تذكار البارت السابق
آيسل : دخلت للقسم وجان انصدم ب نَيار بت خالتي كاعده بنفس القاعه مالتي
هاي منو إني اكول الكليه منوره اليوم طلعت نَيار زايرتنه اليوم
نَيار :هلا بيج حبيبتي شلونج شخبارج مشتاقتلج والله منوره بوجوودج يروحي
آيسل :الحمد الله بخير ع الله
وكعدنه نسولف وسألتها ع خالتي الي هيه امها وهيه هم سألتني
شنو نَيار راح داومين بهاي القاعه؟
نَيار :ي والله طلع اسمي هنا همزين انتي موجوده والله جنت شايله هم شلون راح اكون صداقات وانتي تعرفين بت خالتج شلونها كلشي ولا صداقات اموت منهن
آيسل :ي والله همزين حطونه بنفس القاعه والله صدكين واني هم فد جننت طاكه روحي محد وياي ولا اعرف احد هنا شوي واجه الدكتور وتولينه المحاضرات وحده وره الثانيه طبعاً كله إني و نَيار ابد ولا تعرفنه ع احد احنه دومنه هيج من الابتدائية إني وياها كله سويه ههههههه
تالي هيه اجه عليها الخط مالتها واني همات اجه الخط مالتي رجعت للبيت
أم آيسل :هلا هلا يمه بسورها ونورها يمه شلونج اليوم
آيسل :هلا حبيبتي الحمد الله بخير يمه قبل كلشي ترا ميته جوع شنو مسويه غده
أم آيسل :يمه خسى الجوع يبعد هلي مسويتلج شلون مطبك دجاج ادري بيج تحبي
آيسل :رحت عليها اكرص بخدودها يمه رحتلج فدوه تعرفيني احبه من ايدج وضليت ابوس بيها
أم آيسل : يلا يمه روحي غسلي وبدلي وتعاي تلكين الغده جاهز وصيحي وياج مرام تجي ساعدني
آيسل :تمام رايحه
طلعت من المطبخ رحت ع غرفه مرام طبعاً مرام غرفتها بالطابق الثاني انه اوكف ع اول بايه بالدرج واصيح عليها
مرام مرام وج مرام وصمخ وينج
عطت بكل صوتي لج مريوه وطرش وينج تعاي امي صيحج
مرام :طبعاً جنت جاي اسبح شوي وسمعت صوت آيسل صيحني عرفت بيها اجت وفنها تصعد وصيحي لا اله تخبص البيت خبص بصوتها طبعاً آيسل هيه روح البيت صح دخلت كليه بس ولا تعقل هههههه
هاااا هاااا هاااا بعد ماعندج أعلى من هل صوت جنت اسبح الله واكبر حسره عليه اسبح
آيسل :وجع شمدريني بيج المهم روحي امي صيحج صبن غده مو ميته جوع
مرام :حقج ماتدرين بيه هوه انتي صعدتي لا
آيسل :هسه المهم روحي عود بعدين احجي
راحت مرام طبعاً مرام بالبيت بدون حجاب لان اصلاً احنه ماعدنه ولد بالبيت بس ابوي واخوي كرار الي هوه زوجها ل مرام
رحت للغرفه بدلت ملابسي وصليت ورحت لكيتهم صابين غده تغدينه خلصنه وكل العاده غسلنه المواعين انه ومرام نوب رجعت للغرفه شفت شكو ماكو راسلت صديقاتي و نيار ونمت لان كلش تعبت اليوم احنه الكليات دوامنه من ال 7 ل 3 ف كلش تعبت
نمت واجتي مرام كعدتني كالت انو كرار كال صارلنه فتره ماطالعين نروح نتعشه بمطعم و نوب نروح للمول لان اني و مرام ناقصنه كم شغله
