-يامن يشتغل ويه عصابه و همه شغلتهم ويه اخوانج مو وياج بس يهددونهم بيج ويردون يورطون أصهب و عمر
فتحت عيوني و عطت ب صوت عالي
- شنووووووو
بسرعه حط ايده على حلكي و كال
علي:- اسكتي فضيحه صوجي اني حجيتلج
مروه:- مو قصدي اعيط بس خفت و نصدمت يعني اخواني متورطين ويه عصابه
باوعتله و حجيت و الدموع بعيوني
- يعني أصهب و عمر عليهم خطر حباب احجي علي لتضم عليه شي
نزل راسه و كال
علي:-شي اكيد عليهم خطر بس راح تنحل سالفه مروه لايضل بالج تدخل بالسالفه اكثر من شخص و راح تنحل قريباً
-علي انت تحجيلي هيج علمود متخوفني على اخواني الله عليك احجي الصدك
علي:- لج بابا والله راح تنحل السالفه كتلج دخل بيها اكثر من شخص و واثقين يحلوها بس انتي لتخافين ولتحطين بالج حبيبي
ردت احجي و سمعت صوت الباب انفتح ثنينه باوعنه باتجاه الباب و شفنه خالد واكف بالباب و مبين نعس على عيونه
خالد:- هاي شعدكم كاعدين لهسه مروه ليش منايمه ولج
رحت وكفت كباله و حجيت
- شسوي يعني اذا مايجيني نوم اكعد بس اتكلب ب فراشي نوب جعت نزلت اكل و شفت علي هنا كعدنه نسولف
خالد :- روحي نامي يلا بعد ماكو كعده لهيج وقت اخر مره لمره الثانيه اكول ل اصهب
مروه :- لا لا كلشي ولا اصهب حباب هاي اني رايحه انام
صعدت لغرفتي نمت كعدت ثاني يوم
اتمغط بفراشي مثل الاطفال ههه و نشيطه اخذت تراك اسود نص ردان و دخلت للحمام سبحت و نشفت شعري سويت ضفيره حطيت مرطب شفه و طلعت من غرفتي وكفت بالباب حجيت
: لج شلون نسيت علي هنا، لا هوه ع اساس يطلع الفجر، يبو دخت هسه شسوي
رحت باوعت من فوك على الصاله مالكيت احد كلت اكيد رايح و خالد راح للدوام نزلت جاي ادخل للمطبخ و شفت اصهب طلع بوجهي
: اسم الله خرعتنيي اصهب
أصهب :- هاييي منوو مرمر مشتاقلج ولج صار شكد مشايفج وين غاطه
مروه :- هوه اني الغاطه لو انت اربعه و عشرين ساعه بره البيت ماتكول عندي اخت اهل اجي اشوفهم، لمهم ترا حتى اني مشتاقلك هواي
ضحك و حضني قوي صرخت
مروه :- يمهههه ماكدر اتنفس كسرت عضامي خرب يومك وخررر
ضحك بصوت عالي و ابتعد عني
أصهب :- غير مشتاقلج مرمر
تخصرت وحجيت :-
