد أصابع ماجد بقسوة وصرخ ماجد عندما كسرت أصابعه واكمل زياد: لو شفتك تانى مش بس صوابعك اللى هاتتكسر ؟؟ لأ انا هاخليك عاجز مدى الحياة .... ومش عجز حركة وبس أظن إنت فاهمنى ,, مش هاخليك تعرف تقرب من واحدة ست تانى...
إرتعب ماجد وامسك كفه وهو يتألم من أصابعه وقال: مش هاتشوفنى تانى ... مش هاتشوفنى تانى...
أخرج ماجد بعض النقود من جيبه وألقاها على ماجد وقال: باقى مرتبك .. وحقك عندى...
خرج زياد من الشقة وبكى ماجد بقهر وهو يقول: بدر ... بدر....
مر زياد على بدر فى المحل ليعودا للبيت معا ,كانت صامتة ولم تتكلم كثير وتساءل زياد هل عادت لخوفها مرة اخرى؟ فى البيت تحاشت النظر إليه وتناولو الطعام وقالت: انا هاشطب المطبخ وأنام...
VOCÊ ESTÁ LENDO
حكاية بدر
Romanceأصعب شئ أن تتعرض للخيانة من الشخص الذى تحبه ومن المقربين وقتها تفقد التوازن وتفقد أيضا الثقة بكل الناس والأكثر تفقد الثقة فى الحب فهل يمكن ان تستعيد بدر حياتها بعد تعرضها للخيانة .
