زئير النمر لا يقتل الفريسه..

55

هذا البارت نسخه ثانيه للي ما نزل عندهم بارت الامس..

رواية زئير النمر لا يقتل الفريسه..

للكاتبة (شـــــــــغف)..

ربما ذاك الزئير لا يقتل ، لكن قد يخلق ضعفًا وانهزامية عظمى داخل النفس ..يظل يتردّد صداه في المسامع..فيهزّ الأوتار ويؤلم أشد الإيلام !!
ربما الزئير يقتل طموحًا أو يُقوّي روحًا؟؟..

(ادعو لوالدي برحمه والمغفره)..

~\البارت الخامس والخمسون /~

..القرية..

شهاب يغلق كبكات ثوبه البني وهو يدخل الصاله و يهتف بتسال/هاه يا جده جاهزة نمشي؟؟..

الجدة نشميه قفت وهي تعدل عباتها على راسها/اي يامك جاهزه من اليوم احتريك هو انت ليل ونهار بس تروش لا يوقف قلبك من البرد..

شهاب ابتسم وعيناه تنظر الظبي التي تجلس وهي تحاشى النظر اليه من بعد حركته معها ليلة البارح..

هتف بخبث/وانتي يا جدة ماعندك شغله غير تحسبين ترويشاتي؟..

الجدة نشميه هتفت بعفويه/الله لا يشغلنا الا بطاعته وانا وش ابي فيك احسب لك؟..

شهاب بذات الخبث/مادري عنك تبين العرس ابشري عندي لك واحد توه داخل التسعين يعني رجل بالدنيا ورجل بالقبر..

الجدة نشميه مطت برقعها/وانا بنت عذال عنبو حيك ذا كلام تقوله لجدتك يا قليل التربيه؟..

الظبي ضعت كفها على شفتيها لتكتم صوت ضحكها
و شهاب منفجر بضحك وهو يقبل راس جدته..

ثم هتف معتذراً/حقك علي يا بنت عذال ذا مزح ولا انتي شيخة النسوان اصلاً شيوخ العرب تبطي ما حصلت عليك..

الجدة نشميه دفعته بعيد عنها بغيظ/اقول اذلف وراك بس شايفني بزر تمزح معي تبي اكوي لسانك عشان تثمن الكلمه قبل تقولها؟..

شهاب عاد وقبل راسها/العذر من الله ثم منك..

الجدة نشميه التفتت لظبي لترا وجهها احمر من الضحك زفرت عليها بحده/عاجبتك علوم رجلك وتضحكين بعد خلف الله علي بس..

الظبي تضحك بنعومة/انا وش دخلني تحطين حرتك فيني؟..

الجدة نشمية ذات الزفرة/اقول بس ماهو تقابلين قليل الخاتمه ذا و تغفلين عن جدك انتبهي له يمكن اجلس عند ابو شامخ ليلتين..

شهاب هتف بعتاب/افا يا جدة انا صرت قليل خاتمه وبعدين بدل ما توصينها على رجلها تقولين لا تقابلينه؟..

الجدة نشميه تتجه الباب بثقل/اقول امش وانت ساكت تاخرنا..

شهاب وجه انظاره لظبي ثم رمى عليها قبلة بالهوا وهو يبتسم و ياشر لها بكفه بمعنى مع السلامه..