زينة الهاشم 2

الجزء 14

زينة الهاشم 2 💝
الجزء 14
غيركوبيت من عند مريم حكمتني الدودة والله صح اليوم وحدنا خلي نوض رحت درت عشا وجدت ديسار وسهرة درت دوش ونقيت روحي الله الله كوافيت شعري ودرت مكياج ولبست لاغوب نتاع زهيرة جاية نواغ كول باتو سيغي حتى لتحت ستيل حوتة وفيها شلق على جنب حتى نص الفخض (لحق هيا غير للركبة وأنا زدت فيها )  كنت فرشت البيت بالبلون والغوز فرشت الورد والشمع لي لقيتهم هنا في اول يوم المهم تحفت روحي وتحفت الدار لقيتها قريب التسعة زعما ذوك يجي ولا مزال خلي نسقسيه باه إذا مزال نحي لاغوب هو كان مرة مرة يبعث ميساج يسقسي عليا ويقولي شوية ونجي ساعة مبانش فالحق معليش باه وجدت براحتي عيطت لهشام اهلا حبي لاباس قتلو بخير مزال ماتجي قالي علاه قتلو والو غير كرهت وحدي قالي خلاص ضوك نجي ، علابالي ميجيش تسطحت نتفرج لاهية مع التفراج حتى نسمع فيه مهبولة وحدها ومظلمة الحالة هكا مجيت نوض لقيتو حل الباب قتلو تعيش اخرج شوية قالي لالا قتلو نتا حنوني والله بلخف قالي هاني فالكولواغ نحسب ل 20 منزيدش قتلو اوكي خرج ونسمع فيه يسوطي من 1 ل5 ل12 عيطت بركا متتريشي شعلت الشموع وسقمت روحي لبست الطالون ورحت فتحتلو الباب يا عمري الزين نتاعي رضا عليا قتلو نتا جبدت مني قالي والله مصرات جيست محبيتش نسمط عليك قلت كي ترتاح علابالي عمري جيني وحدها يبوس ويمص واش هذا الزين واش هذا الجمال لي جاني ومخلا فيا والو ويدور فيا هذي لاطاي ولا واش قتلو زعما صح عجبتك والله يا هشام مني كيما كنت ردلي اقسم بالله غير زينة وشابة في كل حالاتك علابالك واش مجملك ومبهيك قتلو واش قالي حلاوتك حنانتك طيبة قلبك لي عمرو يعرف الحقد والكره توحشتك يا عمري بكل لي فيك دورت يديا على رقبتو حتى انا توحشتك هيا نحي الوحش لحبي قتلو لالا نتعشاو قبل خلي نتعشى بيك قبل نونو جامي والله نموت تحتك جيعانة بزاف هيا ندي حبي تتعشى قعدت على حجرو ناكل ونوكل فيه وهو عقلو طاير بلعاني ناكل ونتدلل وغير بالشوية هو خلاص مبقى فيه والو قالي تعيشي يا حبي ازربي والله راح نموت قتلو انا هنا وتموت وبستو من رقبتو لقيتو رفدني وطار بيا للبيت قتلو يا مش قالك الطبيب يدك مزال مبرات استحفظ عليها قالي خلي ر... طير كان بغات منيش قادر نصبر عليك قتلو حتى انا وغرقنا في بعضانا مزية كنا وحدنا فالدار ولا كان صراتلنا فضيحة معاهم هو هابل وانا نزيد عليه شكون حبيبتك يردلي زينة  شكون مرتك  زينة شكون عمرك زينة معاه معاه ونسيت روحي لدرجة قتلو شكون تحب ت......كها ولا عيط ربك نتي برك زينة برك لي تهوالي ن..... كها  جبناها مع بعض حتى للفجر حتى الاذان جيت نوض مقدرتش فرعني نتاع الصح ساعفني داني دوشلي ودوش هو لبسلي حوايجي نشفلي شعري حطني فالفراش بعدما بدلو قالي حبي استنايني شوية ونجي متخافيش هزيتلو راسي  واحد نص ساعة وجا رافد دوا قتلو حسبتك رحت تصلي قالي اليوم عريس ضحكت دارلي الدواء بصح مقدرش يشد روحو  بقى يبوس فيا من المنطقة الحساسة وانا نتأوه شعلني ومن جهة موجوعة منكذبش كنت ساخفة عليها استحملت الوجاعة وعاودت معاه من جديد لدرجة سال الدم مع كملنا عاودلي الدوا ورقدنا .
فطنا على 2 على تليفونو يصوني لقاها زهيرة واش ختي سافا نسمع فيها تبكي واش بيك حنونتي وينك نتا وزينة فالدار علاه كسرت عليكم الباب بالدقديق ومفتحتوش عيطتلكم والو مجاوبتوش خفت كاش ما صرالكم قاللها حنونتي والله ملاح كنا راقدين برك ضوك شوية ونهبط لختي كوبا لقاني نتبسم معاه باسني على فمي الحلوة نساتني كامل في خواتاتي باه نجيبهم نهبط ونجي لعميرتي صحا قتلو اوكي راح دوش حتى نسمع فيه يضحك بالصوت شوية ودخل عندي يا حلوفتة باه نخرج اليوم ونقابل الناس شفت معاه رقبتو مطراسية خبيت وجهي بيديا  جيت نايضة عيطت من الوجاعة جا يجري ليا قتلو اجبد نديرلك فوندوتا قالي روحي تلعبي انا ندير مكياج قتلو لالا جيست نخبيهالك قالي خليها حلوة وشابة قتلو لالا فضيحة قالي مافضيحة ماوالو ياك حلالي هزني دوشلي لبسلي بقيت نشف في شعري وهو دار  قهوة جاب شربنا مع بعض لبس شوميز باه الكول يخبي لي طراس وصح تخباو شوية لبس سروالو قالي حبي خليك في فراشك شوية ونجي قتلو ديجا منقدرش نوض ضحك عليا راح وانا غفيت فطنت عليه يبوس فيا صحا النوم قتلو يسلمك جايب بيتزا تغدينا قالي لبنات البارح طولت عليهم عيطولي كي مجاوبتهمش راحو مع زينب وباتو عندها والصباح جابهم سعيد كعاد عندهم المفتاح وتاني عيطولنا شحال كي مهزيناش جاو دقدقو ومفتحناش كون تشوفي حالتهم كيفاه لقيتهم بقيت غير نضحك قالي كاش واحد يحب يسرق الدار يخليني نلهى في فرماجتي الحلوة يدي الدار بلي فيها منجيبش خبر بصح فريمو قتلتيني وهدرتك حطيت يدي على فمو تعيش اسكت والله حشمتني ضوكا يا سيدي معليش احشمي ضوكا بصح كي نكونو مع بعض فرحيني كيما البارح هزيتلو راسي تغدينا وبقينا مع بعض حتى بعد العصر هدر مع يماه إذا يجيبها قاتلو شدونا للعشا قاللها داكور لبس وقالي انا خارج ونتي ضوك يطلعو عندك لبنات قتلو صح شوف كيفاه راني قالي حبي بركاي متكبري فيها قتلهم راهي مريضة مالا ابقاي في بلاصتك لبسلي حوايجي وقتلو ندير خمار قالي زينة بصحك قولتلو اهشام شوف رقبتي كامل مطراسية سكت هو راح شوية ودخلو عندي خواتاتو قتلهم اسمحولي راني مريضة كون هزيت عليكم كي كمتو تعيطولي قالولي لالا غير اقعدي بقاو يحكو لي على العرس وعلى هدى لي هبلت وباقية تتصدر مع العروسة وحابة تبان خير منها بالسيف قتلهم جديد من عندكم كاش خطاب ضحكو وغمزتني زهية على زهيرة قتلها يا الله ازرع ينبت قاتلي واحدة حبيبتنا منحاتش عينيها مني ممبعد جات بنتها حكات معايا زعما تتعرف باه نعرف إذا مخطوبة ولالا وعلابالك خوها نعرفو يخدم فالسبيطار  بصح مش نفس السارفيس هو انستيزيست قتلها والله شاطرة يا حلوفة قاتلي هو جامي شاف معايا نظن غير مو عجبتها قتلها كون مجاتش سامعة عليك متحوس على الرسمي نتاعك زدنا حكينا هي راحت ديرلنا لعشا قلت لزهية وين غايسة قاتلي والو يا زينة بصح حسيت روحي كبرت قتلها على زهيرة قاتلي لالا بصح كي شفت لبنات واش لابسين كيفاه يحكو حسيت روحي روطار عليهم بزاف قتلها لالا نتي غير مين والفتي فالدار كي خرجتي حسيتي العالم مبدل متظليش غالقة على روحك على الأقل اطلعي عندي قاتلي اوكي من يومها تسڨمت الحالة عندي علامة رجعنا كيما ياماتنا اللولين نتاع الزواج سيرتو كعاد هدى في دارهم تهنيت منها.
السمانة هذي عرس ولد عمو حسين كانت لعجوز كانت تروح مع زهية باش تعاونهم انا مبغاش يخليني نروح نعاونهم كان يقولي راني عريس مزال متروحي حتى واحد اليوم فطرنا وداني منعرف كيفاه هداه ربي عاونتهم فليل كي خلصنا تعشينا وكملنا قالي هيا نروحو محبوش قالولو خليها تبقى تبات عندنا قالهم متصلحش وراهي مجابتش الانسولين تاعها لازم تروح ضوك باش تضربها قالولو متلعبهاش علينا روح جيبلها الانسولين ديرها قالي عمري باغية تقعدي انا مكنتش قاعدة معاهم بعثلي ميساج قالي متقعديش بصح انا كي شفت لبنات حبيت نبقى عيطلي قدامهم قالي وش لحكاية هذي الانسولين تاعك ومجبتيش حوايجك تروحي لدار قولتلو لالا جيبلي غير الانسولين منحتاجش حاجة اخرى كنت حابة نبقى وقعدت ليلة كاملة وهو يبعثلي فليميساج درتيها بيا ودرتي رايك انا مديتهاش فيه لتيت بالقصرة مع لبنات سلاف زينب مريم كانو كامل جوزنا ليلة شابة بايتين نقصرو والغدوا من ذاك تعاونا خملنا القاطو حالة العرس غير الشغل فليل كي روحنا لدار بقا مشنف وزعفان راضيتو كيما موالفة فالفراش هو يرضى غير بالفراش. نهار العرس روحنا الصباح للحفافة في ربعة هذيك ثاني راحت معانا من بعد روحنا كل وحدة راحت تلبس انا لبست لاغوب النواغ هشام كي شافني لابستها قالي ذوك تنحيها مستحيل نخليك تروحي بيها عيت نحاول نقنعو ياحبيبي ياعمري ياحياتي والو بلا فايدة قالي محال نخليك تروحي بيها  قالي هذي تلبسيها ليا انا وفرات هيا  روحي بدلي قلتلو عندي غير هذي نروح بيها ولا نقعد قالي زينة بزايدي ماتعاندي فيا لاغوب هذي متروحيش بيها دبري راسك وراح خرج انا بقيت نستنى بزاف حتى جات لعندي زهيرة قالتلي هيا قلتلها منروحش قالتلي وعلاش قلتلها مخلانيش نلبس هاذ لاغوب قاتلي كيفاش مخلاكش تروحي بيها قلتلها والله ماخلاني نروح بيها منعرف وش بيه قالتلي هيا امالا بدلي باش نروحو قلتلها والو مش راح نبدل والله ياهاذ لاغوب يسموني نحضر بيها قالتلي معليش راحت هبطت لعندو قالتلو محبتش تجي قالتلك منروحش طلع لعندي قلقان وزعفان وكيفاش متروحيش تتمسخري بيا وهاذ لاغوب تلبسيها يشوفوك بيها ولاد عمومي قلتلو وين راح يشوفوني وديجا راني ديت معايا  نلبس هذي ذوك وكي يجيو يدخلو نبدل قالي كيفاش حابة تعري روحك وتبدلي لهيت قعد ياكل في روحو بالسيف مارضى وخلاني  نلبس لاغوب بشرط منبدلش والشرط الثاني منشطحش منتحرك مانوض من بلاصتي قولتلو امالا وعلاه راني رايحة للعرس انا نروح باش نبقى نتصدر.