اهلا يخواتي عاملين ايه عارفه اني اتاخرت عليكم بس لا تقلقوا السيطره تحت الدنيا زين: ما نروح بالمرسيدس نسمه: وحيات امك وحيات امك زين: يا نسمه انتي هبله فرقت نسمه: ايوه فرقت عشان خاطري لو ليا خاطر عندك وديني بالفراري زين: حاضر عشان خاطرك بس نسمه نطت و جريت علي العربيه الفراري و زين طلع الڤيلا جاي المفتاح من اوضته و رجع تاني نسمه: كل ده زين: ما عقبال ما طلعت يلا بينا نسمه: يلا يلا زين فتح العربيه و ركبوا و اتحركوا العربيه/
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و هم في الطريق نسمه: ما اشغلنا حاجه يعمنا زين: عمنا!!!! نسمه: اه عمنا شغل يلا بقي متزهقنيش زين شغل اغنيه عاديه تماما نسمه بصاله بقرف زين بعد ما اخد باله انها بصاله فبص عليها و أتصدم يعيني كان فاكرها بتتامله طلعت بصاله بقرف زين: مالك بتبصيلي كدا ليه نسمه: عمر دياب يا زين زين: ماله ما هو حلو اهو نسمه: ونا مش عايزه ده زين: تأمر حسني طب نسمه: بقولك اي اقفل من عندك ونا الهشغل زين: تمام استر يارب نسمه وصلت العربيه بتلفونها زين: شغلي اغاني عدله مش زي القرف المبتسمعيه نسمه: حاضر زين: استر يارب و مره واحده نسمه شغلت عصام صاصا زين : اي القرفففف دههههههه نسمه: عصام صاصا التوب زين: اطفيه و إلا هطفيه انا نسمه: لا وحيات امك لا والله هزعل منك يهون زعلي عليك زين: بطلي سهوكه و ثانيا لا متهونيش عليا يا ستي نسمه: ياحيا العدللللللل🫵🏻 زين: لا حول ولا قوه إلا بالله نسمه: زين ما الطريق فاضي ما تمشي بسرعه زين: حاضر اهم حاجه مش هتخافي ؟ نسمه: أنا ؟؟؟؟ تعالي شوفني ونا سايقه علي ١٩٥ زين: تمام و مره واحده زين ضرب بنزين و العربيه كانت بتطير نسمه: الله عليك يااااا zeeeeeeeee زين بصلها و ابتسم و كمل سواقه و كل شويه يبصلها و يشوف فرحتها بالسرعه دي بعد حوالي ١٠ دقايق وصلوا سعودي الفي زايد و ده من اضخم المحلات حرفيا نسمه و هي داخله شبه بتجري نسمه: زين هات عربيه زين: ده اندومي مش حاجه يعني نسمه: أنا بقولك هات عربيه بس زين: حاضر زين جاب العربيه و كانوا ماشيين مع بعض وقفوا نحيه العصاير نسمه:أنا هجيب فراوله أجبلك ايه زين: ممممم هاتي كوكتيل نسمه: تمام وقفوا في كذا حته الفواكه// نسمه: الحق الحق في بطيخ اصفر و بلوبيري و حجات كتير زين: اما هفلس علي ايدك نسمه: مكنتش اعرف انك جلده زين متكلمش و طلعلها الفيزا و قالها: فلوسي بين ايديكي نسمه نطت عليه و حضنته و بعدت و كملت عادي لانها مخدتش بالها من تصرفها او زي ما بيقولوا الفرحها عمتها نسمه جابت كل الفواكه الهي عايزها و دلوقتي هم قاعدين بيتخانقوا علي يجيبوا كيلو فراوله ولا اتنين كيلو نسمه: يابني كيلو ايه ده ميشبعش حد زين: ما هو محدش فينا بياكل فراوله غيري في البيت لان الغالب ملهمش فيها نسمه: قول بقي قول ان عينك في الكيلو الكنت هاكله زين: ايوه عندا فيكي عيني فيه نسمه: يا عمو حطلي ٢ كيلو فراوله و اناناستين و ٣ كيلو عنب نص احمر و نص ابيض و حطلي كيلو تفاح اخضر زين: انتي هتاكلي كل ده نسمه: اه زين: هموت و اعرف الاكل ده بيروح فين وانتي مسلوعه كدا نسمه: باكل براحتي و بحرق في الرياضه زين: حلو ده نسمه: مانا بشوفك بتاكل زي الجموسه و مش بتتخن لا انت بتعضل اكتر زين: باكل كتير اي انتي هتفتري عليا مكنش صوباعين محشي الاكلتهم من ايد البت فلاش باك من سنتين / في الجامعه في مكتب زين سلوي: يا دكتور ده مامي بتحبك اوي من كتر ما بقولها قد اي حضرتك محترم و عندك ضمير و حجات كتير حلوه زين: شكرا ليكي ده من ذوقك سلوي: المهم مامي قبل ما انام قالتلي لازم اعملك حاجه تأكلها كتعبير عن شكري ليك قالتلي اعملك ستيك و سويت اند ساور تشيكن زين: شكرا ليكي ده من ذوقك سلوي: بس تخيل يا دكتور أنا عملت ايه .. زين: ايه سلوي: عملتلك محشي عشان اكيد محدش بيعملهولك زين: وانتي مين قالك ان محدش بيعملهولي سلوي: عشا... قاطع كلام سلوي خبطات الباب زين: اتفضل نسمه: السلام عليكم يا دكتور ممكن تشرحلي حاجه مش فهماها زين: تمام تعا قاطعته سلوي: مش قبل ما تجرب عمايل ايدي يا دكتور زين: متقاطعنيش تاني ده اولا و ثانيا اتفضلي يا انسه اقعدي لما اخلص مع زميلتك هشرحلك نسمه في سرها: مفجوع نسوانجي بتاع بنات زين مسمعهاش و نسمه بتتفرج عليه هو و سلوي زين: طب سيبي الطبق يا سلوي و أنا هدوقه سلوي:والله أبدا يا دكتور لازم دلوقتي زين في سره: ربنا ياخدك يا شيخه و علي صوته: تمام زين ذاق المحشي و طعمه مكنش حلو او وحش عادي جدا زين: حلو اوي شكر يا انسه سلوي: هبقي اعملك كل يوم يا دكتور زين: لا شكرا أنا مش باكل الحجات دي المهم اتفضلي عشان ورايا حجات كتير سلوي: حاضر يا دكتورررر زين: اتفضلي يا انسه هاتي كتابك اشرحلك العايزاه نسمه: لمؤاخذه يعني ممكن اسالك سوال زين: اتفضلي نسمه: قصدك ايه بالحجات دي هو المحشي حجات ؟؟ زين: لا حول ولا قوه الا بالله ملكيش دعوه و اتفضلي خليني اشرحلك يا اما اطلعي شوفي حد يشرحلك نرجع من الفلاش باك نسمه: لا و تقولها شكرا و مش عارفه ايه شكله كان يقرف أصلا زين: كان وحش و بعدين واضح اوي يعني انها بتتلزق فيا دي حكتلي علي حوار فكراني يعني سوبر مان الهيلحقها نسمه: ده امتي الحوار ده زين: من سنه باين او اكتر مش فاكر بصراحه نسمه: طب ماتحكي احكي زين: لا يعني قالتلي انهم هيجوزوها غصب لواحد من عيلتها و مش لاقيه اليلحقها الفهمته من مضمون الكلام انها عايزاني اتقدملها و كدا نسمه: وانت عملت ايه زين : اتقدمتلها نسمه: نعم! زين: اكيد لا يعني انتي هبله يعني بقولك من شويه فكراني هلحقها و بعدين يعني انتي شبه معايا أنا و اختي ٢٤ ساعه شفتيها بتكلمني حتي و بعدين هموت و اعرف ازاي انتي و الهبله نوراي بقيتوا صحاب بسرعه اوي كدا ده كانكم اصحاب من قبل الولاده أصلا😂 نسمه: تسمع المثل اليقولك الطيور علي اشكالها تقع زين: اه نسمه: أنا و هي اهبل من بعض فوقعنا علي بعض زين: ما شاء الله ما شاء الله نسمه: الحقققق😂😂 زين بص مكان ما هي بتبص و لقاها باصه علي عليه حفاظات اطفال زين: في ايه نسمه: انت اهو زين: مش فاهم أنا بامبرز تقصدي نسمه: لااا البيبي العلي العلبه نفس لون عيونك اوعي ده يكون ابنك و مش قايل لحد زين: هو فعلا لون عيوني بس ابني منين يا بت انتي هبله نسمه: تصدق صح زين: لعلمك بقي شعره نفس لون شعرك نسمه بغباء عدي غباء عيد و ملك: يكونش ابني أنا و أنت ونا معرفش زين: انتي كويسه ولا سخنه ولا حالتك ايه بظبت عشان اكون عارف نسمه: لا بربط الاحداث ببعضها زين: ممممم و ايه تاني ايه الاحداث يختي نسمه: الواد ده عينه زي عينك و نفس لون شعري ده حتي لون بشرتي يعني ده مكس زين و نسمه زين: ما شاء الله كل ده نسمه بدموع مزيفه: يعيني عليك يابني خلفتك و تعبت فيك و اخدوك و عملوك إعلان بامبرز بدل ما يعملوك اعلان لمحلات الاكل 💔😭 زين: الله الله عليكي فنانه كات الأداء الجاي البكاء مع ال قاطعته نسمه: ال ولوله زين: صح هي دي ..هموت و اعرف امك أجنبيه ازاي نسمه: زي السكر في الشاي زين: يع نسمه: دي حلوه علفكرا زين: تمام صحيح عايز اسالك سؤال غريب شويه نسمه: اسال زين: هو مش انتي ابوكي من البلد و صعيدي ازاي سايبك تبيتي برا بيتك و تخرجي و كدا انتي فهماني يعني نسمه: هو بابا صعيدي ايوه بس متعودتش علي كدا يعني هو خلص اعدادي كان عنده ١٤ سنه في الصعيد و جدي الله يرحمه وداه يتعلم في امريكا بعد ما كان بابا بيزن عليه كل شويه فلما سافر قعد هناك حوالي ١٥ سنه و يمكن اكتر فالعادات بتاعت امريكا أثارت فيه جامد لدرجه انه كان زيهم أصلا ده يمكن لما رجع مصر بدأ يفتكر العادات بس مش كلها طبعا حجات بسيطه اوي اقولك علي حاجه كمان زين: قولي نسمه: بابا أتعرف علي ماما و هي لسه ١٧ سنه في ثانوي و هو ساعتها كان ٢٤ سنه زين: ياهه هم يعرفوا بعض من زمان اوي كدا نسمه: بقولك اي احكيلك الحوار من اوله زين: احكي يا ستي احنا ورانا حاجه نسمه بتحكي و هي بتعبي اي حاجه تعجبها و يعيني المسكين زين هو الهيدفع نسمه: بص يا سيدي ماما كانت لسه عندها ١٧ سنه كانت في ثانوي في المدرسه البابا كان فيها و هو قابلها هناك زين قاطعها: ازاي قابلها و هي ثانوي و هو اكبر منها نسمه: متقاطعنيش و اسمع كل حاجه و هتفهم زين: تمام نسمه: المهم ماما كانت موجوده في اليوم ده و هو كان رايح يسلم علي المدرسين بتوعه و كدا المهم شاف واحده ماسكه التانيه من شعرها و نازله فيها ضرب و قال يشوف في ايه ...شاف ماما ماسكه البنت و نازله فيها ضرب كل ده عشان البنت قالت لماما انها مش حلوه مع ان امي كانت ملكه جمال حرفيا و زي ما قولتلك هو كان ناسي عادات مصر فمسك ماما او بالمعني الاضق هي كانت في حضنه حرفيا و هو يقولها اهدي و مش عارفه ايه و الكلام ده و عشان ماما أصلا مش مسلمه و حتي مصريه معترضتش لما حضنها أصلا و سعتها المدرسين جم و طلعوها للمدير و هو طلع معاها كدا من باب الفضول عمتا و هي خلصت مع المدير و اخدت رفد اسبوع من المدرسه و وهي طالعه بابا سالها ليه عملت خناقه و كدا قالتله ان البت قالتلها انها مش حلوه و كدا فبابا قالها دي محتاجه تكشف و عاكسها من الاخر و بابا قالها اسمه و اتعرفوا علي بعض لدرجه انه كان بيكلمها كل يوم و سعات يخرجوا سوا و حجات كتير و أتعرف علي اهلها و حلوه اوي و اعتبروا جزء من العيله لحد ما عدي عليهم حوالي ٣ سنين و هم علي حال ده و بابا اعترف بحبه ليها بس متجوزوش كلنو مرطبتين منغير حاجه رسميه هو حرام طبعا بس ما علينا يعني بابا بعد ما حبوا بعض اتقدملها و اتجوزوا و خلفوني أنا و ادهم و بس كدا زين: ولا اكنها روايه نسمه: هي فعلا روايه😂😂 أنا بقي احكيلي عن حياه و محمود زين: هي غربيه سيكا بس ماشي يعني هي كانت جوازه صالونات و جدي و جدتي وافقوا علي بابا و ماما كانت رافضه و مش عايزاه بس هي اتحطت في الأمر الواقع و لازم تتقبله و اما اتجوزوا حبوا بعض و اهو زي مانتي شايفه نسمه: قصيره بس جميله زين: ايه هي نسمه: قصه جوازهم زين: تمام نسمه:أنا تعبت يلا بينا زين: تعبتي بعد ما لميتي المكان كله في العربيه نسمه: ايوه🙋🏻♀️💅🏻 زين: طب يلا نحاسب عشان اخلص منك نسمه: يلا بنا راحوا الكاشير و زين المسكين هو الدفع كل حاجه طبعا عشان هو الراجل بعد ما ركبوا العربيه زين: منك لله يا شيخه ٤الاف جنيه في شويه اكل نسمه: اعمل ايه مانا مبيته معاكم و كدا كدا كله هياكل يعني مفيش مشكله زين: ده أنا الهاكلك والله و بعدين يأكلوا ايه ده الاكل كله عباره عن حلويات هتتخني نسمه: لا متخافش مش هتخن و بعدين كلنا و البت نوراي هنأكل يعني اشطا من الاخر زين: ايوه يختي اشطا من الاخر منك لله نسمه: هو انت بخيل ولا ايه زين: لا بس حرام الحجات دي مضره و مش حلوه للصحه نسمه: خلاص بقي يا عم زين: ماشي يختي زين وقف عشان الاشاره و كان في بنت ماسكه ورد بتخبط علي شباك العربيه نسمه: افتح كدا شوف هي عايزه ايه زين نزل الشباك البنت: ونبي يا بيه خدلك ورده ولا اي حاجه او اديني حاجه أنا جعانه اوي نسمه بصلتها: انتي ايه المنزلك في الوقت ده يا حبيبتي الوقت متاخر البنت: والله يا مدام أنا جعانه اوي و بحاول حتي اجيب اي حاجه ليا و اخواتي نسمه: طب مامتك او باباكي فين البنت: ابويا عند ربنا و امي تعبانه نسمه بدات تدمع : طب خلاص استني يا حبيبتي هديكي حاجه نسمه نزلت من العربيه و راحت فتحت الشنطه و الأكياس و عبتلها فواكهه و حلويات البنت و هي فرحانه: شكرا ليكي يا ابله ربنا يخليكوا لبعض و تجيبوا عيال زي القمر شبهكم كدا زين : خدي دي زين عطاها ٥٠٠ جنيه و البنت كانت في اقصي مراحل السعاده و قالها: انتي ساكنه فين ولا حافظه رقم حد من اهلك البنت: ايوه معايا رقم امي زين: طب هاتيه عشان ابقي اكلمها لو محتاجين حاجه البت ادتله الرقم و البنت كهديه شكر ليهم ادت زين بوكيه ورد احمر جميل اوي اوي اوي و قالتله بصوت واطي : ادلها دي يا بيه يبختك بيها و يبخت عيالكم حافظ عليها شكلها بتحبك و حنينه كمان دي مش بتتعوض في الزمن ده مرتين زين ضحك و قالها: حاضر يا سكره اسمك ايه بقي البنت: اسمي سمر زين: ماشي يا سمر دلوقتي معاكي اكل و فلوس روحي بيتك يلا عشان الوقت خطر دلوقتي سمر: ماشي يا بيه مع السلامه زين اتحرك بالعربيه و هم في الطريق نسمه: مكنتش اعرف انك طيب اوي كدا زين: ونا كمان متخيلتش انك هتحني علي البنت لدرجه ان عنيكي تدمع نسمه: صحيح هي قالتلك ايه قبل ما تقولك اسمها زين: هبقي اقولك في يوم من الايام بس مش هتكوني نسمه نسمه: اومال هكون ايه صباح مثلا😂 زين: هتكوني نسمه بس بنسبالي مش نسمه نسمه: مش فاهمه بردو زين: هتفهمي مع الوقت و رجعوا البيت و عملوا الاندومي و دخلوا ناموا و بكدا اقدر اقول ان الجزء ده خلص اخيرا اخيرا و رمضان كريم يا جماعهههه ان شاء الله يكون شهر يعم عليكم بالسعاده و الخير اللهم امين و يساند اهلنا في غزه و يتحرروا و ربنا يكون في عونهم يارب اللهم امين ❤️ المهم أنا ان شاء الله هنزلكم الأجزاء الجديده بعد الفطار ان شاء الله ونا هحاول اخلي زين ميقلش أدبه عشان احنا في رمضان 😂
