👑العُــــــــــــمــــــــــدة👑

البارت 28💞

👑العمـــــــدة👑
♡..مجنــــون ليلـــى..♡
#تتمة 28
طاحت فالارض سخفاانة وقف فبلاصتو كيشوف فيهاا  ياسين:سير اخويا للدار نت ولبنات انا انتكلف بهادو ونسد لمحال ونلحق عليكم هز راسو باه حيت عارف راسو لابقة راه ايزطم ليها على راسها واخة سخفانة كون جات عليه تموت كاع ومازال ايتحاسب معاهاا...دور وجهو شاف فليلى وقرب ليها:واش لاباس نمشيو لطبيب هزات راسها باه:انا لاباس مايحتاجش خلينا نمشيو  هز راسو باه وخوا ليها الطريق باش الدوز  وتبعوها لبنات عاد تبعههم هوما نيشان للدار بقة ياسين كيشوف  فهداك لي طايح بدماياتو سخفان وهاديك لي طايحة سخفانة تاهي ياسين بتفكير:امممم باش نسهل عليا لقضية انجيب منشار ونقطع باباهم طراف طراف ونخبيهم فتلاجة وبليل نلوحهم فلغابة ضرب راسو بااخف:لاااا نقطعهم ونطحنهم فطحانة دلكفتة وندير شواية فراس الدرب ونشوي لولاد لحومة ياكلوو خمسة دراهم لنص خبزة ياك مولفين ياكلو كفتة دلكلاب لي كيبيعو لينا ويقولنا لحم لبقري ايوا  يجربو شوية لحم لبشار  رجع ضرب راسو بالخف:تانا مسالي مع كري مأترين عليا افلام لخلعة من نيتي كنخطط ولكن بالروجولة يجي معايا بطل فشي فلم دلخلعة بقة كيضحاك على راسو ورجع شاف فدوك الجوج...مشا للحمام لي كاين فصالون عمر سطل دلما مزيااان وقرب للشيفور خوااااه عليييه تاناض كيشهق  ياسين كيطل عليه:صباح لخير عمووو شحب لخااطر ااشيفور كيشوف فياسين عاد.كيستوعب شوقع  ياسين:نوض تكعد تقود حسن مانكمل على عموو بشي كرسيي للكمارة وهز معاك هاد المونيكة  غبرو ماتعاودوش تبانو فهاد الحومة  يلاااه تهززز لا نننن... ااشيفور ناض بصعوبة كيمسح وجهو من لما مخلط بالدم كيحس بالدوخة وراسو كيضرو وكاع جسمو مدكدك وكيتفكر داك القتلة لي كلة ولا باغي غايمشي بحالوو..رجع مسح على وجهو باش يتوكد وقرب لعند صوفي زعزعها مافاقتش  ياسين:اطط نجيب شي سطل اخور الاخت مازال مطولة هنايا  اولا تسنة تسنااا هز قرعة دلما كانت تمااك بااااردة مازال فيها التلج مادابش وخواه عليهاا ناضت مخلوعة كتشهق لما بارد بزاف تلشيفور:يلاه امادموزيل نمشيو بحالنا من لهنا ياسين كيشوفها مصدومة:راك فجهنام اختي تكعدي على سلامتك لباب قدامك  صوفي كتشوف فصالون مافيه تا واحد.كاين غير ياسين مازال مخلووعة :يلاه نمشيو يلاه  عاونها تنوض وخرجو من صالون ركبو فطموبيل ومشاو بحالهم  ياسين نفض يديه وخرج كيسد فلمحال تا شاف واحد لبنات دايزين وكيشوفو فيه غمزهم:شنو تما ازوينات وحدة فيهم:والو البوكوص وليتي خدام فصالون ههههه ضحك تاهو:ايه ازين اجي دخلي تجربي خدمتي يعجبك لحال نبداو بلمصاج ودوزو لحوايج خرين وغمزها ...بقاو كيضحكوو مولفين بيه نفس لبنت غمزاتو تاهي:دابة قارية تا نقادو وقيت ونجرب هاد المساج صيفط لها بوسة فلهوا:انا حاضر ناضر فاي وقت ومشاو وهو طلع للدار #يتبع_رأيكن ياسين في الخدمة 🤣

👑العمـــــــدة👑
♡..مجنــــون ليلـــى..♡
#29
فالدار كان جالس ومرجع راسو اللور وكيشوف فيها كيف ساكتة ويديها بجوج على حنيكاتها وغير كتشوف ما قالت تا كلمة وحورية كتعاود ليهم داكشي لي وقع 
حنان:الله يعطيها موصيية كيف فقصات ليا بنتي الله يعطيها فقصة فهاد النهار وعلاش هادشي كامل بغيت غير نعرف 
رقية:كون كنت تماك ونوريها لكلوشارة كيف دايرة بزاف عليها بنتي
كنزة:ماعرفتش علاش ماجففتيش بيها الارض شنو كنتي كتسناي كون من لول جمعتي معاها ماتزيد تقول تا كلمة
حورية:وراه دارت بحساب بكر كيخدم معاها خافت تخرج ليه على خدمتو
  رقية شافت فبكر:اه اولدي ياك ما دابة ادير ليك شي حاجة ويصدقو مخرجينك من لخدمة تاني
بكر مازال كيشوف فليلى:لا اخالتي ما عندها ما دير
وجمع الوقفة كيشوف فليلى:مأكدة راك لاباس شفتك غا ساكتة 
هزات راسها بلا:ماكاين والو غير ماعندي مانقول
هز راسو باه طلع لبيتو بدل عليه داك الحالة جا بحوايج لخدمة فاش صيفطات ليه صوفي ميساج كان خدام وعرفها ادير شي فضيحة تسنا تا جا صاحبو خدا بلاصتو  وجاا كون عرف ايوصلوو لهاد لمواصل كون سمح فكلشي وجاا مايخليهاش تطاول عليها ويمدو عليها يديهمم مسح على راسو ولبس تيشيرت اخور ومشااا توضااا باش يصلي وهو كيلعن الشيطاان حيت كيقولو واحد الراس سير تبعها تا لدااار وهرس ليها داك ليد لي طفات بيها لكارو على يد ليلى...سرح الصلاية فالارض وتخشع وبدا يصليي...الحاجة الوحيدة لي كتخليه يرتاااح   لتحت كتشوفهم كيهضرو وكيحاولو يواسيوها وكيقولو ليها انها حسن منها بألف درجة ...عيات صابرة ولكن هضرت صوفيا مازال كتحفر فيها عمر شي حد قالها داك لهضرة ونزل بيها لداك الدرجة ديما كتشوف راسها زوينة ومتميزة بزاف كتشوف راسها كتقن خدمتها لي كتحماق عليها من الصغر ديما كلشي كيشكرهااا وكيمدحو جمالها وفورمتها ولكليان كيبغيو خدمتها .. فداك اللحضة حسات براسها رخيصة بزاف  قدامها خصوصا من صوفي لي كانت تحلم تقاد ليها هي المكياج وتولي بحالها وتلبس بحالها وتمشا بحالها وتكون عندها فورمة بحالها ..كانت فان ديالها وكتعجبهااا...هضرتها هرساتها بزاف  وقفات حدا لمراية:واش بصاح انا حالتي حالة ومبهدلة وكنبان بحال شي كلوشارة  كان ايدخل ومن هضرتها وقف كينتصنت  كملات كلامها:كنبان كلوشارة ياك كان كيجيب لي بالي زوينة وكنعرف نهضر وانا لعكس ياكو لا خدمة مقادة لا قراية لا لغات كي ناس لا والو هي عندها الحق  كانو اينزلو دموعها وهي تحبسهم:انا غا بنت حي شعبي مسالي قبي كنحلم بزاف وهي فيقاتني 
حورية:شكا تقووولي واش هضرتها اتاتر عليك فين عمرك كنتي كتسوقي لهضرة لبشار من نيتك وحدة ماكانعرفوها ماكاتعرفنا اتخسر لينا نهارنا ولا كيفاش هديك مريضة فراسها ...ديك لعيشة لي عايشة هي كتسميها عيشة ...نتي راك حسن منها بالف درجة
هزات راسها بلا:لا هي عندها الحق شوفي حالتي كيف دايرة شعري هلكتو وحرقتو ووجهي كيف ولا وفورمتي ...عقلتي كيف كنت شحال هدا وشوفي كيف ولييت بقيت متبعة دوك لمشاهير دلانستاا ونسيت انهم هوما عندهم لفلوووس وكيشريو داكشي لغاليي لي يجي معاهم وانا غا كنخربق ..ماكانعرف لا نهضر لا نلبس لا والوو غا مدرمة ومتيقة راسييي هي عندها الحق
حنان:اويلي على البنت تسطات راه كنقولك هديك غا بغات تعصبك نتي راك غزااالة والف واحد يتمناااك وعندك كلياناتك كيحماقو على خدمتك