مشهد من البارت السابق
........................................................
رحت للكليه دخلت والكه كبالي اخر بشر اتوقعه ينتضرني
........................................................
اجه يمشي بأتجاهي واني واكفه مصدومه ماكدرت انطق بأي كلمه ولا احرك ايد ولا رجل
كالعاده يبتسم ابتسامته الخبيثه، وكف كبالي شافني ساكته و مصدومه اخيراً نطق و كال
- آيسل Surprise (مفاجأة) موووو هههههههههههه
ضحك ضحكته المستفزه
حسيت عيوني غوشت وصارت الدنيا سوده وكعت و بعد ماحسيت ب شي
........................................................
"نَيار"
جنت انتضر آيسل تجي بس تأخرت اتصلت بيها اكثر من مره و متجاوبني شفت صديقتي شمس اجت تلهث وتحجي بصعوبه لان جانت تركض كالت
- نَياررر ولجج لحكي آيسلل
نَيار :- شنوو شبيها آيسلل احجي شمسس شكو شصاير
- ماعرف بالبوابه فقدت الوعي لحكي عليها ولج الطلاب يصحوها و متكعد و حسام موجود
جنت مصدومه بس نصدمت اكثر من سمعت شمس تكول حسام رحت اركض للبوابه لكيت الناس ملتمه عليها صحت بصوت عالي علمود يبعدون واشوفها دخلت بينهم والكه آيسل بحضن حسام عطت بوجهه
من الخوف ماعرف شحجي كمت اخرط
- حساممم منو سمحلك تلمسهه وخرر شجابك انتَ بسببك اكيد وكعت بسببك
حسام :- نَيارر موو وكتهااا تسوين مشكله هسهه خليني اخذهااا للمستشفى مدتصحهه
صدك الوضع مو مال اسوي مشكله خليته يشيلها و اخذها لسيارته واني وياهم اخذنه للمستشفى بسرعه نزلنه من سياره شال آيسل و دخلنه كام يعيط بصوت
حسام :- يمعودينن تعالوو عدنه مريضه فاقده الوعي و ماتصحهه وينكممممم
اجه دكتور علينه بسرعه كال ناخذهه لغرفه رحنه و اجت دكتوره شافتها كالت ضغطها هابط و مماكله شي لهذا سبب تخربطت
حسام راح يجيب الها اكل ويجي شوي وصحت آيسل تصيح بأسم حسام
رحت عليها وحجيت
- آيسل حبيبتي خوفتيني عليج ولجج
آيسل :- شفتهه نَيار رجعع
- اششش حبيبتي لاتفكرين هسه كايمه اجيبلج اكل علمود تكومين على حيلج ليش مماكله احسلج تخربطتي هسه
جاي افتح الباب وصار حسام بوجهي حجيت بهمس
- حسام فدوه لاتدخل لتخليها تشوفك كافي الي صار بيها انطيني الاكل و هاي فلوسه اني و آيسل ارجع بتكسي
- نَيار شلو....
مخليته يكمل كتله
- حسام آيسل تعبانه لتخليها تشوفك رجاءً كافي الي سويته بيهه
