بيت المجانين 😭(الموسم الاول)

الجزء الحداشر 😏

نوراي :خلاص يلا ينسمه نطلع نلبس و زين هيسخن العربيه
نسمه :و هي بتعيط لا يلا دلوقتي
زين : يحبيبتي لا روحي البسي اكيد مش هتروحي بالبجامه دي
نسمه مخدتش بالها من حبيبتي لكن نوراي اخدت بالها و بصت لاخوها النظره البومباستيكيه 🫣
نسمه طلعت لبست و نوراي لبست هي كمان و نزلت سبقت نسمه
نوراي: يحبيبتي روحي البسي 🤭
زين : حبيبتي اي
نوراي :متعملش فيها من بنها يا حبيبي ده أنا حفظاك
زين : طلعت كدا منغير قصد
نوراي: ماشي يا ابو قلب حنين😉
زين : اسكتي عشان مديكيش علي قفاكي
نسمه : يلا يا زين 😭
كل ده و شوكلاته عماله تعمل صوت أنين
و نسمه تعيط معاها
بعد حوالي نص ساعه وصلوا المستشفى بتاعت الحيونات
نوراي: هاتي شوكلاته ينسمه و هحجز و تعالي علي مهلك و زين يركن العربيه
نسمه و هي لسه بتعيط : ماشي
زين راح يركن و جاله صداع من كتر عياط نسمه
زين : كفايه هتبقي كويسه دي لو اختك مش هتعملي كدا
نسمه : دي بنتي
زين : خلاص اهدي و متخافيش
نسمه : لاااااا
زين جاب اخره فقام مسك نسمه من كتفها و بيرجها و زعقلها: كفايههههه مكنتش كلب البتعيطي عليه انتي غبيه ما تهدي بقي
نسمه جتلها صدمه لان دي اول مره زين يزعق فيها بجد منغير هزار و سكتت و فضلت بصاله و دموعها بتنزل من سكات و هو باصصلها و مصدوم هو ازاي زعقلها كدا
زين : حقك عليا أنا اسف
و تخيلوا عمل اي 🤭
اخدها في حضنه و قالها : عيطي براحتك أنا اسف حقك عليا
نسمه كانت محتاجه الحضن ده و قعدت تعيط تاني تاني
لحد ما هديت و استوعبت هي فين و وشها قلب طماطم 🍅
زين : اول مره اعرف ان عبدو موته بيتكسف
نسمه و بعياط مخلوط بالضحك : بس. بطل هزار و يلا ننزل
زين : استني هرن علي نوراي اشوفها فين
نسمه : طيب يلا
زين :الو الو يا نوراي انتي فين ؟
نوراي: أنا في الدور التاني في عياده رقم ٣
زين : خلاص أنا جاي يلا سلام
نسمه : ها فينهم
زين : الدور التاني عياده ٣
نسمه : طب يلا بينا
طلعوا و قابلوا نوراي  فوق
نسمه : ها الدكتور قالك اي
نوراي : لسه شوكلاته داخله حالا قبل ماتيجوا ب ٥ دقايق و بيكشف عليها اهو
نسمه : خير ان شاء الله أنا هروح الحمام اغسل وشي
و بصت لزين و قالتله ممكن تجبلي من الكاڤيتيريا مايه
زين : تمام
نسمه راحت الحمام و عدي حوالي ١٠ دقايق او اقل سيكا و رجعت هي و زين و هم في الطريق للعياده تاني
زين : خدي
نسمه : شكرا ده أنا ريقي نشف من كتر العياط
زين : ده أنا هسميكي ام اويء
نسمه : بس بس أنا مش ام اويء ده أنا نسمه العسل
زين : عسل اسود 🤢
نسمه : بس في الحالتين عسل يا زوز
زين : متقوليش زوز دي بس
وصلوا عند نوراي القاعده
نسمه : ها الدكتور قال اي
نوراي : أنا هضربك انتي و الكلبه بتاعتك دي
نسمه استغربت هي و زين و قالتلها : ليه يختي عملنالك اي
نوراي : يعني حضرتك مقطعه نفسك من العياط و شوكلاته الزفت عماله تعيط هي كمان
نسمه : طيب و اي المشكله ما هي بتعيط عشان تعبانه ونا بعيط عليا الاه
نوراي : شوكلاته حامل و ده كان وجع الحمل بس
نسمه : لولولولولولولولويييييي بس  يا زباله يا شوكلاته غفلتيني انتي و شيتوس الزفت
زين : وانتي مالك يختي هو كان جوزك و خانك معاها 🤔
نسمه : اسكت انت مش حاسس بيا
زين بتمثيل : ليه يقلبي حاسه ب اي
نسمه : لا ياشيخ
زين: اه ياشيخه
نسمه : الشارع الوراه يا شيخ
نوراي: ما تسكتوا انتم الاتنين صدعتوني علي وش الفجر
نسمه : أنا عايزه أنام
نوراي و زين  : ونا
نسمه : يلا نروح عشان حاسه اني هنام منكم
نسمه شالت شوكلاته و مشيت ورا نوراي و زين وصلوا عند العربيه
نوراي: هاتي شوكلاته أنا هقعد ورا بيها
نسمه: اشطا
كلهم ركبوا العربيه نسمه جنب زين و نوراي  ورا و اول ما ركبوا و اتحركوا مفيش عشر دقايق نوراي و نسمه ناموا
تلفون زين رن
زين : الو يا ماما ...أنا مع البنات الكلب بتاعت نسمه تعبت و كانت عماله تعيط فجيت اخدهم للمستشفى بتاعت الحيونات ...لا الكلب طلعت حامل 😂 و نسمه تقولها يا زباله غفلتيني انتي و شيتوس ... نسمه عسل ازاي دي عسل اسود مخلوط بهباب ...لا هي مش سمعاني هي و نوراي ناموا اول ما اتحركت ..هوصلهم البيت و جاي .. خلاص تمام يلا مع السلامه في حفظ الله و رعايته صحيح استني بقولك ...اجيب نوراي معايا ولا اسيبها مع نسمه ...أسيبها يعني خلاص تمام يلا مع السلامه
كل ده و البنات في سابع نومه
نسمه اتحركت علي كتف زين و نامت عليه
زين حرك دراعه عشان بيلف الدريكسيون بتاع العربيه
نسمه بصوت نايم تماما :ممممم اوف هي مالها المخده بتتحرك ليه مممم
زين ضحك و باسها في راسها  و قال في سره : هبله والله بس شكلي حبتها مش عارفه بصراحه بس ياترا أنا لو حبيتها هتبادلني نفس الشعور ولا هيكون من طرف واحد مش عارف خير ان شاء الله
يبدو كدا ان باب الحب عند زين بيتخبط عليه
وصلوا البيت و كان قاسم روح بيته و كان في حد من الحرس قاعد علي البوابه
الحارس: مين حضرتك
زين : أنا زين الجارحي
الحارس : تمام اتفضل
زين : بس سوال هو اي حد يقول اسمه بتدخله
الحارس : لا يفندم قاسم باشا قبل ما يمشي بلغنا ان حضرتك جاى
زين : تمام 
دخل زين و ركن العربيه
زين : نوراي نوراي نوراييي يا نوراي
نوراي : مممم اي
زين : يلا اصحي
نوراي بنوم : صحيت اهو
زين : نسمههههه نسمه نسمه يا نسمه
نسمه في عالم تاني
زين بدأ يهزها و ينادي عليها و هي في عالم تاني خالص
نوراي: هتعمل اي طيب
زين : مش عارف هاتي المفتاح من شنطها و افتحي ونا هتصرف
نوراي و هي لسه نايمه علي نفسها : ماشي
نوراي اخدت المفتاح و هي بتطوح زي السكرانين و فتحت و سابت المفتاح في الباب و سابته مفتوح و شوكلاته نزلت وراها و راحت علي سريرها و نوراي و طلعت علي اوضه نسمه اكنها اوضتها و رمت نفسها علي السرير و اتغطت و نامت
زين : اه منك يا نوراي الكلب ... ونا هعمل اي مع الميته دي صبرني يارب يلا هشيلها و امري لله
زين شال نسمه و هي كل ده في سابع نومه و مش دريانه بالدنيا و الفيها
زين : اههه يا ضهري أنا لو شايل بقره ٧٠ كيلو مش هيكون كدا
و طلع بيها و مكنش عارف هي انهي اوضه ففتح اول واحده و كانت فضيه فعرف انها بتاعت اخوها فتح باب تاني و كان الحمام فتح الثالث و اخيرا لقي اخته نايمه دخل براحه و دخل نسمه و حطها في السرير و غطاها حلو هي و اخته و باسهم هم الاتنين في رأسهم و بصلهم و مشي

سلاف (أنا) : زين بدأ يبقي قليل الادب يجماعه و مش متربي و شكله هو و نوراي عاجبهم الوضع اما نشوف ادهم هيكون زي كدا ولا لا بس يارب نسمه تعرف تقربهم بس أنا بقولكم هيحصل 🤫
زين مشي علي بيته و نام
و المسكين يعيني عليه راجع البيت الساعه ٧ ونص الصبح

(يوم جديد)
الساعه ٥ المغرب
نوراي فاقت : نسمه نسمه
نسمه : ممم عايزه اي سيبيني انام
نوراي : الساعه ٥ يلا عشان نطبق مصيبه انهارده
نسمه : طيب ابعتلهم علي الجروب عشان يجهزوا
نوراي: طيب قومي تجهزي يلا
نسمه : اجهزي انتي الاول ونا هقوم وراكي
نوراي: خلاص تمام
نوراي قامت و جهزت و صلت فروضها و نسمه اخيراا قامت و صلت هي كمان و بتجهز
نوراي بعتت رساله علي الجروب
نوراي: يجدعانننن
مريم : اي يختي انتم لسه فاكرين الخطه
نوراي: يختي احنا لسه صاحيين
يسرا :للأسف مش هعرف اجي دكتور زين قالنا في بحث مهم و لازم يتعمل
نوراي: اوف منك يا زين
يسرا : 😂😂😂
نوراي: خلاص تعالي و روحي ذاكري و سلمي البحث بكرا
يسرا : لا أنا هروح اخلصه احسن و لما اخلص هجيلكم
نوراي و مريم: براحتك يختي😂
نوراي: اهو نسمه جهزت
مريم : أنا نسيت هنعمل اي انهارده
كلهم : ونا 😂😂
نوراي: استنوا اشوف كدا
نوراي : يلهوي يجدعان انهارده هنكون في الكافيه العندنا و هنلبس جلابيه و نقلد ام سجده 😻😻
مريم : يحلاوه يا جدعان اشطا أنا هلبس و جايه
و قفلوا الحوار
نوراي لنسمه: بت يا نسمه اقلعي الهدوم الحلوه دي انهارده احنا ستات حاره
نسمه : اهه صح نسيت طيب ماشي
و لبسوا هم الاتين و نزلوا

و الجزء خلص ياخواتي + بحبكم اوي انتم و الكومنتات الحلوه بتاعتك 💋💋💋💋💋
بس تصدقوا زين طلع مش متربي و بيسرق من البت نسمه بوسه و هي نايمه ده لازم يتربي من اول و جديد يعيني عليكي يا حياه انتي و محمود 😂😂