" تطري علي واشتاق لك واتخيلك..وانسى منامي والتهي في خيالك 💙🥀'جزء 2'

"...64..."

64
/لُطفاً لايك قبل القراءه لجهودي وشكراً./
.
.
.
.
.
.
.
.
.
.
.
.
.
.
.
.
تفاءل وانسَ همّـكَ يا رفيقي..
فــفي الآمــالِ مُتّسـعٌ لنبقــى..

خُلِقنا كـي نرى الدّنيــا جمـالاً..
ولم نُخلقْ لكي نأسى ونشقى..

فربّــكَ حيــنَ يأذنُ بالعطايــا..
سيُــرسِلها إليكَ تُســاقُ سَوقا"..

«»«»«»«»«»«»«»«»«••«»«»«»«»«»«»«»«»«»«

توهم داخلين عليه الي كان منسدح وبس عيونه ع السقف وتفكيره بمكان الله اعلم وينه..

ناضرهم وابتسم.
ابو زاهر الي توجه لعنده: كيف حاس الحين؟
يامن: الحمد لله.
ابو زاهر: ليه كذبت علينا؟ وقلت زكمه!
يامن: ماكنت اعرف نوع مرضي ياعمي اعذرني..قلت اتأكد بعدين يصير خير.
ابو زاهر: الله يهديك يايامن..لو ان احد غيري كان ماسئل عنك حتى..بس غلاتك بقلبي كبيره..ومافي اب يضل زعلان من ولده.
ابتسم يامن بعاطفيه: مشكور ياعمي..محد يهون علي غيرك.
زاهر: افاا وانا وين رحت؟
ضحك يامن: وسط القلب وحشاه.

قطع كلامهم الي توه داخل الغرفه..ووراه ايمن.
يامن: هلا يبه.
ابو طلال الي شاف زاهر وابو زاهر وبحكم انه يعرفهم من قبل للشغل بالشركه وكذا سلم عليهم ورجع يطمن على يامن: انت بخير الحين؟
يامن: الحمد لله.
ابو طلال: شفت هذا كله بسبب قلة الاكل يافالح..اعلمك بس ترجع البيت.
ضحك يامن: والله يايبه مو لذي الدرجه.
ابو طلال قعد على كرسي منفرد وايمن الي رجع يحط الدواء بالمغذيه ورا ابو طلال: اصحى بخير ومعليك..بدخلك المشفى مره ثانيه..وبعدين..(دق ايمن بضهره بمزح) ماعليك خوف دامك تحت اشرراف اخوك..وبيسوي لنا خصم بعد.
ضحكو..

لف ايمن بعد ماحط الدواء وطلع من الغرفه.
الكل لاحظ جوهم مع انهم توقعوهم تصالحو..
ابو زاهر لف لزاهر واشر له على شي.
زاهر فهم: ياجماعه حنا لازم نمشي.
استغرب يامن: توكم واصلين!
زاهر ابتسم: معليه تدري رهف بالبيت لحالها..وقسم لتعلنا لعن اذا تأخرنا وانت تعرفها.
ضحك يامن لطاري رهف: اي والله اعرفها..بس ع الاقل روح انت وخل عمي يقعد.
ابو زاهر: عندي شوي شغل بالشركه يايامن بزورك بلليل لاتحاتي.
يامن تنهد: دام ان عندك شغل مابكون شوكه بالحلق..على راحتكم.

ابتسم ابو زاهر وطلع مع ولده من الغرفه ومن المشفى كله مايبو يشحنو الجو اكثر.
زاهر: يبه وش السالفه ليه خليتني اكذب عليهم!
ابو زاهر الي توه داخل السياره: ماتشوف انه وقت مناسب عشان يتصالحو.
زاهر: ايمن؟
ابو زاهر: اكيد..لو بقينا احنا بنعقد الامور اكثر..خلهم يتصالحو وبعدين تتهون.
زاهر: زين.

وفعلاً راحو..

"بجهه ثانيه"

ابو طلال ناضره: من ذي رهف؟
يامن ابتسم: بنت ابو زاهر..وبصراحه يايبه انا حاط عيني عليها.
ابو طلال ضحك: والله وانشلع القلب.
يامن: ههههه لا والله..صح كلها هواشات بس احس محد دخل قلبي غيرها.
ابو طلال مسح على شعر يامن: اطلع الحين من المستشفى بخير وابشر مايصير خاطرك إلا طيب وانا ابوك.
ابتسم يامن: يبه.
ابو طلال: هلا.
يامن عقد حواجبه بحزن: وش وضع ايمن الحين!
ابو طلال: مدري..حاولت معاه بس فعلاً ماعرفت وش وضعه.
يامن: مانقدر نتصالح يعني!
ابو طلال: اكيد وبتتصالحو ماهو برضاكم ترا..بس بنشوف ايمن هذا لوين بيوصل موضوعه.
يامن: علي نذر يايبه.
استغرب ابو زاهر: خير نذر وش؟
يامن: نذرت على نفسي مااطلع من المستشفى إلا وعلاقتي مع اخوي سمن على عسل.
ابتسم ابو طلال: نِعم القرار.