بعد العشا مباشرة
حميد: وين نسير ؟
سارة: الميلس الثاني هادي نسير هناك
حميد: خلاص اسبقيني، انا بسير السيارة بيب الكتب
سارة: تمام.. يلا عواش وحمد سرنا
حمد: أنا أموري طيبة الحمد لله.. لكن بيلس وياكم
سارة: يوم انك فاهم المنهج ما شاء الله ليش ماتشرح لاخوك ؟
حمد: انتي تعرفينه.. المعلومة مايستوعبها الا منج.. من يوم نحن صغار احاول اشرحله مايستوعب علي
سارة بمزاح : طبعًا.. لأني أنا غير وأسلوبي غير فكل شي
ام مايد: مداح نفسه يباله رفسه.. سيري داخل وانتي ساكته
سارة قامت: كله تكسر مياديفي الوالده
********************************
دخل حميد الميلس وعنده كتاب الفيزياء والرياضيات.. بدت سارة تشرح له واندمجو فالمسائل.. اما حمد وعاشه كان عندهم نقاش ثاني
حمد: شو تقرين من كتب حاليًا ؟
عاشه: حاليًا اقرا رواية سجن وحديقة
حمد: للكاتبة علياء الكاظمي ؟
عاشة: نعم، وايد احب رواياتها وطريقتها بالسرد جميلة
حمد: ماقد قريتلها شي
عاشه ابتسمت: ايبلك كتبها ؟ بتجرب تقرالها
حمد بابتسامة: لو مافيها كلافة
عاشه: ولا يهمك الجمعة الياية بيبلك روايتين
حمد: خليها رواية وحدة.. اساسا ماشي وقت حق روايتين.. لو بغيت زياده بخبرج
عاشه: ان شاء الله
بعد أربعين دقيقة
سارة بتعب: ها حميد استوعبت ؟
حميد: نعم الحمد لله... تسلمين يابنت الخال ماقصرتي
سارة: قهوتي وين؟
حميد: لازم ؟
سارة بتهديد: والله بضربك بالكتاب لو مانشيت الحين احنا عندنا اتفاق
حميد: خلاص خلاص قمت
حمد يضحك: انا بسير بدالك لو متعايز
حميد: بتسوي خير
حمد: نسير الصالة عيل.. نشوفهم يمكن يبون شي
***********************************
في الصالة
حمد: حد فخاطره شي ؟ بسير ستاربكس
الكل شكره لانه محد يبا شي
حمد: عاشه شو بخاطرج ؟
عاشه باحراج: لا تكلف على عمرك
حمد: أفا عليج قولي.. انا ماعرف شو تحبين
عاشة: ايس ماتشا لاتيه تو بومب اوف وايت موكا
حميد: كيف تشربون ماتشا؟ احسها حنة
حمد: ياخي الناس أذواق
عاشه: بالعكس الماتشا حلوة.. بس لازم تطلب صح
حميد: حشى مافكر أجربها أساسًا
حمد: برايك لا تجربها.. يلا انا ساير
العمة شيخة: بحفظ الرحمن دير بالك حبيبي
حمد: ان شاء الله
مايد: يدي ويدتيه.. بما انه الجو قام يحلّو.. شرايكم اليمعه الياية قعدتنا في المزرعة ؟
اليد: اللي تشوفه يا وليدي
مايد: انا علي المشاوي عيل
ام مايد: اصبر اميه.. بنتشاور احنا الحريم فالقروب وبنرد عليكم خبر
أم محمد: نعم عشان يكون في تنويع بالأطباق
أم سعيد: اشتقنا لقعدات المزرعة.. زين انه الجو بدا يتعدل
محمد: شباب شرايكم نرقد فالمزرعه؟
مايد: انا مابيكون عندي دوام فبرقد عادي
سعيد: فوقه نحتاج تغيير جو
راشد: وانا بعد ماعندي شي
العمة موزة: عادي نخرب مخططاتكم ونرقد نحن بعد ؟
مايد يضحك: افا عليج عموه.. اكيد عادي بس اظن الكبار مابيرقدون ويانا كالعاده
ام سعيد: هيه نعم انا ماعرف ارقد الا فبيتي
ام مايد وام محمد أيدوها الراي
العمة شيخة: انا هالمرة برقد وياكم... ودي أغير جو
سعيد: عيل السهرة بتكون نار وشرار
العمة شيخة تغمز: طبعًا أكييييد
