بيت المجانين 😭(الموسم الاول)

الجزء الاربعه و العشريون🤯

خديجه: احيه مليكه
نسمه: احيه قاسم يعيني عليك يا راجل مكنش يومك يا مسكين
مليكه: اههه يا رجلي انتي مين ياختي و تعرفي الحيطه ده ازاي اهه
قاسم و مليكه لسه فوقيه علي الارض: أنا حيطه يا شيخه ده انتي قلبتيني اكن في جموسه وقعت عليا
مليكه: بس ياض انت
خديجه: هاتي ايدك بس و قومي
خديجه و نسمه سندوها و قعدوها
و الشباب سندوا قاسم و قعدوه هو كمان ده يعيني اتقلب حتت قلبه علي ضهره يعيني عليه
و كلهم دلوقتي قاعدين سوا الشباب و البنات
مليكه: هو انت اسمك ايه الاول
قاسم: أنا قاسم
مليكه: انت حيطه يا قاسم
قاسم: حيطه
نسمه دخلت في الحوار: ايوه طبعا يا بنتي حيطه بس ده يرفعلك عربيه ب ايد واحده
قاسم: روحي يا شيخه اللهي اشوفك بتولعي مع فرعون
نسمه: هو مش كان ابو لهب بردو
قاسم : اتنيلي ما كلهم هيولعوا هيولعوا انتي بقي هتولعي معاهم
نسمه: حسبي الله حسبي الله بتدعي عليا مكنش العشم 😢
اسر: بت يا نسمه مش هتعرفينا علي قاسم
نسمه: ما تعرف علي نفسك يعم الله هو أنا نشتغل معرفه
قاسم: بس يا بت انتي و بص ل اسر و قاله أنا قاسم الزيني
خالد: ثانيه هو انت ابن رجل الأعمال سليم الزيني؟
قاسم: بظبت كدا
ياسر : وتعرف نسمه منين
قاسم: بشتغل عندهم مدير امن الحراس بتوع الفيلا
ياسر: وليه مش بتشتغل مع باباك و كدا انتوا ما شاء الله زينا بظبت واصلين
قاسم: من نحيه شغلي مع ابويا ف أنا بشتغل عادي جدا و ليا مرتبي زي اي موظف هناك و بشتغل مدير امن الحراس عندهم و كدا عشان عايز اجمع فلوس و افتح شركتي بتاعتي ب فلوسي منغير مساعده و اديني اهو شغال عليها و الافتتاح هيكون بعد شهر بس فاضل تظبيتات لكام حاجه كدا
مليكه: واوو و هتسميها ايه
قاسم: عادي q.elzeny اختصار ل قاسم الزيني كدا كدا اي شركه هفتحها لازم تكون ب اسم الزيني
مليكه : واو هشتغل معاك
قاسم: خلاص تمام معنديش مشكله معاكي كليه ايه
مليكه: مش معايا كليه ايه قول بتدرسي ايه معاك المهندسه الهندسه الجامده الجموده القادره المكافحه المصارع...
قاسم: خلااص يختي خلاصصص  عرفنا انت بتدرسي هندسه خلاص
نوراي: مش عارفه ايه حكايه المهندسين بيتكبروا علي الخلق كدا ليه ده أنا كليه طب و مش بعمل كدا
عائشه: طب علفكرا بقي أنا كمان مهندسه و شفتوا ازاي مش بتصرف زي مليكه عجرفه و سيلين هندسه
سيلين: كلكم داخلنها واسطه ونا داخلها مجهود
مليكه: بس يا بت أنا المهندسه مليكه الرفاعي شات اب يور ماوث
عائشه و سيلين : نينينينينينينيني
ليلي: طب بس يا مهندسه منك ليها و ليها أنا حقوق يعني المستشاره ليلي الهواري
نسمه: يعيني كلكم هندسه معادا المسكينه ليلي
ليلي: اه والله ياختي
خالد : جماعه جماعه صلوا علي النبي و تعالو نتعرف من اول و جديد عشان دماغي عملت اررور حاسس اني قاعد مع أجانب أصلا ف اسكتوا و نبدا تاني
نسمه: نبدا بالبنات احنا طبعا اعتقدت كلكم عارفني مش محتاجه اعرف عن نفسي و حطط رجل علي رجل
نوراي زقت رجلها : بس ياختي عرفي عن نفسك و انتي ساكته و خلاص
نسمه: ههههه ماشي ماشي أنا نسمه محمد الشرقاوي من اب مصري و ام امريكيه و كليه تجاره عندي ٢٣ سنه
نوراي: ونا نوراي الجارحي اب مصري و ام مصريه و كليه طب بشري عندي ٢٠ سنه
خديجه: خديجه تآمر الهلالي ام روسيه و اب مصري كليه هندسه و عندي ٢٥ سنه
مليكه: مليكه سمير الرفاعي اب مصري و ام مصريه كليه هندسيه طبعا طبعا و عندي ٢٥ بردو
ليلي: ليلي احمد الهواري اب مصري و ام أوكرانيا و كليه حقوق انجليزي و عندي ٢٥ سنه
سيلين: سيلين سامر الشناوي من ام تركيه و اب مصري كليه هندسه عندي ٢٥ سنه
عائشه : عائشه الحناوي ٢٤ سنه كليه هندسه
ياسر: ما شاء الله كلكم هندسه اومال سبتوا ايه للعايزين يبقوا مهندسين انتوا خلصتوا علي جامعات الهندسه كلها
ليلي: هستني ايه من فلاح متخرج من بيزنس
ياسر: بس يا حقوق
سيلين و عائشه: بس انتوا الاتنين .. نوراي قاطعتهم
نوراي: هششش كلكم يا بتوع الهندسه و الحقوق أنا الوحيده الطب يعني بالعربي و بالبنط العريض < أنا البعالجكم >
نسمه: فككوا منها فلاحه دحيحه عادي يعني
رعد : و مالهم الفلاحين يا اخت نسمه
نسمه: ولا حاجه الكلمه معلقه معايا بس ولا ايه البديل ليها
رعد: استني افكر كدا أنا كمان ..لا مش لاقي حاجه
نسمه: مش مهم مش مهم فلاح فلاح
نوراي دخلت في الحوار : إلا صحيح عامالين تجيبوا في كلمه الفلاح ونا بطني سمعتكوا و زعلت
خديجه فهمت قصدها: ونا كمان والله يا اختي
و بعدها عائشه استوعبت : اههههه ونا كمان بطني زعلت
خالد : ليه هو احنا شتمناها ولا ايه
نوراي: يعني عمالين تجيبوا في سيره كلمه الفلاح كبده الفلاح مجتش في بالكو خالص
نسمه: أنا جعانه
كل البنات : ونااا
ياسر : طب يلا بينا نروح ناكل
خديجه : تمام اشطا يلا بينا بس أنا مش عايزه كبده الفلاح عايزه حاجه تانيه
نوراي: يا بياعه يا زباله ده انتي اول واحده فهمتيني
خديجه: ما نفسي هفتني عليها و راحت
نوراي : اه وانتي يا ست عائشه
عائشه: استحي اقول اني كمان غيرت رائيي
نوراي: اه يابنت الناسسسسسسس
عائشه : مش هرد عليكي دلوقتي هرد عليكي في التلفون
عائشه طلعت تلفونها و جابت رقم نوراي
و بعتتلها:🌳🌳🌳🌳🌳🌳
نوراي ردت عليها:🌴🌴🌴🌴
عائشه تاني :🌲🌲🌲🌲🌲
نوراي: 🌳🌳🌳🌳🌳
اسر بص في تلفون نوراي و قالها : ايه ده انتوا بتعملوا ايه
الاتنين ردوا في نفس الوقت: بنتشاجر
ليلي: بتتشاجروا ؟؟!!!!؟؟؟؟؟؟؟
سيلين: خير حضرتك يا اختي انتي اول مره تعرفي حوار التشاجر بتاع عائشه ده
ليلي: اهههه هي بتشاجر كدا اصل لما كانت بتبعتلي شجر أنا مش بكون فاهمه تقصد ايه
رعد : ما شاء الله
خديجه: إلا صحيح هي ملكيه مش حاضره معانا ليه هي و قاسم
سيلين: هم فين أصلا
نوراي:اه فعلا  هم فين أصلا مش معانا علي الترابيزه ليه
ياسر بص وراه: اه الاتنين سابونا و راحوا قعدوا سوا
كل البنات بما فيهم نوراي و نسمه بصوا لبعض ب نظره كدا محدش بيفهم معناها غير البنات
نوراي: مبروك يا جدعان
رعد : مبروك علي ايه
نوراي : لا ولا حاجه ولا حاجه
نسمه : المهم يا جدعان هناكل ايههههه أنا جعانهه
خديجه : أنا عايزه اكل شاورما
اسر : طب يلا بينا أنا هاجي معاكي
ليلي: ونا شفت مطعم لبناني هنا عايزه اروح اكل فيه
ياسر: طب يلا أنا جي معاكي
سيلين: أنا عايزه اروح مطعم بيعمل اكل تركي
رعد: أنا عارف مطعم تركي حلو تيجي معايا ؟
سيلين: يلا بيناااا
عائشه: ونا عايزه اكل مشويات
خالد: ونا كمان
عائشه : ما طبيعي تكون انت كمان حد ميفكرش في المشويات و نفسه متكونش فيها
خالد: يبقي عبيط والله
عائشه: عندك حق يلا بينا
و كل اتنين قاموا و راحوا يشوفوا هياكلوا ايه
نوراي: هم قاموا كدا و سابونا
نسمه: اه بس صحيح اعملي حسابك
نوراي: حسابي علي ايه
نسمه: متزوديش في الاكل عشان داخلين علي أفراح
نوراي: اههههه فهمتتت
نسمه: طب ايه رائيك نروح أنا و انتي ديت😜
نوراي: ما تكلمي اخوكي العسل ده
نسمه: يا ستي مستعجله علي ايه هظبتلك الدنيا متقلقيش
و ما هي إلا دقائق و تلفون نسمه رن
نسمه: حبيب قلبك بيتصل
نوراي: مين ادهم
نسمه: اه استني هرد و نفتح السبيكر
ادهم: الووو
نسمه: عامل ايه ادهومي
ادهم: زي الفل يا قلبي انتي فين أنا و ماما و بابا وصلنا و معانا ملك و عيد و عمو و طنط
نسمه: أنا برا مع نوراي ...ما تيجي تقعد معانا
ادهم: يا بنتي تعبت الطريق كان طويل و عايز ارتاح
نسمه: يلا بقي يا واد عشان اعرفك علي نوراي
ادهم: يا ستي مره تانيه عشان حقيقي تعبان
نسمه: لا مفيش مره تانيه يلا تعالي
ادهم: ماشي يا ستي كله لأجل عيون نونه
نسمه: أنا مش نونه
ادهم: مش قصدي عليكي أصلا قصدي علي نوراي
نسمه: بقت نونه دلوقتي
ادهم: اه ...المهم انتوا فين
نسمه: هديك نوراي ترد عليك
نوراي بصوت واطي : لاعععع لااا لا لا لاعععع
نسمه: خدي يا نوراي ادهم عايز يسألك علي حاجه
نوراي بصوت واطي نسمه بس التسمعه : يا بنت الجزمه
نسمه: خدي خدي
نوراي: الو
ادهم: الو ازيك عامله ايه
نوراي: انا الحمدلله تمام انت عامل ايه
ادهم: انا الحمدلله
نسمه: علت صوتها عشان ادهم يسمع : يلا اسألها السؤال العايز تساله
ادهم: مممم انتوا فين
نسمه ماتت علي روحها من الضحك
نوراي: احنا في مول مصر
ادهم: طب قاعدين فين
نوراي: عند الفود كورت
ادهم: طب محتاجين اي حاجه اجبهالكم ؟
نوراي: لا لا شكرا
ادهم : بت يا نسمه بقولك ايههه
نسمه: ايه
ادهم: ما تفككوا من المول و تعالو نروح مكان تاني
نسمه: مش عارفه
ادهم: مثلا اوديكم الملاهي او المطعم الفي برج القاهره ده
نسمه: خلاص معنديش مشكله
نوراي: خلاص أنا دابه معاكي في اي حاجه
نسمه: طيب استناني هناك احنا جايين
ادهم: اشطاا
نسمه: يلا باي
ادهم: باي

و بكدا يا اخواتي في الله الروايه خلصت هاهاهاها بهزر الجزء بس هو الخلص😁🤞🏼
مش قادره اكتب اكتر من كدا 💔
كفايه كفايه اعوضكم ب جزء جديد كمان شهر 😜
بهزر ان شاء الله يكون في اقرب وقت ممكن