" تطري علي واشتاق لك واتخيلك..وانسى منامي والتهي في خيالك 💙🥀'جزء 2'

"... 65..."

65..

/لُطفاً لايك قبل القراءه لجهودي وشكراً/
.
.
.
.
.
.
.
.
.
.
.
.

-
‏قالوا: سيُنسيكَ الزَّمان صِباها..
ويجفُّ منِ طولِ الفراقِ  ودادُ..

مرَّ  الزَّمانُ .. وبات قلبي كلَّما..
ذُكروا يقول: هل  الزَّمان يُعادُ؟..

مرَّ الزَّمانُ .. وما  تغيَّر  عهدُنا..
العمرُ ينقصُ .. والهوى  يزدادُ..

يعتادُ قلبي كلَّ شيءٍ بعدها..
إلَّا  على  النِّسيان .. لا  يعتادُ..

»«»«»«»«»«»«»«»«»«»«»«»«»«»«••«»«»«»«»«»«»»»«»«»«»«»«»«»»

وصلو العساكر وحطو الكيس الي لاقوه بيد المحقق الي بدوره ناضر يزن باشمئزاز: خذوه..
ماسمو بالله يمسكوه إلا صقر الي وقف قدام اخوه معصب يناضر المحقق: اخوي مستحيل يسويها!!
المحقق الي رفع الكيس: زين وش تسمي ذا!
صقر انلجم مصدوم وهنا تذكر رسالة ام رواد الي مافهم مغزاها وتوه يفهمها..وعرف ان يزن هو الي اخذ الغرض هذا ووقع وقعة اخوه..

يزن الي ناضر صقر وحط يده على كتفه وهمس بااذنه: شايف لما تعلق مع اشخاص سوء وش يصير بالاخير!

وهنا العساكر الي مسكوه واخذوه..وصقر واقف مكانه مايدري وش يسوي..اخوه تورط بسببه بسبب طيشه..بياخذ العقوبه الي المفروض صقر ياخذها ماهو يزن الي ماله اي ذنب..يزن الي يبي يحمي اخوه حتى لو انجبر ياكل العقاب بدال صقر.

______________••______________

قاعده ع الكنب تناضر الشاشه والريموت بيدها..
عكس ام فهد الي وراها وقاعده تضحك عليها..على كل لقطه بالمسلسل لازم تعلق..

رغد: اوففف شفيه ذا مايروح يعلمها وخلاص..بالله وش منتضر!؟
ام فهد الي توها تقعد جنبها: هههههههههههه اعرف الحوامل ماعندهم صبر بس انتي تجاوزتي هذي المرحله..
رغد الي ناضرتها بمزح: خالتي تطقطقي علي الحين؟ بالله مايكفيني ولدك على اتفه سبب يقعد يطقطق مفكرني واحد من اخوياه؟
ضحكت ام فهد: هههههههههههههههههههه اجل راكان سوا الي عليه وزياده بعد..
رغد بنبرة زعل: خاالتتيييي..
ام فهد: ههههه خلاص خلاص ماينمزح معاكِ انتي..إلا بسئلك وين راكان؟ زمان عنه.
رغد الي ردت تناضر المسلسل: ادق عليه مايرد مدري شعنده.
ام فهد: خير ان شاء الله.

رغد الي ناضرت ام فهد: وين روعه؟
ام فهد: بغرفتها.
رغد: فهد عندها؟
ماكملت كلامها إلا بفهد الي توه داخل الصاله ومعاه مناف الي حطه راكان عنده: مساء الخير.
ام فهد ابتسمت: مساء النور.
فهد الي توجه ل امه وباس راسها ومناف بس عيونه عليهم: عسى هالصوت مايفارق هالبيت.
ابتسمت: تعشيت يمه؟
فهد: لا والله لسى.......

رغد بطفش الي عيونها ع الشاشه: اوفففف..
فهد بنص عين: خير شفيها ذي تنافخ؟ تقارحت فيوزاتها؟
رغد الي ناضرته: عمى يعميك.
ام فهد ضحكت: هههههههه لا ابد يايمه بس راكان مو موجود.
فهد الي من جت رغد لبيتهم وصوتها يتردد براسه على كثر ماتهاوش وتصارخ: اي المسّكن مفقود.
رغد الي ماعطته وجه.
فهد: يمه وين روعه؟ مااشوفها.
ام فهد: والله من رحت ماعاد شفناها.
استغرب: خير خير..جبت معي ولد رياض،(لف لمناف الي واقف وراهم) منوف تعال.
مناف الي توجه لعنده وسلم على ام فهد ورغد.
فهد: يمه بروح غرفتي مناف بيقعد هنا.
ام فهد ابتسمت وناضرت مناف: زين ياروح امك.