لاتزعل الدنيا ولا تزعلك يالظبي العفر ان كان ما جازت لك الدنيا ندور غيرها

"٢١"

بسمه :كريه!
حلا :سارقين من حلاله شي وانا مادري؟
غاليه :احسه صاير مايبلعك
حلا :الحين انتهت حياتي الطعس مايحبني وايييي بتذبحوني
بدور بتقليد لصوتها : هادي حيل هادي
حلا تأففت وهم ماسكين عليها الكلمه هذي وابلشوها فيها
أما بالنسبه لحِصه متعجبه منهم وماتحصل نفس هالمواقف عندهم والاكثر عجب قوتهم وكيف كل وحده ترد ولا عليها من اي احد !!

" فوق بالممر "
تنهدت ورد براحه من دخل بدر ونيّاف واخوانها داخل ،، وطول الوقت كانت تلمحه منتبه لها ووقت جاب لهم عصير كيف عطاها واخوانها موجودين وكيف خذته ويدها ترجف ووقت نزلت هي ولحقها لين خلصت وجابت الماء وهي عارفه انه واقف بعيد لكن سوت نفسها ماشافته وطلعت ودقايق دخل هو وراها ،، والحاصل بدر كان يبي يتطمن وهو عارف المستشفى فيه غيرهم ومايضمن تجلس بالاصنصير لحالها او تحت فيه عمال وشباب !
انتبهت لقروب المصحه اللي صوتهم واصل قبلهم ومن توترها ضمت غاليه بسرعه رغم ان علاقتها بالمصحه موب بهذاك العُمق لكن من قوة شعورها وخجلها وفرحتها صارت محتاجه احد يلمها ،، ابتعدت بترقيع :حمدلله نجحت العمليه
حلا :وهي ناجحه ان شاءالله مافكرنا غير جذي شي حمدلله
بسمه :فعلًا اسهل عمليه وماعليها شر يابعد قلبي هي
حِصه :بنات اخوانها جوا لاتدخلون
حلا :عادي نسلم ونطلع
حِصه :لا ابي ادخل معكم ما اقدر موب متع..
قطعت كلامها من طلع مسلط وهي تنزل يدها تخفيها وطلع نيّاف ينزل شماغه على كتوفه بتعب ، غاليه :هني حلاوه صج قولي واييي شايفه الإشكال؟؟!
حلا :كل العالم حلوين بنظري الا هادي القرد عساه يطيح على وجهه
غاليه شافته جاي للعيال وسمع حلا ووجه مايبين تعابيره :لايق عليك حلاوه عصبي وحلو
حلا ماشافته :تخسين انتي وهو
هادي ماشي للعيال وهو مبتسم بتعجب من الكلام إللي يسمعه وانقطع صوتهم من اقترب للعيال ومسعود جالس يسار بالكراسي ينتظر صالح يطلع من عند اخته ويضحك منهم وعليهم وماهمه شي اذا سمعوا او لا وزادت ضحكته من لف هادي عليه رافع حواجبه مستنكر كل شي، مسلط كتم ابتسامته وهو حس انه فهم :تطلع معي ؟
هادي :لا بروح للاستراحة أجهز اغراضي وراي خط للديره
كانوا يسولفون ومرو قروب المصحه بعجله واولهم حلا اللي شافت هادي ومتنرفزه منه ومن استحقاره لهم ؟
عطاهم ظهره مسلط لانه انتبه لحِصه واكيد اللي معها ورد وخجلانين من وقوفهم عند الباب ، ابتعد نيّاف يجلس على الكراسي واجلسوا حوله
ودخلوا البنات على ضحكة بدر يسولف مع البندري
ورد شتت انظارها من ناظر دخولهم اللي فاجئه ومن طاحت عينه عليها هي أول شي !
وانتبهت لابتسامة البندري ومن نزّل يكلمها بصوت خفيف واستأذن وطلع ، غمضت تهدي من نفسها وجلست مع البنات تحاول تخفي توترها ..
ديما : ما انتي صاحيه حملتي ماتدرين عن نفسك
غاليه :ولا تاكل موانع مرتبتهم اكثر من الفيتامينات!
البندري ضحكت بخفه :عادي الدكتوره تقول ماله دخل بس شكلي ركضت او اكلت اكل مايناسب الحوامل
بسمه :الحمدلله عدت العوض بعد التخرج
ابتسمت البندري وهي تلف على حِصه : ما اتصلت الجادل
حلا :ارسلت بالقروب جايه
البندري :يلا اجلسوا تقهوو وش موقفكم ..