زينة الهاشم 2

الجزء 24

زينة الهاشم 2 💝
الجزء 24
نضنا نغسلو فالمواعن جا نجيب عيط لصليحة شوية نسمع فيها _يا خلايا الله لا تربحهم الله يجيبلهم ضربة ان شاء الله اللهم اجعل كيدهم في نحورهم دخلت عندي عنقتني يا حنونتي قتلها واش بيك _والو_حقا صليحة مجبتش حوايجي لقيتهم قاع مشمخين منعرف علاه اعطيني نلبس من عندك _نمد لحنونتي حياتي بكلها مش غير حوايج لا اله إلا الله فلي مايخافش ربي للمغرب جا نجيب ومعاه الراقي نتاع المرة لي فاتت لبست ودخلت عندهم تاني قرالي فالماء وعطالي نشرب وبديت نستفرغ حتى عييت زاد مدلي زيت قال لنجيب ديروهلها في كامل  جسمها وسيرتو على بطنها وشريلها ورق السدر ودوشولها بيه قالو صحا هو راح وانا رقدت فطنت غير بصليحة ديرلي فالزيت بصح تالمو مكنتش نرقد مليح في داري هنا وليت نظل راقدة نوض ناكل ولا كي يجي هذاك الراقي بصح غير يخلصلي الرقية نتصرع طول هشام فالاول تليفون ومنردش عليه أقسم بالله نشم ريحتو من التليفون وكي يجي كي يولي فالدروج نشمها نقول لصليحة اهو جا المعفون جبت في دارنا 21 يوم  موالف كي نجي لدارنا نجيب يعيط لخواتاتي يقوللهم زينة هنا ارواحو هاذ المرة معيطلهمش وزيد سعاد راحت مع جمال لولاية خلاف خاطر بدلوه فالخدمة وكريمة عجوزتها مريضة والعباد طايحين عليهم مجاتش وهشام غير يومين 3 ويجي يطل عليا هذاك الراقي يجيني يوم بيوم قال لنجيب قول لزوجها يجي باه نرقيهم مع بعض وصح جا اليوم ورقالنا مع بعض وللزوج شربنا الماء بصح مرجعناش قالي يا بنتي بإذن الله تعالى راكي بريتي بصح حصني روحك وكثري الاذكار ومرة مرة دوشي بورق السدر وحتى نتا قلنالو ان شاء الله انا صح تقريبا هاذ السمانة الاخيرة وليت نحن لهشام توحشتو غير يحكي معايا نبكي علاه مخليني في دارنا وهو يقولي نتي حبيتي تروحي وشفتك عييتي بزاف حبيتك ترتاحي ، المهم الراقي راح وحتى هشام قال نروح قالو نجيب اقعد بات قالو والله منقدر غدوة عندي صوالح وسلعة نتاع الناس يجو يدوها قتلو استنى نجي معاك شاف معايا ومع نجيب داني لبيتي قالي حنونتي غير غدوة نجي نديك _وعلاه مش ضوكا _مكاش كيفاه خاطر عاودت صبغت الدار ومزال منشفتش بصح والله غير غدوة نجي لعمري نديها _توحشتك _آه يا حبي كون تدري أنا وحضني باسني على شعري غير غدوة نجي لحبيبي ونحو الوحش ونجوزو  ليلة متتنساش اوكي _هزيتلو راسي هو راح  وانا ماعجبنيش الحال جات صليحة لقاتني نبكي واشبيك _كره مني صح _علاه تقولي هكا _منعرف بصح موالف يوم ميخلينيش نبقاه وضوكا سمانة وأنا هنا ومحبش يديني معاه _زينة مراكي شافية على والو _على واش نشفى _دارك لي كنتي عايفتها وهشام _علاه نعاف داري ياك شفتيها مرتبة منقية وزيد خدمتها متحوفة مكاش بلاصة نرتاحلها كيما داري وهشام تعرفيني نموت بلا بيه  _الف الحمد لله يا ربي شوفي ضوك نحكي لحنونتي نتي دارولك سحر _كيفاه أمنتي بلي تمسيت هذيك المرة _لالا صح هذي المرة سحروك ولا نقولو سحروك شحال من مرة بصح متأثرتيش بزاف ممكن مين شادة صلاتك وقرآنك بصح هذي المرة السحر كان قوي ووكلوهولك ورشولك كامل دارك وسيرتو كسوة هشام باه تعافيه وتشمي روايح مش ملاح وتهربي من دارك وهو تسمحي فيه _كيفاه _اسمعي عاودتلي قاع واش حكيتلكم خاطر انا مكنتش واعية ونهار لي راح يصلي الجمعة تلقى مع سعيد وقالو منيش مليح مع زينة وتصرفاتها غريبة غير حكالو قالو سعيد راها مسحورة مكاش كلام راحو للامام نتاع الجامع حكاولو أكدلهم بلي سحر وجا معاهم رقاني وقاللهم لازم تخرجوها منا وترقوها وترقو الدار مالا جابني لدارنا باه نرقي وكي راح لنجيب للخدمة فهمو فالحكاية كاملة وهو بقى يرقي فالدار وفالختام قالو الراقي من الاحسن تقشرها وتعاود تصبغها باه إذا بقى أي أثر من الرش يروح وسيقوها مليح بماء السدر بقيت مخلوعة في واش تحكيلي _هشام محبش يحكيلك قالي منحبهاش تبقى غير حاطة معاهم حابها تعيش حياتها عادي مالا كونك شاطرة وعيشي حياتك كيما كنتي ولا أفضل نسمعلها ونبكي الله لا تربحهم دنيا وآخرة.
اليوم نضت الصباح دوشت جبت قريب 2 سوايع فالدوش خرجت كوافيت شعري تغدينا وهشام مبانش عيطتلو وينك مش جاي _اواه جاي لحبيبي راني فالطريق مع 2ونص نوصل _صحا هاني نستنى فيك _استنايني حبيبي  رحت غسلت لماعن وصليحة مسكينة باقية تخملي فالدوزان عييت معاها مديريلي والو قاتلي اسكتي راه قريب العيد الكبير وتحتاجي القاطو تحتاجي هذو الصوالح وزينة شدي رجلك لتحت متزيديش تهبطي عندهم شدي دارك وراجلك كونك ساجية ردي بالك تخليهولها كلشي وراجلك إذا مشي ليك لوليدك صحا هزيتلها راسي كملت رحت لبست  بيجامة فيزو بليكات نتاعو وصليحة طيبت قهوة وجدتها مع لحق هشام ريح شوية للعصر صلينا وتقهوينا وتكلنا على ربي وصلنا مع 9 فايت. خاطر يسوق غير بالعقل على جالي _ نتعشاو حنونتي وندخلو _اوكي  تعشينا وبقى ماشي _وين رايح _علاه عييتي_هيه حابة نرقد باس يدي والو ليوم للصباح مش  قلتي متوحشتيني_هيه متوحشاتك بصح عييت من القعاد والطوموبيل _خلاص حبي وصلنا _ وين رانا هذي مش طريقنا_ضوك تعرفي للزوج تعبانين حبيت نريحو شوية _هيا برك غلبت _وصلنا هيا لقيت رواحنا عند اوتال صغير بصح يبان شباب دخلنا جاب المفتاح وطلعنا مع دخلنا عنقني واش توحشتك يا عمري  _حتى أنا بصح علاه مرحناش للدار _علاه معجبكش علابالي مهوش شباب كيما الي موالفين نروحولو_لالا أبدا انا المهم نكون معاك وحدنا وبراحتنا  ووين تديني راضية _والله ديما معاك حتى ومش بجسمي بصح بقلبي وعقلي علابالي راني مفرط فيك بزاف بصح وعد نعوضك _مالا راني نستنى فالتعويض  دوشنا مع بعضانا بحنانة وهو يهبل فيا دلاعتك كبرت بدات ديرونجيني شوية قتلو مبقالهاش _ربي يوصل بالسالم ونتهنى عليكم فالزوج  وتولي عندى أحلى عائلة منزيد نطلب من ربي والو _آمين  زدنا كملناها فالفراش حتى للصباح باه رقدنا  منضناش حتى لبعد الظهر دوشنا وخرجنا جاب غدا ورحنا لدارنا طلعنا من جهتنا انا اللولى وهو بعدي نسمع فيه يستغفر ويدعي يا ربي لطفك يا رب يا رب فتح الباب دخلنا_يا عمري تهبل لا كولاغ لي درتها_صح عجباتك _هايلة رحت طليت كامل على البيوت ودخلت شمبرتنا لقيتها مخملة ومرتبة _واش عمري صافا راكي مليحة نضت عنقتو مع حبيبي حاجة باينة نكون مليحة _الحمد لله يا رب حبي الهبطة لتحت ممنوعة للضرورة فقط ديجا معندك حتى ضرورة تحتاجي حاجة عيطي لبنات يجيبولك تكرهي قوليلهم يجو يجمعو عندك والباب ثما الباب محال نلقاه مفتوح والله نسوطك ونلقاه مفتوح عوجتلو فمي _سمعتيني _من جهة متوحشني ومن جهة حاب تضربني _مهبول نضرب عمري  هيا تتغداي راهو يهبطلك السكر حنا نتغداو صونا تليفونو لقاه صالح بقاو يحكو _لالا لاباس الحمد لله رانا فالدار وراها عادي كيما زمان _الف الحمد وشكر لله  _اقسم بربي خلصت البارح _كي نحتاج نجي ندي بلا ما تقولي _صحا خويا باي  شوية ونكون ثما كوبا قتلو غير الخير واش_والو عمري يسقسي علينا برك  حبي رايح ونتي كيما وصيتك ردي بالك _داكور عمري نهبط نسلم عليهم ونطلع _نو متهبطيش حتى نجي _داكور باسني وخرج  انا بدلت جيت نخمل الدار لقيتها  مرتبة ما شاء الله باين زهية مخملتها نعرف خدمتها  غسلت لماعين وهدرت مع خواتاتي شوية درت عشا كان قاضيلي مع جا تعشينا قالي نهبطو سلمي عليهم واطلعي انا نريح شوية مع ما ونجي خرجنا قالي وبابك واش وصيتك عليه _ياك مع بعض _مع بعض وحدك ديما بلعيه _هبطنا سلمت عليهم لقيتو يتخنزر فيا _تصبحو بخير قاتلي لعجوز اقعدي جمعي شوية _قاللها تاعبة من الطريق خليها تروح ترقد طلعت وشديت بلاصتي واحد نص ساعة وجا بقينا مجمعين شوية ممبعد قالي زينة حبي افهميني من اليوم نهار هنا ونهار لتحت _علاه _لازم حبي _حاب تعدل زعما _مجاتش على العدل خلي نتحشر اعوج ومائل وانما على جالك _علاه على جالي _هكا هيا ترقدي راكي عيانة _ مديتلو  بظهري مالا حاب تساويني بيها صحا نستاهل انا لي رجعت ليك وجيت برجليا.
صح من يومها ولا يوم عندي ويوم لتحت انا مقدرتش نتقبل وليت ندير فالخطط وفالقوالب نلعبها مريضة باه يبقى عندي هو صح ميخلينيش ويبقى معايا بصح اول ما نرقد يهبط لعندها مرضت وليت غير نخمم فيهم حكيت لصليحة قاتلي هذا هو صح وزيد ياك راه متهلي فيك مالا عيشي حياتك ونسايها لهاي في روحك وفي وليدك لي جاي نظن ربي استجاب لدعوتها وعطاني هم لهيت فيه عليهم ، اليوم بعدما راح هشام درت الغدا وقلت نسيق انا بديت حتى سمعت لاصونات فالباب البراني ياي شكون جاني جامي جاوني ضياف رحت طليت من لالوب ملقيت والو يا ربي  شكون رجعت نكمل فتسياقي وأنا نخمم حتى لحقت عند الباب لقيت ورقة فتحتها لقيت نيميرو تاع تيليفون مكتوب زعما نتاعمن باين لهشام حطيتو فوق لاكوافوز كي يجي نقولو عليه مزية نسيتو ربي كان باغيلي الستر خاطر كيما تقول كريمة ختي نتي نية بزاف حتى وليتي حمارة ،كملت شغلي ونسيت قاع لحكاية جا هشام فوتناها نوغمال يومين حتى تاني بعد ما خرج هشام صونا الباب رحت طليت من لالوب مكان حتى واحد بصح كاين صاشي عند الباب شكون حطها يا نندب بالاك كاش ما فيها سيغ كاش ما دارولي خفت ورحت هزيت تليفون باه نعيط لهشام ولثاني مرة يسترني رب العالمين لقيتو طافي درتو في لاشارج وباقية رايحة جاية ممبعد درت الكوراج وليت نقرا فالقرآن وفتحت الباب دخلت الساشي وباقية نقرا فالقرآن ونفتح فيه مع فتحتها نلقى وردة حمراء ودبدوب صغير أحمر ومعاهم كارت مكتوب فيها عشقتك أول ما رأتكي عيني يا خاه واش هذا شكون هذا زعما هشام اواه كون هو كون جابولي بيدو علاه يديرلي قوالب هكا زربت شعلت تيلفون وعيطت لصليحة حكيتلها يا نندب ردي بالك هذو راهم ناوين يخلوه يذبحك __شكون _ضرتك باينة امشي طيشي عليك الزبل وقطعي ذاك النومرو _اوكي رحت رميتهم في لابوبال وقطعت الورق بصح كون يجي هشام كاش ما يرمي ويشوفو واش نقولو يا نندب زربت رفدت هذاك الدبدوب وخزنتو في فاليزة اقسم بربي حاسة قلبي راح يخرج من صدري ، جا هشام واش بيك _لالا والو _تباني تعبانة ولا مريضة _هيه عييت برك  تغداي ورتاحي _ان شاء الله زربت كليت ياحي واش من ماكلة الخلعة قتلتني وخايفة نفضح روحي قدامو خلي نوض خير _وين كملي غداك _شبعت ونعست بزاف ورحت شديت بلاصتي وغطيت راسي باه ميحكيش معايا شوية جا عندي حبي رايح كاش ما تحتاجي مجاوبتوش لحق عندي نحالي لغطا باسني على خدي وخرج غير سمعتو راح تقعدت وبقيت نبكي الكلاب ناويين يجيبو آخرتي نهبط ليها ناكلها اليوم  انا هكاك عاودتلي صليحة واش درتي فيها عارفاتك خوافة ياك مفضحتيش روحك قدام هشام _قريب على شعرة _ردي بالك والله يذبحك _نذبحها ولا ذبحني بحار عليا _هبلتي شدي بلاصتك وشدي لسانك ومعلابالك في والو عسي روحك برك _صحا بقيت نرعش غير وحدي  جا هشام عشية كاملة مع بعض وانا غير نتهرب منو _واش بيك مكيش عاجبتني _مريضة برك عييت من الحمل _خلاص حبي مبقالكش بزاف _ان شاء الله _واش رايك غدوة نخرجو نشرو واش تحتاجي قتلو داكور بقينا مع بعض الصباح تاني مور لي راح صونا الباب الرجفة حكمتني بالسيف لا رحت طليت ملقيت والو بصح كاين صاشي عند الباب فتحت لقيت فيها كوفري بارفان وكارت متى يحن الحبيب على عاشقه المسكين يا نندب هذو يجيبو آخرتي عيطت لصليحة فاحمة بالبكا _طيشيهم وردي بالك تزيدي تحلي الباب يا جدك كون كاش واحد متخبيلك نتي تحلي وهو يطبع الباب يدير فيك فارطة ردي بالك هدرتها قتلتني هزيتهم خبيتهم فالفاليزة وكلشي مني يرجف غير لحق وقت يجي هشام تخبيت تحت لغطا مش قادرة نقابلو ديجا علابالي يفيق بيا جا هشام عيا معايا هيا للطبيب من البارح مش مليحة قتلو لالا تعب برك وضوك نرتاح راح خدم لليل جا اليوم يبات لتحت عندها هبط بصح غير مرة مرة نفطن بيه عندي يتفقد فيا ، اليوم تاني نفس الشي مع صونا الباب مت في بلاصتي طليت لقيت صاشي بصح محليت مجبتها عاود صونا الباب 3 مرات نطل بصح منفتحش حتى لل 11 ونص يا نندب ضوك يجي هشام ويلقاها واش نقولو خلي ندخلها وخلاص انا وصلت عند الباب طليت من لالوب ملقيت والو اف مزية عيطت لصليحة قاتلي شفتي قتلك كاين لي عاسك متزيديش تخلي الباب انا نحكي معاها وجا هشام تخطفت _يا طفلة واش بيك _والو _معامن تهدري_صليحة هيا باي ختي ممبعد نعيطلك وكوبيت _واش بيك عمري _والو  _مكيش عاجبتني العشية مسكين جابلي الراقي تعاودت معايا الحكاية سمانة كاملة الرعب عشتو.