الصبح انتضر الخط يجيني
آيسل :وصلت القسم لكيت نَيار
لككك هلا حبيبي صباح الخير
نيار :صباح النور هلا يروحي شلونج شخبارج
آيسل :الحمد الله ع الله
اجه الدكتور وكل العاده تولينه المحاضرات وحده وره الثانيه يبوووووو ولكم طكت روحي ابطل احسن شو محد كلي الكليه هيج توقعت اخلص من السادس اجتلي الكليه
نَيار :اسمع آيسل واني ميته ضحك عليها لج اشش تخزينه من وراج هسه شيكولون علينه خرب يومج ع هل صوت
آيسل :بلا لونه ماسكتين غير متت هسه هذا ابو الخط اله يجي ب 3 حضرة جنابه
نَيار :ياعيني غير عنده طالبات قابل بس انتي
آيسل :خيه بلا ماسكتين، متتت راح اخابر بابا يجي عليه احسن من هذا
خابرت ع بابا حتى يجي ياخذني لان احنه نخلص ب 12 واكو بنات وياي بالخط ب 3 يلا يخلصن نَيار اخوها يجي عليها يعني اضل وحدي
يلا حبيبي لونه اني راح اروح
نَيار :تمام يروحي واني اخوي اجه عليه اشوفج باجر
آيسل :راح نَيار واني اجه عليه بابا و رجعت للبيت وهاي صار شهر من مداومه وماكو شي جديد بحياتي غير اروح للكليه وارجع و ماعندي اي صداقات غير بت خالتي نَيار ماعدا الي وياي بالقسم فقط زملاء و بهل شهر يمكن لو يسون مسابقه ل أكثر طلاب يمشون بالكليه ناخذها احنه هههههههههه نكضيها مشي وين نروح
بيوم جنت راجعه من الكليه لكيت بيت عمي ابو سراج يمنه طبعاً اني وسراج نفس الكليه ونفس القسم سراج يختلف عن ابوو كلش منفتح
طبيت سلمت عليهم جنت لابسه قميص فوك الركبه بشوي ابيض و بنطرون جينز و شال بيجي وجنطه بلون الشال وحذاء ترانشوز ابيض اشوف الكل عيونها عليه يووو شعليه بيهم اجتي مرت اخوي مرام
مرام :هلا ام السوس حبيبي شلون يومج اليوم
آيسل :هلا مراري الحمد الله بخير
مروش شبيهم هذول هيج يباوعون
مرام :حياتي آيسل روحي بدلي وتعاي انتي تعبانه تقربت منها همست الها لج روحي وستري علينه هذول معقدين شفتي شلون يباوعون عليج
آيسل :واني شعليه بيهم اهم شي بابا و اخوي قابلين شعلينه بيهم اووي معقدين طبعاً اهل بابا كلهم معقدين بس بابا بيهم مخلينه براحتتنه
صعدت فوك لبس فستان ابيض بي ورد احمر ولبست شال احمر و حطيت مكياج خفيف يعني طلعت اشق شق هههههههه كلش اليوم اخليهم يشوفون التعقيد ع أصوله اباوع لنفسي بالمرايه اخخخخخخخخخخ لج شنو هل جمال سبحت سبح بالعطر وأخذت فوني ونزلت اجتي مرام
مرام :لج آيسل كتلج بدلي مو هيج شوفي هسه انه شنو لابسه ليش مالبستي مثلي مو عدنه نفس الفساتين تعرفين عمو ميقبل هيج نطلع كبالهم
