👑العُــــــــــــمــــــــــدة👑

البارت 22💞

👑العمـــــــدة👑
♡..مجنــــون ليلـــى..♡
#22

ليلى دورات وجها كتحس بشي حد كيقرب ليها شافت فيه وخنزرات..غمزها وقرب وهمس ليها وهو حاط يديه على خصرها:لعار ماديري الحل راني كنموت
رجعات اللور سيد سكران ماحملاتوش:بعد شكا دير
تبسم وحط يديه على كتافها تاني :نمرتك ازين
دفعاتو عاضة على سنانها :حيد يديك ولااا نقطعهم ليك
جرها من خصرها كيتلمس فيها ومع الزحام لصق فيها مزيان:مالك معصبة ازوينة

لفوق
ما كرهش ينقز من داك البالكون ويجي لتحت صافي لعافية شعلات فيه فهاد اللحضة ..شاف مع جنابو هز قرعة دكوكا دزاج صغيرة وكيشير من تمااك للتحت لداك خونا جاتوو نيشاان للراس.  كلشييي شهق فاش طاح فالارض بدماياتو..ليلى رجعات اللور حاطة يديها على فمهاا..شكون من غيروو..هزات راسهاا مالقتوش فلبالكون ادن راه هاابط يكمل ما بداا...خونا ناض من الارض ما فاهم والو وماعارفش الضربة منين جاتو دم نازل على وجهو وكيغوت:يااااا ولااااد لقح..... ااااااب شكون هاد القو... اااد لي ضربنيييي ييباااان
كانت حداه واحد الشلية زدحها مع الارض صعر من لمزيان ومارضااش جاو صحابو :شواقع
خونا صاعر:شيي ق... واد شير علياا بقرعة. وبااااااان غرونوها هاد الليلة
ليلى ولبنات ايموتو بلخلعة:الله ياربي صافي قو..  ادت
كنزة:ويلي ويليييي لمصاااااطر
جا ياسين كيجري:زيدو طلعووو تحركو
شداتو ليلى:خوك لي ضربوو..راه هااابط
ياسين فهم لبلان وقبل يدوي شافوو جاي عرف صافي اترون..
ياسين:رجعوو اللور..
شاف خوه هز شلية دلخشب جات قداموو..جاي جارها فالارض..خوا ليه ااطريق..وخوناا محيح ماراضيش يتضرب...
ياسين :هاااهو ماطلبتي غا المجود
.حتى كيشوفو نزل بيها على داك خونا زاد كمل علييه ولكن ما حكموش مزيان..بكر صورتو وهو كيحط يديه على خصرها وكيف كانت كتشطح وهو كيتعمد يقرب ليها كتجهلوو نزل علييه بالكروشي زادحوو فالارض بقا ضربة موور ضربة:يااا ولد لق...وادة ..ما تقربش لبناات النااااس...مااااتحطش يدك عليييهااااا....
صاحبوو جاا كيجري وفيديه جنوية قالبها لجيهة لحافيي بغة ينزل بيها على بكر غا يضهشرو باش يدوروه...كان ياسين واجد بواحد الكرسي..قبل يوصل لخوه نزل عليه بيها جابو فالارض طايح وتلاح كيضرب فيه تاهو:هوماا بجووج ونت ماااال دلمك ..اجيييي نتفاهموو
...دنياا تقلبات ولا شي كيضرب شي وشي كيفااك..ولاد الحومة مع صحاب لعريس...لعروسة كتبكي..ترون ليها العرس..

👑العمـــــــدة👑
♡..مجنــــون ليلـــى..♡
#23

دنياا تقلبات ولا شي كيضرب شي وشي كيفااك..ولاد الحومة مع صحاب لعريس...لعروسة كتبكي..ترون ليها العرس..
ليلى واقفة هي ولبنات وكيتفرجوو فهاد المضاربة..كتشوف داك خونا ولا شرويطة بين يدين بكر فرشخو مزياان..ماتنكرش عجبها فيه برد ليها قلبها كيفاش تجرأ يقيسهاا وعارفة شكا يتسناها من مور هدشي ايمنع عليها شي حاجة سميتها لعراسات ماشي غا شطيح فلعراسات هدشي وزيد زيد..شهقاات وهي كتشوف واحد من صحاب داك خونا كيتسلت بجنوية تحت منو فاتجاه بكر...غوتات ولكن ماتسمعش صوتها فهاد الصداع لي واقع..لقات واحد لقرعة قدامهااا..زربات عليها..وطارت بيها نيشان للراس قبل يوصل ليه تا سال الدم...ولكن ماحكماتوش..ضار لجيهتهاا صاااعر...رجعات اللور جاي لجيهتها.بدات كتقلب باش تزيد ضربو.المهم مامفاكاش ..يلاه ايخطي الخطوة اللولة ليها وهو يجرو من سمطة دسروال من اللور لعندوو ونزل عليه كيضرب فيه  عاد رجعات فيها الروح...ولا لي كيجي قدامو كينزل عليه...وهي ملي كتلقة الغفلة كتعاونهم وتنزل على شي واحد بشي ضربة باي حاجة جات قدامها..
العرس مابقاش عرس ولا ساحة معركة شي كيضرب فشي ولكراسا كاع تهرسو ولكيسان ..ولعريس مابقاش عريس تاهو محشي فالوسط كيتقاتل لعروسة دخلوها لداخل...
جاو شي دراري كيتجاراو تحنا واحد عند بكر:لبولييس فطريق
تهز كيقلب على خوه شافو هاز شلية وغادي بيها لعند واحد بنادم جرو من دراعوو:زيد قداامي
ياسين سمع نفس الشخص كيقولو البوليس فهم لبلان:واخة
بكر مخنزر وبلغوااات كيشوف فليلى:تحركوو
عرفو الليلة ليلتهم وايكمل بيهم فالدار
خرجوو من داك الخزانة مخلينها مرونة وطلعو للدار ...ليلى هاربة سبقاتهم طالعة كتجري عند خالتهاا ..غير دخلات تخشات وسط خالتها وراجلها:خالتيي ..عميي..عتقونييي ..
غير دخلات تخشات وسط خالتها وراجلها:خالتيي ..عميي..عتقونييي ..
داك ساع دخلات حورية وكنزة كيتجاراو تاهوما
كنزة:صافي رتاحيتييي ها هو العرس ترون بسبابك وغنمشيو فرجلين تاحنا معاك
ليلى يلاه أتجاوبها وهي تشوفو داخل كي شي عجاجة وموراه ياسين
حنان مافاهمة والو هي ومحمد:دابة شواقع اويلي مالكم
بكر مشا نيشان قاصدها وبلغوات قبل يوصل ليها:كديري غا لي فراااسك
ليلى تخبات مور ضهر حنان ولصقات فيها :عمي محمد قولو يبعد منيي وما سوقوش فيا
محمد كيشوف فولدو:مالك عوتاني مع البنت
بكر مسح على راسو معصب باغي يوصل ليها باغي يبرد فيها هاد لعافية لي فيه مازال ما طفات هضر وهو عاض على سنانو :راه مامفاكش معاك اليلى ومايفكني منك غا مولانااا
ليلى مأمنة راسها مخبية ومايقدش يوصل ليها وهي وسط مو وباه-:ماشي سوقك فيا كنت قادة براسي ونوقف داك الحيوان عند حدو نت لي عزيز عليك اامشاكل وكطير رونتي عرس الناس وقلبتيه مطايفة دير خير فراسك وماتبقاش تدخل فيا ..راك ما راجلي ما خويا..ما بَّا
بكر  علا حاجبو عاض على سنانو زادت لعبات ليه على الاعصاب ومازال زايدة فيه خلاتو غير كيشوف فيها بلا تاشي ردة فعل من غير داك لغليان لي كيغليه دمو ملداخل ..ماكاينش لي غيخرج عليها من غير فمها وكلامها وراسها لقاصح..وهو ماكايصبرش لهاد قصوحية الراس. وديما يديه سابقاه يا معاها يا مع خوتاتو لوخرين دابة كبرو مابقاوش قد الضرب ولكن هوما لي كيخرجوه على طوعو وليلى اكتر وحدة فيهم كياكلها لحمها..كان بامكانها تبرد معاه وتحل لمشكل معاه بلا ماتجهلو غا بجوج كلمات بالعقل تبردو وتسلك راسها هاهي دابة زادت زنداتو ادن تحمل لي ايجيها