👑العُــــــــــــمــــــــــدة👑

البارت 11💞

👑العمـــــــدة👑
♡..مجنــــون ليلـــى..♡

#11

سدات لباب من موراها وشافت فالدروج قبل تمشي خاص تعلم حورية بعدة طلعات مع الدروج ودخلات للدار كيف العادة حنان فايقة هي وراجلها محمد والفطور واجد فوق الطبلة
ليلى:صباح الخير عليكم
جاوبوها وهوما كيشوفو هاد اللوك الجديد لي دايرة اصلا ولفوها ماشي شي حاجة غريبة:صباح النور
بتاسمات ليهم:غا بريك هدا
حنان:وانا كنقول كيف دار طوال شعر وصبغتيه كاع
ليلى:لا صافي ما انعاودش نصبغو انخليه يرتاح
حنان:حسن ابنتي ماكاين ماحسن من الحاجة الطبيعية..جلسي تفطري
ليلى:فطرت اخالتي بغيت غير ندوي مع حورية
على كلامها دخلات لصالة حورية:هاني ياك لاباس مالك فايقة بكري اليوم كنحلو معطلين وشهاد الحالة على صباح فين اتمشي هادشي ماشي ديال الصالون
ليلى:بشوية عليا عندي مانقضي انمشي نشري داكشي لي محتاجين للصالون خاصنا مشاطي جداد وشلا تواشي ونيت نساوم لفوطوي للصالون لي قلت ليك
حورية:هي هزيتي من فلوس الصالون ياكي
ليلى:ومنين ايجيوني متلا خاص ضاروري نضورو بصالون ونقادوه انا ومليت منو لا حراك لكليانات
حورية قربات لعندها:الله يهيدك داك لفلوس انحتاجوهم من بعد بكر ماغايعجبوش هاد لبلان لي غديري هو بنفسو اكد اي حاجة كتخص صالون نقولوهالو
ليلى:وصافي احورية ما انبقاوش نطلبو منو ديما المهم هاني مشيت
مع الدورة كتلقاه واقف ومتكي على الحيط بصدرو لعاري وعلى كتافو لفوطة باش مسح وجهو ولابس غا شورط وكلاكيطا فرجليه ملاميحو كيبينو انه يلاه فايق من نعاس خاسر كان كيشوف فيها بهدوء كيطلع ويهبط فيها وفهاد الحالة لي صابحة بيها وسيرفيت مزيرة عليها.. كان سمع كاع كلامهم
ليلى كملات طريقها ودازت من حداه ونطقات بهدوء:صباح لخير ولد خالتي
فاتو بخطوات فتجاه لباب حتى كتحس بيه جرها من دراعها لعندو غمضات عنيها وهي كتسوط قربها ليه ودوة:واقلة دوينا فهدشي
ليلى:بكر طلق خليني نمشي
بكر شاف فيهم كيتفرجو فيهم:تحركي تجلسي نلبس عليا ونمشيو نقديو هاد الشغال انا وياك
ورخة منها على صوت حنان:جلس بعدة تفطر
بكر:من بعد
وشاف فليلى دوة وهو عاقد حواجبو وبصوت هادئ ولكن من النبرة ديالو تفهمها راه أمر:جلسي نهبط نلقاك هنا
يلاه اتجاوبو وهي تدوي حنان لي عارفة راسها شحال قاصح :الله يرضي عليك ابنتي اجي تجلسي
دوزات لسانها على شفايها وعضات عليهم دليل انه معصبة ومشات جلسات
بكر رمقها بنضرة ورجع اللور خارج من دار فتجاه الدروج باش يطلع لبيتو
غير شافتو مشا جمعات الوقفة وتمات خارجة كتجري ماداياهاش فحورية وحنان لي كيعيطو ليها ترجع
نزلات مع الدروج بخطوات مزروبين
هو سمعهم كيعيطو ليها ساط بالجهد قهم لبلان ورجع قبل يدخل للبيت ونزل مع الدروج تابعها خرج لبرة هكاك بصدرو العاري والشورط مامسوقش للناس لي برا شافها غادة بخطوات مزروبة
تمشى بشوية بكل هدوء وضار مع واحد الدورة كاينة تماك ختاصر الطريق
هي دورات وجها وتنهدات براحة فاش مالقاتوش تابعها نطقات وهي كتشوف راسها قربات لراس الدرب:مازال مابغة يفهم اني كندير غا لي فراسي
حتى كتشهق فاش خرج فوجها من واحد دريب كاين تماك حطات يديها على قلبها ماعرفاتش كيف دار وصل ليها
بكر قاطع عليها طريق وعنيه فعنيها:عرفتي شنو اليلى المشكلة اني عارف راسك شحال قاصح ولكن نتي ماعارفاش هاد الراس شحال قصح من راسك