بيت المجانين 😭(الموسم الاول)

الجزء السادس 🤭

محمود:بت يا نوراي  
نوراي:خير يا حج
زين ضحك
نوراي:بطل ضحك يعم هتقلب (هي لسه في حضن اخوها)
زين:هش هش
محمود:المهم بتتعوديش علي حضن اخوكي كتير 😂
نوراي:وه ده ليه ده
محمود:هيجي يوم و يتجوز
نوراي(بالصعيدي):متجلجش يا حبيب جلبي مرته هتكون من اخياري
زين:نعم يا عنيا اختيارت اي انتي هتدمريلي حياتي علي رائي الفنان احمد سعد لما قال اختياراتي مدمره حياتي
حياه:بت يا نوراي صحيح انتي متاكده ان البنات العرفتيهم انهارده محترمين ؟
نوراي:يا ماما بقولك محترمين اكتر من البت نورهان المعفنه
حياه:بس يا بت نورهان انثي مش زيك يا انثي البغباء
نوراي: طفيتي شمعتي يا دنيا و قسيتي عليا
حياه و محمود و زين:بس الله يرضي عليكي متغنيش تاني
نوراي :اي الناس البتقتل مواهبي المدفونه 💔
زين:والله دي محصلتش ربع موهبه
حياه:ياه يا نوراي فكرتيني بنفسي زمان
نوراي:كنتي بتغني😂؟؟
حياه:لا انتم عارفين ان أنا و أبوكم جوازه صالونات و اتحولت لعشق في الاخر صح؟
زين و نوراي: ايوه عارفين
حياه:المهم كنت بحاول اطفش أبوكم فاكر يا محمود😂😂
محمود:يلهوي علي عمايل أمكم انتم جنبها ملايكه
ده أنا فاكر يوميها قالتلي أغنيلك اغنيه
قولت و مالوا ممكن نقرب من بعض و تحبني
المهم لقيت صوت جموسه بتجعر 😂😂😂
أتاريها عملت كدا و تقولي كل يوم هغنيلك و ده حصل فعلا اول فتره في جوازنا لحد امًا ولدتك يا زين كانت بتجعرلي بصوت البقر ده 😂
زين و هو ميت من الضحك:اومال ليه بطلت لما اتولدت 😂😂
حياه ردت:عشان انت كنت قايم بالواجب أصلا😂
محمود:ايوه ده انت كنت عيل زنان بشكل
نوراي:اكيد طبعا أنا كنت هاديه صح صح
حياه و محمود:هاديه!!!!!!!!!!!!!!
نوراي:اي في اكيد هاديه
حياه: طب تصدقي بالله
نوراي:لا اله آلا الله
حياه:اول ما ولدتك قولت بنت و هتكون هاديه و تشيل عني اتاريني كنت بتوحم علي حمار
نوراي:اي التهزيق ده كله😵‍💫
محمود: بقولك يا نوراي
نوراي: وات؟
محمود في ودنها: قومي هاتي البوم الصور بتاع زين
نوراي:من عيني حوده جلبي
حياه و زين:قايمه رايحه فين
نوراي:هشرب مايه
راحت جابت الألبوم و خبته ورا ظهرها و دخلت و قالت:بسم الله اما نتفرج
زين:يخربيتك يا جزمه اي الخلاكي تسرقيه من مكتبي
نوراي و هي عامله نفسها مش سامعه و بتتكلم كانها فاتحه لايڤ و بتكلم المتابعين
:اهلا بيكم في حلقه اليوم
(فضح ابو الزنازين حبيبي❤️)
و معانا اول و اقوي صورهزفي العرض
صوره ابو الزنازين و هو عاملها علي نفسه 😂
حياه و محمود:كويس اننا صورناه 😂😂😂😂
الكاتبه الهي أنا :
احب أقولكم ان دي حقيقه و ان اهلي مصورني كدا و قالولي هنعلقها يوم فرحك 😔 و اخواتي فضحوني و اخدوا الصوره و وروها لاصحابهم و مكنتش لابسه حاجه و عاملها علي نفسي عالسرير
نكمل ...
زين:أنا مش عارف مين الطلعت في دماغه الفكره العظيمه دي
حياه:انت سالت السؤال ده مليار مره و هرد عليك و اقول اناااااا انااااااا و محمود راح طبعها 😂😂
زين:و ليه معملتوش كدا في البت نوراي
حياه:حظها بقي اني كنت هعمل كدا بس للاسف التلفون الكان عليه الصور باظ
محمود :بس لا تقلق يا زو اختك فضايحها اكتر منك
زين:والله انت الوحيد المريحني يا ابو زين
محمود:ايوه ايوه كل بعقلي حلاوه يا واد
زين قام و باس ابوه في خده و قاله :ونا اقدر اكل بعقلك حلاوه و انت الحلاوه كلها يا حج
نوراي:ست حياه يا ضرتي
حياه:يا فرده شبشب بتقولي ل امك يا ضرتي
نوراي:مانتي مش بتعاملي غير كدا لما بقرب من حبيبك
حياه:مانتي اهو قولتيها حبيبك يعني بتاعي لوحدي
نوراي:اومال بقي مش بتغيري ليه لما زين بيقرب
محمود :زين ولد لكن انتي بنت زي مانا بغير كدا لما اخوكي يقرب من امك
نوراي:يلهوي ايوه صح😂😂😂😂😂
و قعدوا سوا و الوقت كان كله هزار و ضحك و في حب مابينهم
نروح عند نسمه و ادهم
نسمه :قاعد لوحدك كدا سرحان شيطان يوزك في سكه شمال و يفضل يقولك العب يالاه💃
ادهم :انتي يا فرده شبشب مقطوع أنا قاعد بذاكر اتنيلي اسكتي
نسمه :تذاكر ونا موجوده يا حبيب جلبي
ادهم:الصبر من عندك يا الله
نسمه :تعالي تعالي تعالي حبيبي تعالي
نسمه شدت ادهم و خلته يرقص و قعدوا حوالي ربع او نص ساعه ضحك و رقص
نسمه :اهههه يا عمودي يا فقري
ادهم:اه يعضلاتي كله منك
نسمه:وه ده أنا كنت برفه عن نفسويتك
ادهم :شكرا يختي ربنا يحفظك لشبابك
نسمه :يارب
ادهم :صحيح يا بت ضيفتي مراتي المستقبليه للجروب بتاعكم
نسمه:اتصدق نسيت
ادهم :طب روحي و سيبيني اذاكر في حالي
نسمه :حاضر يا ابو الاداهيم....صحيح
ادهم:همم؟
نسمه :متعرفش حوده و صرصوره جايين امتي
ادهم:لا قالوا عمي حسن ماسك فيهم و محلفهم يباتوا هناك عندهم في البلد اسبوع
نسمه:الله ده الدنيا كدا احلوت 😂😂😂
ادهم :اشمعني يعني😂
نسمه:الاسبوع هيكون اسهل بس هي امك مسالتش عليا
ادهم :سالت لما كنتي مشغله اغاني و حاطه الهاند فري بس متقلقيش أنا اخوكي و اخلي عليكي قولتلها رجعت من المول و قاعده بتذاكر
نسمه:والله انت راجل محترم ونا بحبك خد بوسه
ادهم :ايوه ايوه كلي بعقلي حلاوه
نسمه:اسمها بتآكلي عقلي بنسمه
ادهم:لا ظريفه يا بت امشي شوفي وراكي اي ونا هنام
تصبحي علي خير يا إعصار
نسمه:وانت من اهل المزه يا ابو الاداهيم 😂
نسمه دخلت اوضتها و فتحت التلفون و جابت رقم نوراي و صافتها لجروب الوتساب بتاع الشله
(الأشباح المبرشمه💃🤙🏻)
نسمه و هي بتكم نفسها :شكلنا هنقرب من بعض يا بت يا نوراي عشان حبيتك
و بعتت رساله علي الجروب
اهلا بيكي في الجروب يا نوراي العضو الرابع للشله
نوراي :اهلا بيك يا معالي الباشا نسمه
نسمه :اي دهههه انتي صاحيه
نوراي:أنا منمتش 😂😂😂
مريم:اي جدعان
نسمه:اي يختي
مريم:ادخلوا ناموا عشان نطبق الهيحصل بكرا
نوراي:اي الهيحصل بكرا
نسمه:يختي هو مش أنا حكيتلك علي الجدول بتاع الاسبوع ده
نوراي:ايوه يختي بس نسيته
نسمه :طب خلاص هعمل كوبي و هبعته تاني
<<الاثنين: هنقول لصرصوره و امك يا موريام يتقابلوا و حوده و ابوكي نفس الحاجه و يخروجوا سوا و نعيش في البيت لينا و نعك في المطبخ
الثلاثاء: هتيجي عني الكومباوند و نلبس زي الستات المعلمه زي ام اميره العلي التيك توك و نقعد في كافيه و نتكلم زيهم اشطا
الاربعاء :هنروح كل الشركات و نعمل نفسنها داخلين نقدم علي وظيفه بعد كدا حد فينا يرن علي التاني و نقول ان لله و ان اله راجعون ابني مات و ننزل جري و نعمل نفس المشهد ده 😂😂
الخميس : راحه و نوم
الجمعه: هيكون في حفله في الساحل لأمير عيد و لازم نروحححححح
السبت : 💔نجهز نفسنا عشان اليوم البعده في جامعه💔>>
نوراي:مين العقل المدبر العمل الجدول التحفه ده
نسمه:كلك نظر يعني هيهيهي
نوراي: فنانهههه بس صحيح مين صرصوره دي
نسمه:الحاجه ام نسمه اسمها ساره و بنقولها صرصوره
نوراي:اهااااا بت يا نسوم صحيح
نسمه:ماذا
نوراي:انتي يا بت ليه شبه الأمريكان
نسمه:اهاا عشان امي أمريكيه أصلا و ابويا المفروض مصري عشان ابوه مصري لكن امه إيطاليه يعني ابويا و جدي هم العرق المصري الوحيد بس ابويا شبه امه اوي فعشان كدا أنا شكلي أجنبيه بس أنا مصريه و أعجبك بردو😉
نوراي:لا انتي عجبتيني من زمان 😂
نسمه: والله وانتي كمان يا بت أنا حجزتك ل ادهم خلاص
نوراي:صحيح ابعتيلي صوره ليه كدا تاني
نسمه بعتت الصوره
نوراي:أنا خلاص ضمنت مستقبل عيالي
نسمه و مريم:😂😂😂😂
نوراي:اومال البت يسرا فين ملهاش حس
مريم:تلاقيها نايمه في سابع نومه و لما تصحي هتقول
نسمه كملت:احكولي اي ده كله عشان مش قادره اقرا المكتوب 😘
نوراي:أنا بعمل كدا سعات بس اشطا يعني عادي😂
نسمه:المهم يجدعانننننن يلا ننام بكرا يومنا طويل جوي جوي
نوراي:خلصانه ياخيتي تصبحي علي خير
نسمه:وانتي من اهله يا عسل😘
مريم:جود نجحت
نوراي:مين جود النجحت دي
مريم:جود يعني good نجحت يعني night
نوراي:ربنا يحفظ لشبابك هتشل😂😂😂يلا اشوفكم بكرا 😂😂😂😂
الجزء خلصصص يااخواتييييي🤙🏻❤️